Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

Este mércores, 12 de xuño, celebrouse o último pleno do mandato 2015-2019

Este mércores, 12 de xuño, ás 20:30 horas, celebrouse o último pleno do actual mandato. Nesta sesión plenaria aprobáronse as actas dos plenos ordinarios de abril (celebrado o día 25 de abril) e de maio (celebrado o día 28 de maio), que estaban pendentes de aprobar por parte da Corporación municipal. O vindeiro sábado, 15 de xuño, celebrarase o primeiro pleno do mandato 2019-2023 no que se desenvolverá o acto de investidura.

Este mércores, 14 de xuño, celebrarase o último pleno do mandato 2019-2023

Este mércores, 14 de xuño, ás 20:30 horas, celebrarase o último pleno do actual mandato. Nesta sesión plenaria aprobarase, se procede, a acta do pleno ordinario de maio celebrado o pasado 11 de maio, que está pendente de aprobar por parte da Corporación municipal. O vindeiro sábado, 17 de xuño, celebrarase o primeiro pleno do mandato 2023-2027 no que se desenvolverá o acto de investidura.

Este mércores, 14 de xuño, celebrouse o último pleno do mandato 2019-2023

Este mércores, 14 de xuño, ás 20:30 horas, celebrouse o último pleno do actual mandato. Nesta sesión plenaria aprobouse a acta do pleno ordinario de maio celebrado o pasado 11 de maio, que estaba pendente de aprobar por parte da Corporación municipal. O vindeiro sábado, 17 de xuño, celebrarase o primeiro pleno do mandato 2023-2027 no que se desenvolverá o acto de investidura do alcalde. O pleno de constitución da nova Corporación municipal emitirase por streaming a través da canle de Youtube do Concello de Ames.

Este mércores, 6 de novembro, celébrase o pleno ordinario do mes de outubro

Este mércores, 6 de novembro, ás 20.30 horas, o Concello de Ames celebrará o pleno ordinario correspondente ao mes de outubro. Cómpre lembrar que a Corporación municipal de Ames deduciu suspender o pleno ordinario de outubro que se ía celebrar o pasado xoves 31 de outubro, como mostra de apoio ás miles de persoas afectadas pola DANA. A decisión de suspender a sesión plenaria tomouse o pasado mércores pola tarde en Xunta de voceiros/as. O pleno será emitido en directo a través da canle de YouTube do Concello de Ames.

Este sábado, 13 de xuño, celébrase unha Xunta de Goberno Local aberta ao público para elixir os membros das mesas electorais para as eleccións ao Parlamento de Galicia do 12 de xullo

Este sábado, 13 de xuño, celebrarase unha sesión extraordinaria da Xunta de Goberno Local, para realizar o sorteo, de xeito aleatorio, das persoas que ocuparán as 35 mesas electorais de Ames nas próximas eleccións ao Parlamento de Galicia, que terán lugar o domingo, 12 de xullo. Dita Xunta de Goberno Local, que se realizará no salón de plenos da Casa do Concello, será aberta a toda a veciñanza que queira acudir. Un total de 24.319 persoas poderán votar en Ames. O persoal do Concello será o encargado de notificarlle a cada persoa que saía elixida que forma parte dalgunha das mesas electorais.

Este venres, 13 de outubro, celebrarase un pleno extraordinario sobre o modelo de xestión da recollida do lixo de Ames

Este venres, 13 de outubro de 2023, ás 10.00 horas, celebrarase un pleno extraordinario solicitado polos grupos municipais do BNG e de Espazo Común, no que se debaterá sobre o modelo de xestión da recollida do lixo de Ames e solicitarase información sobre as actuacións realizadas pola Alcaldía coa Mancomunidade Serra do Barbanza. Debido ás obras que se están a realizar no salón de Plenos do Concello de Ames, a sesión celebrarase no Pazo da Peregrina. O pleno será emitido en directo a través da canle de YouTube do Concello de Ames.

Este venres, 24 de novembro, celebrarase un Pleno extraordinario para aprobar un suplemento de crédito

O Goberno municipal leva ao Pleno extraordinario que se vai celebrar este venres 24 de novembro, ás 10.00 horas, a modificación do suplemento de crédito 1/2023, financiado con remanente de tesourería para gastos xerais (baixa de créditos); e maila aprobación do suplemento de crédito 3/2023 por importe de 337.680,26 euros. Debido ás obras que se están a realizar no salón de Plenos do Concello de Ames, a sesión celebrarase no Pazo da Peregrina. O pleno será emitido en directo a través da canle de YouTube do Concello de Ames.

Este xoves, 14 de maio, debaterase no pleno a aprobación provisional da derogación da ordenanza de terrazas

O Concello de Ames celebra este xoves, 14 de maio, un pleno extraordinario no que a Corporación municipal debaterá a aprobación provisional da derogación da ordenanza fiscal reguladora da taxa por ocupación de terreos de uso público con mesas, cadeiras, tribunas, taboados e outros elementos análogos, con finalidade lucrativa. Este martes, 12 de maio, realizouse a comisión informativa de Economía e Facenda e Especial de Contas, previa a dito pleno, na que se aprobou, con cinco votos a favor e tres abstencións, a derogación de dita ordenanza fiscal. O obxectivo do goberno municipal e do resto de grupos políticos municipais é derogar dita ordenanza, para que os locais hostaleiros e comerciantes non paguen as taxas deste ano e poidan incrementar a superficie das súas terrazas, sempre tendo en conta os informes técnicos do departamento de urbanismo. Esta medida axudará a hostaleiros e comerciantes coa eliminación da taxa de terrazas deste exercicio. O Concello deixará de percibir este ano preto de 18.000 euros polas taxas de terrazas.

Este xoves, 30 de novembro, celebrarase un pleno extraordinario sobre as actuacións da EDUSI Impulsa Ames

Este xoves, 30 de novembro de 2023, ás 18.00 horas, celebrarase un pleno extraordinario solicitado polos grupos municipais de Espazo Común e do Bloque Nacionalista Galego, no que se debaterá sobre a situación actual das actuacións incluídas na EDUSI Impulsa Ames (actuacións rematadas e pendentes, así como sobre os prazos e previsións de execución). Tamén se abordará a previsión do goberno municipal para asumir o importe de cofinanciamento non executado a 31 de decembro de 2023. Debido ás obras que se están a realizar no salón de Plenos do Concello de Ames, a sesión celebrarase no Pazo da Peregrina. O pleno será emitido en directo a través da canle de YouTube do Concello de Ames.

Estímase parcialmente a alegación presentada ante a ordenanza fiscal reguladora do IBI e apróbase de xeito definitivo a redacción de dita ordenanza

O pasado venres, 27 de decembro, convocouse para ás 16.00 horas un pleno extraordinario e urxente coa finalidade de resolver unha alegación e aprobar de xeito definitivo a modificación da ordenanza fiscal reguladora do imposto sobre bens inmobles do Concello de Ames. Ante a negativa de recoller a notificación por parte do administrativo do grupo municipal popular, tal e como se fai habitualmente, o Concello tratou de notificar nos domicilios particulares de cada membro, sen éxito. No caso dos concelleiros de Ames Novo e Ciudadanos non houbo problema. A pesares de ter o quórum requirido, desde a Alcaldía decidiuse pospoñer o Pleno para o sábado 28, de cara a ter tempo suficiente para a convocatoria. Finalmente, o pleno desenvolveuse o sábado, 28 de decembro, ás 12.00 horas, sen a asistencia dos edís do grupo municipal popular, a pesares de tres intentos de notificacións a cada un deles nos seus domicilios. Os concelleiros/as do grupo de goberno votaron a favor de estimar parcialmente a alegación e aprobar definitivamente a redacción de dita ordenanza, mentres que os concelleiros de Ames Novo, Quique Costas, e de Ciudadanos, José Ramón Oulego, abstivéronse.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.