Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

A Corporación municipal demanda que a Xunta de Galicia atenda as necesidades sobre o transporte no rural do concello

A Corporación municipal aprobou por unanimidade o inicio de expediente de resolución do contrato do servizo de axuda no fogar; o inicio do expediente de liquidación do contrato de concesión para a xestión do servizo publico do ciclo integral da auga asinado con Espina & Delfin SL; a elección de xuíz/a de paz titular; a autorización do incremento da cantidade global destinada á asignación de gratificacións, horas extras e horas complementarias no orzamento de 2024; a transferencia de créditos 4/2024; e o suplemento de crédito 1/2024 financiado con remanente de tesourería para gastos xerais. Ademais, aprobouse por maioría a resolución de alegacións sobre a modificación da ordenanza reguladora da taxa pola prestación de servizos complementarios educativos; a modificación do anexo do cadro de persoal do orzamento EPEL 2024; e maila aprobación das novas cotas pola continuidade na Mancomunidade Serra do Barbanza. Por último, abordáronse dúas mocións presentadas polo BNG de Ames. A primeira sobre a elaboración dun regulamento para a participación dos membros da Corporación municipal en actos públicos e oficiais que foi rexeitada. A segunda sobre as necesidades sobre o transporte no rural do concello que foi aprobada por unanimidade. Podes ver a gravación do pleno na canle de Youtube do Concello de Ames.

A crise da COVID19 e a política económica marcaron as liñas de debate no Pleno Extraordinario sobre o Estado do Concello

Desde o ano 2018, e por mor da situación extraordinaria provocada pola crise COVID19, non se celebraba un pleno sobre o estado do Concello en Ames. Precisamente, a xestión da pandemia, xunto coas políticas económicas, protagonizaron unha boa parte das intervencións. Tanto o alcalde como os voceiros e voceiras das distintas forzas políticas lembraron ás familias afectadas e agradeceron ao persoal municipal o esforzo e eficacia á hora de adaptarse aos novos xeitos de traballo. Malia diferenza de criterios, especialmente en asuntos económicos, a sesión desenvolveuse nun clima de cordialidade, unidade e respecto. O Pleno foi seguido en directo, vía streaming, por preto de 50 persoas.

A humanización do Milladoiro centrou o debate do pleno ordinario de setembro

A Corporación municipal aprobou a cuarta modificación do Plan estratéxico de subvencións, a primeira modificación do contrato do servizo de limpeza integral nas instalacións dos centros de educación infantil e primaria e escolas unitarias, o convenio e encomenda de xestión ao Concello de Teo para a prestación do servizo de atención temperá, e o estudo de viabilidade da concesión de obra para a construción da instalación deportiva municipal de O Milladoiro e da piscina municipal de A Telleira para a súa explotación conxunta. Os temas que xeraron máis debate foron tres mocións presentadas por vía de urxencia, que tamén foron aprobadas, sobre a situación da educación no concello de Ames; en apoio á veciñanza e comercio do Milladoiro afectados polas obras de humanización da N-550; e para que o goberno do Estado estableza a gratuidade do tramo da AP-9 entre Santiago de Compostela e Padrón. Podes ver a gravación do pleno na canle de Youtube do Concello de Ames.

A Mesa Xeral de Negociación aproba por unanimidade as bases dos procesos selectivos do proceso de estabilización do Concello de Ames

A Mesa Xeral de Negociación aprobou o pasado luns, 14 de novembro, as bases xerais e específicas que rexerán os procesos selectivos convocados polo Concello de Ames para cubrir as prazas de estabilización de emprego temporal incluídas na oferta de emprego público de 2022. Con esta aprobación iníciase o procedemento para a súa fiscalización e aprobación en Xunta de Goberno Local. Posteriormente terá que publicarse nos boletíns oficiais que correspondan. A Oferta de Emprego Público (OEP) extraordinaria de estabilización do ano 2022 do Concello de Ames foi aprobada en Xunta de Goberno Local o pasado 23 de maio. Dita oferta inclúe 118 prazas (38 de persoal funcionario e 80 de persoal laboral). Trátase dun proceso de estabilización no que 113 prazas se estabilizarán unicamente por medio dun concurso de méritos e outras 5 prazas serán estabilizadas mediante o sistema de concurso-oposición.

A poboación do concello de Ames sitúase nos 32.115 habitantes

Segundo os datos provisionais que manexa o Concello, a través do padrón municipal, a poboación de Ames a 1 de xaneiro de 2022 sitúase en 32.115 habitantes (15.467 homes e 16.648 mulleres). Estes datos son provisionais xa que están pendentes de aprobación por parte do INE. Deste xeito, producíronse 1.620 altas no censo por cambio de residencia e 207 altas por nacemento. Ademais, ao longo do exercicio 2021 houbo 1.533 baixas por cambio de residencia e 172 baixas por defunción. Por último, cómpre salientar que se producíronse 747 cambios de domicilio dentro do termo municipal.

A Policía Local incide en que se deben de cumprir as limitación da liberdade de circulación das persoas derivadas do estado de alarma

Dende o Concello de Ames lémbrase unha vez máis a importancia de cumprir as medidas postas en marcha polo Goberno do Estado para frear o avance do Coronovirus, a través da aprobación do Real Decreto 463/2020 que establece o estado de alarma. Deste xeito, incídese en que queda prohibido circular pola vía pública salvo nos casos recollidos no artigo 7 de dito Real Decreto. Tamén se recorda que as persoas que saían á vía pública deben de facelo soas (de xeito individual). O mesmo acontece para circular en vehículo, xa que só poderá ir unha persoa por vehículo, salvo casos excepcionais. O incumprimento destas medidas pode derivar en sancións económicas.

A unidade móbil de doazón de sangue estará o luns 28 de setembro no Milladoiro

A unidade móbil de doazón de sangue estará este luns, 28 de setembro, na rúa Cruxa do Milladoiro (no cruce con Rosalía de Castro). O horario será de mañá, de 9.30 a 14.30 horas, e de tarde, de 16.00 a 21.00 horas. Por mor da pandemia da Covid-19, e para regular a afluencia de doantes e evitar esperas, é necesario solicitar cita previa chamando ao número de teléfono 900 100 828.

A veciñanza de Ames xa pode intervir nos Plenos municipais

O Concello de Ames, a través da Concellaría de Administración Xeral, vén de poñer en marcha un novo procedemento administrativo para que os veciños e as veciñas individualmente, e/ou as entidades veciñais inscritas no rexistro municipal do Concello de Ames, poidan intervir nas sesións do Pleno municipal. Na web municipal, dento do apartado de Atención Cidadá, Participación, Dereito á participación, están a disposición da veciñanza dous modelos (un para persoas individuais e outro para asociacións) para solicitar a súa participación no Pleno. Tamén existe un banner ao final da web municipal que dá acceso a este apartado.

A Xunta de Goberno Local aproba a adxudicación do proxecto de mellora da eficiencia enerxética da iluminación pública no Milladoiro

Esta mañá celebrouse unha nova sesión da Xunta de Goberno Local na que se aprobou a adxudicación do proxecto de mellora da eficiencia enerxética da iluminación pública no Milladoiro, así como a convocatoria de subvencións destinadas ao apoio económico ás familias numerosas. Outros asuntos aprobados foron a  clasificación de ofertas e requirimento de documentación para a adxudicación da obra de cubrición dun parque infantil no Milladoiro, a declaración de deserto do expediente de licitación do servizo de soporte e mantemento do sistema de vídeo acta e maila aprobación das contas xustificativas da convocatoria de axudas para a promoción de actividades levadas a acabo por clubs e entidades deportivas.

A Xunta de Goberno Local aproba a adxudicación do subministro de equipos para a renovación do alumeado público de Oca e Raíces e nas estrada de Pedrouzos, Paramuíño e Cortegada

Esta mañá celebrouse unha nova sesión da Xunta de Goberno Local na que se aprobou a adxudicación do subministro de equipos para a renovación do alumeado público de Oca e Raíces e nas estrada de Pedrouzos, Paramuíño e Cortegada. Outros asuntos aprobados foron a clasificación de ofertas para a adxudicación das obras incluídas no proxecto do camiño de Firmistáns á estrada de Tarrío e do camiño a Ínsua; así como a clasificación de ofertas das obras nos vestiarios do pavillón de Bertamiráns. Tamén se aprobaron os expedientes de licitación das obras de eliminación de barreiras en Bertamiráns e no Milladoiro, enmarcadas dentro da EDUSI, e do servizo privado artístico de desenvolvemento do espectáculo Maxia de Estrelas 2019.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.