Pestanas principais

Departamento de Radio Municipal e Comunicación

  • Departamento de Radio Municipal
    • Enderezo: Avenida da Maía, nº 22, Bertamiráns.
    • Ames Radio:
      • Teléfono: 981 890 452 – 662 37 74 13
      • Frecuencia de emisión: 107.2 da FM
    • Responsable municipal: Concellaría de Comunicación
    • Responsables técnicos: Nazaret López Rodríguez e Juan Luis Silva Regueira.
  • Departamento de comunicación
Outros Datos: 
  • Funcións:
    • Fornecer un servizo público de radiodifusión que fomente a información, o lecer, a formación e a participación dos veciños/as do Concello de Ames en todas as cuestións que afecten ao municipio, contribuíndo á creación dun espazo de comunicación local.
    • Poñer a disposición da veciñanza o espazo físico, o equipamento técnico e o persoal da radio municipal, para que poidan gravar e emitir os seus propios programas.
    • Informar á veciñanza da xestión do goberno municipal; da actividade cultural, deportiva, social, etc; así como do traballo que realizan as distintas asociacións municipais e clubs deportivos municipais.
    • Elaborar os contidos do xornal municipal gratuíto 94kmª, no que se abordan os temas de maior actualidade política e as actividades municipais nos 94 quilómetros cadrados do termo municipal.
  • Novas relacionadas
  • Axenda

Novas do departamento

Ames sitúase como o Concello máis transparente de Galicia

O portal de observación social de ética e transparencia pública Dyntra sitúa ao Concello de Ames como a institución municipal máis transparente de Galicia, e colócao no posto número 88 de España. O Concello conta con 103 indicadores publicados dos 162 que recolle Dyntra, alcanzando así unha porcentaxe do 63,58% no índice DAM (Dyntra Ayuntamientos y Municipios), que inclúe aos municipios de máis de 15.000 habitantes. A avaliación recolle seis apartados, nos cales Ames obtén as seguintes puntuacións: 69,23% en transparencia municipal; 54,55% en participación e colaboración cidadá; 55,56% en transparencia económica-financieira; 75% en contratacións de servizos; 65% en urbanismo e obras públicas e 0% en Open Data.

Comeza a emisión dos 15 programas de Radio Cidadá en Ames Radio

A radio municipal de Ames, Ames Radio, comezou a emitir este pasado martes, 15 de outubro, os programas enmarcados no proxecto Radio Cidadá, unha iniciativa que busca convidar á veciñanza a crear os seus propios espazos radiofónicos. Este ano hai quince programas, que formarán parte da grella de Ames Radio ata mediados do próximo mes de xuño. Nove deles xa foron emitidos en edicións pasadas, pero seis son de nova incorporación. Nos diversos espazos abórdanse temas como a música, historia, protocolo, benestar físico e emocional, mundo dixital, saúde, natureza e integración. Ademais, hai programas sobre a prensa rosa, repaso da actualidade e da sociedade, de consultorio, volta ao pasado e sobre mulleres silenciadas ao longo da historia.

Comezan a emitirse as 21 pezas do IX Concurso Radiofónico de Teatro Lido de Ames “Desata a Lingua”

A emisora municipal Ames Radio emite do 2 ao 5 de decembro, no 107.2 FM, as pezas gravadas polos 21 grupos (7 do IES do Milladoiro e 14 do IES de Ames, en Bertamiráns), que participan no IX Concurso Radiofónico de Teatro Lido de Ames “Desata a Lingua”. A emisión das pezas farase ás 13.30h e ás 21.30 horas. Estes traballos tamén están dispoñibles na sección de AVISOS da páxina web municipal. A audiencia decidirá do 3 ao 8 de decembro a obra que obtén o premio do público, enviando un correo a radioteatro@concellodeames.gal. As persoas que queiran votar deberán identificarse e só se computa un voto por persoa. Ademais deste, haberá dous premios escollidos polo xurado designado polo Concello de Ames: premio ao mellor guión orixinal e á mellor interpretación.

Comezan as emisións dos programas de Radio Cidadá

A radio municipal de Ames comezou este luns, 4 de novembro, a emisión dos espazos radiofónicos que, enmarcados na terceira convocatoria de programas de Radio Cidadá, realizará a veciñanza nos próximos meses. En total, son 15 os programas que formarán parte da grella radiofónica ata o próximo mes de xuño. Neles, abordaranse temas tan diversos como a educación dos fillos e fillas, o patrimonio histórico e cultural do concello ou a divulgación de coñecementos culturais e musicais.

Comezan as gravacións do IX Concurso Radiofónico de Teatro Lido de Ames “Desata a Lingua”

A emisora municipal Ames Radio acolle durante toda esta semana as gravacións das pezas presentadas ao IX Concurso Radiofónico de Teatro Lido de Ames “Desata a Lingua”. En total participan nesta edición 21 grupos (7 do IES do Milladoiro e 14 do IES de Ames ,en Bertamiráns) e serán 69 as rapazas e rapaces de 1º, 2º, 3º e 4º da ESO que se acheguen estes días á emisora municipal para gravar as súas pezas. Organizada polos departamentos de Mocidade, Normalización e Comunicación do Concello de Ames, a actividade pretende dinamizar dun xeito lúdico e a través da creatividade o uso oral e escrito do galego entre a mocidade amesá. Asemade, fomenta o gusto polo teatro e o achegamento á radio municipal.

Éxito da sexta convocatoria do espazo de radio cidadá organizado por Ames Radio

A pasada semana pechouse a sexta edición da radio cidadá, unha iniciativa na grella da emisora municipal, Ames Radio, que naceu co obxectivo de invitar á veciñanza do concello e da contorna a contar cun espazo radiofónico propio. Nesta convocatoria, que deu comezo na última semana de outubro e que se desenvolveu ao longo de oito meses, presentáronse un total de trece programas (dos cales dez xa foran emitidos en edicións pasadas, mentres que outros tres son de nova incorporación). Neles abordáronse diversos temas, como a música, a saúde ou a economía.

Nova plataforma web para ver os plenos do Concello de Ames

O Concello de Ames vén de habilitar un portal web, a través do cal se poden ver as sesións de plenos que se realizaron no Concello de Ames. Esta é unha plataforma na que se almacenan todos os plenos municipais dende novembro de 2016. Pódese acceder a dita web a través dun banner que está ao pé da páxina de inicio da web municipal ou a través do apartado de Atención cidadá, información e participación; Comunicación municipal; Medios de comunicación municipais; Videoteca. Tamén se poden ver ditos vídeos no buscador das sesións de plenos da páxina web municipal.

O Concello de Ames conta cun novo sitio web que mellora e incrementa a información e as posibilidades de comunicación coa veciñanza

Esta mañá presentouse o novo sitio web do Concello de Ames, que inclúe importantes novidades: un novo portal de transparencia, o portal de Mediatec@mes, un novo cadro de navegación, recupérase a axenda de eventos en portada, etc. O novo sitio web está orientado aos usuarios/as cun deseño inicial que facilita unha rápida localización da información, sen ter que afondar en varios niveis de profundidade, e o acceso a trámites e servizos. Ademais, a nova web é plenamente funcional en dispositivos móbiles algo que antes non sucedía. En dito acto estiveron o alcalde en funcións, José Miñones, a concelleira en funcións de Comunicación, Isabel Vaquero, e mailo responsable da empresa Tecnologías Plexus, Ángel Taboada. A empresa Tecnologías Plexus, xunto co persoal da Concellaría de Comunicación, foi a encargada do deseño do novo sitio web que foi elaborada con base en tecnoloxías abertas.

O Concello de Ames suma unha canle de WhatsApp as súas vías de comunicación

O Concello de Ames ten presenza nas principais redes sociais e conta con diversas canles de comunicación e sistemas de avisos co fin de que a veciñanza coñeza a actividade e a actualidade municipal. A partir deste martes, 12 de marzo, sumará ás súas vías de comunicación unha canle de WhatsApp. Este novo servizo vai permitir que todas as novas relacionadas coa institución, a axenda de ocio do concello ou os avisos relevantes de última hora se transmitan de forma instantánea ao teléfono móbil das persoas que así o desexen.

O servizo municipal de Comunicación abre unha nova canle de comunicación a través de Instagram

O departamento municipal de Comunicación vén de crear unha nova canle de comunicación a través de Instagram, que se une as xa existentes en Facebook e Twitter. Crease coa finalidade de ser un medio máis de información de cara á veciñanza de Ames. Ademais, existen outra vías de información como son a canle de Telegram ou de YouTube. A web municipal tamén dispón dun servizo de envío de boletíns informativos e outro de incidencias, a través dun formulario electrónico, no que ademais da incidencia e dos seus datos de contacto poderá achegar imaxes e xeolocalización do incidente.

Eventos del departamento

> Debate electoral

Seis das sete forzas políticas que concorren ás eleccións municipais do próximo 28 de maio daranse cita no debate electoral que Ames Radio organiza o martes, 16 de maio, ás 19:00 horas, na Casa da Cultura do Milladoiro. As cabezas de lista e candidatas a alcaldía de Ames, Blas García (PSdeG – PSOE); Oliva Agra (Partido Popular); David Santomil (BNG); Vanessa Vidal (Podemos); Luísa Feijóo (Espazo Común); e Andres Pena (VOX), confirmaron a súa presenza nun debate que será retransmitido por Ames Radio e tamén en streaming a través da canle de Youtube do Concello de Ames e da páxina web da radio. O debate será aberto ao público en xeral.

>Programa especial Radio Cidadá

A radio municipal de Ames, Ames Radio, pecha a temporada de Radio Cidadá cun programa especial que se vai emitir este venres, 13 de xuño, ás 19.30 horas, dende o Pazo da Peregrina. O programa estará dirixido pola xornalista de Ames Radio, Belén Martínez. Participarán en directo os responsables de nove programas que contarán como foi a súa andaina radiofónica deste ano e de tempadas anteriores. Ademais, emitiranse tres audios gravados previamente polos responsables doutros tres programas que non poden asistir en directo. Outros tres programas emitidos durante esta temporada non poden participar neste programa especial. O programa comezará cunha entrevista ao alcalde e concelleiro de Comunicación, Blas García, e pecharase cunha actuación musical de Mad Martin.