- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A Asociación Xuntanza de Empresarios presentou este luns, 1 de xuño, no parque do Ameneiral, a súa nova campaña de concienciación social baixo o lema Éche un falar miudiño. Respecta os teus veciñ@s. Charla baixiño, unha iniciativa destinada a promover o respecto aos niveis de ruído permitidos e a reforzar a convivencia entre a actividade hostaleira, a veciñanza e as persoas usuarias dos establecementos. A iniciativa busca implicar á hostalaría, á veciñanza e ás persoas consumidoras na promoción dun ocio respectuoso e compatible coa convivencia.
Segue aberto o proceso de selección de participantes para a novena edición do programa integrado de emprego dos Concello de Ames e Brión 2024 -2025. Ata o día 20 de decembro as persoas que cumpran os requisitos solicitados e estean interesadas poden cubrir o formulario de inscrición cos seus datos premendo neste enlace. Esta edición o programa está aberto a 100 persoas desempregadas que se formarán nos sectores do comercio, almacén, limpeza, administración e xestión, ocio e tempo libre e turismo. Hoxe xoves, 12 de decembro, ás 12.00 horas, impártese unha charla informativa no espaza colaborativo A Proa, situado na rúa das Hedras, no parque empresarial do Milladoiro.
O Concello de Ames traballa na organización das Cabalgatas de Reis, que se celebran o domingo 5 de xaneiro nas localidades do Milladoiro e Bertamiráns. Para participar en ditas Cabalgatas abriuse un prazo de inscrición co obxectivo de que as nenas e nenos do concello poidan acompañar aos Reis Magos nas carrozas. O período de inscrición estará aberto ata o domingo día 22 de decembro. A capacidade de cada carroza é de 14 rapaces, sendo as prazas ofertadas un total de 84. Poderán participar menores en idades comprendidas entre 6 e 12 anos, empadroados en Ames e que non participaran en cabalgatas anteriores. No caso de que non haxa rapaces suficientes para algunha das cabalgatas, poderase propoñer a cobertura con nenos e nenas que non teñan as preferencias solicitadas. Premendo nesta ligazón podes ver o vídeo sobre a entrega de capas reais de 2023.
A programación de Nadal en Ames este ano conta coa novidade da celebración dun Mercado de Nadal na praza da Maía durante esta fin de semana. En total hai 18 postos; 13 de artesanía e 5 postos de alimentación e produtos da horta. O horario de atención ao público do Mercado de Nadal este sábado e domingo é de 10.00 a 14.00h e de 17.00 a 20.30 horas. Este sábado, ás 13.00 horas, celebrouse o acto de apertura de dito mercado. Trátase de incrementar a oferta comercial do concello con produtos de artesanía e de alimentación frescos e de proximidade.
O Concello de Ames, a través da Concellaría de Promoción Económica, lembra que está aberto o prazo de inscrición ata o 9 de xullo para inscribirse nas categorías infantil, xuvenil, sénior e súper sénior do concurso Canta con Ames. As inscricións poden realizarse a través do correo amesnarua@gmail.com. Haberá unha fase de preselección no Milladoiro e en Bertamiráns os días 21 e 29 de xullo. A semifinal será no Milladoiro o 4 de agosto e a final celebrase en Bertamiráns o 18 de agosto. O xurado do concurso estará composto por Inés Suárez, Noelia Bellas e Lara López, mentres que a presentadora será Loly Gómez. As bases do concurso poden consultarse premendo nesta ligazón.
O Concello de Ames, a través da Concellaría de Promoción Económica, vén de convocar a décimo quinta edición do Concurso de Escaparates de Nadal. As persoas titulares ou co-titulares dun establecemento comercial situado en Ames, que queiran participar neste certame, deberán engalanar os seus escaparates con motivos relacionados co Nadal, prestando atención á orixinalidade para conseguir a atracción do público. As solicitudes de inscrición poderán presentarse ata o 23 de decembro, en horario de 9.00 a 14.00 horas, nos rexistros municipais da Casa do Concello e Oficinas municipais do Milladoiro, así como a través da Sede electrónica municipal. Ao pé desta nova encóntranse as bases do concurso.
O Concello de Ames, a través da Concellaría de Promoción Económica, vén de poñer en marcha a campaña de tarxetas bono Reactiva Ames, a través da cal durante este exercicio 2021 se porán en circulación 3.000 tarxetas-bono para gastar nos establecementos amesáns. Esta iniciativa xerará un volume de negocio de 200.000 euros. Existen dous tipos de bonos: un polo que se pagarán 30 euros e se obterán 50€ para gastar, e outro que custará 60 euros e terá un valor á hora de realizar as compras de 100€. Ata o 31 de xaneiro poderán inscribirse os establecementos que desexen adherirse á campaña e a partir do 5 de febreiro comezarán a distribuírse os bonos entre os potenciais clientes dos establecementos adheridos. Premendo nesta ligazón podes acceder á Sede electrónica. Para poder cubrir o impreso de solicitude é necesario identificarse con certificado dixital ou DNI electrónico. A iniciativa está contemplada no Plan Reactiva Ames. Preme nesta ligazón para consultar as bases desta campaña.
O Concello de Ames informa de que está aberto o prazo para presentar ofertas ao proceso de licitación do concurso de ideas, para a creación dun centro de ocio, cultura e promoción económica no Milladoiro. O orzamento base de licitación é de 30.000 euros. Este proxecto está incluído no Plan Impulsa Ames que está cofinanciado con fondos europeos FEDER. O centro construirase no Milladoiro, na avenida Muíño Vello, xunto ao parque empresarial e nas proximidades do instituto, a área de ocio, o albergue e a Igrexa do Milladoiro. A creación e dotación dun centro de ocio, cultura e promoción económica no Milladoiro é unha das liñas de actuación do Obxectivo Temático 9, de Inclusión Social, que pretende promover a inclusión social e loitar contra a pobreza.
O Concello de Ames participará un ano máis no encontro “Innpulso Emprende 2026”, organizado pola Red de Ciudades de la Ciencia y la Innovación (Red Innpulso), entidade dependente do Ministerio de Ciencia, Innovación e Universidades (MICIU). Ames forma parte desta rede dende o ano 2018. O evento celebrarase os días 29 e 30 de setembro na cidade de Terrassa. Premendo nesta ligazón podes consultar as bases completas da convocatoria.
Dende o pasado 19 de abril está aberto o prazo para solicitar axudas para a promoción do comercio local. A convocatoria de ditas axudas saíu publicada no BOP o xoves, 18 de abril, co cal o prazo para presentar as solicitudes é dun mes dende o día seguinte de dita publicación. O importe desta convocatoria de subvención é de 40.000 euros: 35.000 euros para a promoción comercial e 5.000 euros para infraestruturas e equipamentos. As solicitudes hai que presentalas a través da Sede electrónica do Concello de Ames ou do Rexistro electrónico do Punto de Acceso Xeral do Estado (REC).
- ‹ anterior
- 10 de 66
- seguinte ›
Trámites do departamento
Eventos del departamento
O 22 de decembro, ás 19:30 horas, o AmesOn de Nadal organiza a actividade "Pitusa Semifusa" na Casa dos Maiores de Bertamiráns dirixida aos máis pequenos.
O día 5 de xaneiro celébranse as Cablagatas de Reis no Concello de Ames. No Milladoiro comezará ás 17:00 horas, e en Bertamiráns ás 19:00 horas.
O Concello de Ames ten preparado un amplo programa de actividades para as festas de Nadal deste ano. O programa, organizado por varios departamentos municipais, inclúe múltiples actividades dirixidas a todo tipo de públicos, que se desenvolverán ao longo do mes de decembro e comezos de xaneiro.
A programación do Nadal en Ames rematará coa celebración da tradicional Cabalgata de Reis nos núcleos urbanos do Milladoiro e Bertamiráns, xunto coas súas respectivas Festa de Reis nos pavillóns municipais, o domingo 5 de xaneiro. A cabalgata no Milladoiro será ás 17.00 horas e a festa no pavillón comezará ás 18.00 horas. En Bertamiráns, a cabalgata celebrarase ás 19.00 horas e a festa no pavillón municipal será ás 20.00 horas.
O Concello de Ames ten preparado un amplo programa de actividades para as festas de Nadal deste ano. O programa, organizado por varios departamentos municipais, inclúe múltiples actividades dirixidas a todo tipo de públicos, que se desenvolverán ao longo do mes de decembro e comezos de xaneiro.
O concurso karaoke organizado pola Consellaría de Promoción Económica chega á fase final.
Os participantes loitarán por ser os mellores cantantes de Ames dende as 20:00 horas no parque do Ameneiral.
A carpa multimedia estará instalada no anexo do pavillón de deportes do Milladoiro e está destinada a todos os públicos.
A carpa multimedia estará instala no anexo do pavillón de deportes do Milladoiro. Para todos os públicos.
A carpa multimedia estará na Aula Multiactividades, na Casa da Cultura de Bertamiráns. É unha actividade dirixida a todos os públicos.
A carpa multimedia estará na Aula Multiactividades, na Casa da Cultura de Bertamiráns. É unha actividade dirixida a todos os públicos.
- ‹ anterior
- 10 de 22
- seguinte ›