- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
Esta mañá, o Concello de Ames presentou no espazo de coworking A Proa do Milladoiro unha nova edición da xornada de innovación InnovAmes, que se levará a cabo o vindeiro venres, 20 de febreiro, no pavillón municipal do Milladoiro. O proxecto acollerá durante toda a mañá conferencias, obradoiros e exposicións de stands, así como a xa habitual entrega dos premios InnovAmes, co obxectivo de achegar á cidadanía as últimas tendencias dentro do mundo da innovación á vez que se crea un espazo de coñecemento e networking. Este ano, como novidade, incrementouse a contía dos premios e contarase con empresas de fóra do concello para poder crear sinerxías entre as empresas amesás e as doutras localidades. Ademais, contarse coa asistencia da Secretaria Xeral de Innovación, Teresa Riesgo, e do Delegado Especial do Estado no Consorcio da Zona Franca de Vigo, David Regades.
O Concello de Ames presentou esta mañá na Casa da Cultura de Bertamiráns a terceira edición das Prebadaladas de fin de ano, enmarcadas dentro da programación de Nadal. Organizadas a través da da Concellería de Promoción Económica, terán lugar o 31 de decembro na Praza do Concello, en Bertamiráns, ás 11:00 horas. Durante acto, no que participarán as gañadoras da última edición do concurso Canta con Ames, repartiranse bolsas con cotillón ás 11:00 horas e para os máis pequenos haberá lambetadas sen glute. Na praza instalarase unha carpa para que os asistentes poidan gozar da actividade en caso de previsión meteorolóxica adversa.
Ames presentou esta mañá no salón de Plenos da Casa do Concello a súa programación para as festas de Nadal deste ano. O programa, organizado por varios departamentos municipais, inclúe múltiples actividades dirixidas para todo tipo de públicos que se desenvolverán ao longo de todo o mes de decembro e comezos de xaneiro e que teñen como obxectivo dinamizar as rúas de Ames nestas datas tan sinaladas. No acto participaron o alcalde de Ames e concelleiro de Cultura, Blas García; a concelleira de Promoción Económica, Ana Belén Paz e a concelleira de Deportes e Promoción da Saúde, Susana Señorís. A programación pódese consultar ao completo premendo nesta ligazón.
O Concello de Ames, a través da Concellaría de Promoción Económica, vén de presentar unha nova edición dos seus concursos de decoración de Nadal, un destinado á veciñanza e outro aos comercios locais. As iniciativas, consolidadas xa como uns clásicos do Nadal amesán, teñen como obxectivo buscar a colaboración de veciños e comerciantes na decoración do concello durante estas festas. Deste xeito, os comercios participantes poderán decorar os seus escaparates e, por outra parte, a veciñanza que colabore decorará as súas vivendas particulares, xardíns, fiestras ou balcóns coa temática de Nadal. En total repartiranse 6.000 euros en premios; 4.000 euros destinados ao concurso de escaparates e 2.000 no de decoración veciñal.
A Praza de Chavián acolleu esta mañá, ás 13:00 horas, a presentación dos dous eventos solidarios incluídos na programación de Nadal. A academia de danza Balancé organiza “Mary Poppins el musical” en beneficio das fundacións Aladina e UCIM. Ademais, vaise representar o espectáculo “Óliver Insua e amizades”, un festival benéfico en favor de ASANOG. No acto estiveron presentes membros do goberno municipal, unha representante da academia de danza e o promotor do festival benéfico, así como un representante de ASANOG.
A través da canle de Youtube do Concello poderanse ver os vídeos das empresas galardoadas nas tres últimas edicións do Premio Lingua e Empresa. Na última edición do premio, as empresas premiadas foron Ollar e Código Cero. No 2019 premiouse o labor de Petiscos Gastrobar, Cenlitrosmetrocadrado e Escola de Estudos Musicais Allegro mentres que na primeira edición, no 2018, gañaron o premio Biosbardos, Xestiago e Asesoría Xeral Galega. Asimesmo, publicouse un vídeo resumo con todas as empresas premiadas no certame. Os vídeos tamén se poderán visualizar na web municipal e nas redes sociais do Concello de Ames.
O alcalde de Ames, Blas García, a concelleira de Promoción Económica, Ana Belén Paz, xunto ás/aos voceiras/os dos grupos políticos municipais e outros/as concelleiros e concelleiras da Corporación municipal realizáronlle hoxe, mércores 10 de xullo, unha recepción institucional a Bruno Arias e Álvaro Liste, director e produtor do documental Os espazos en branco, que obtivo no pasado mes de marzo o premio Mestre Mateo a mellor documental. Trátase dunha crónica na que o director do documental, Bruno Arias, afonda na figura pública de Xela Arias para atopar nela unha persoa: a súa tía. O acto realizouse nas instalacións do espazo colaborativo A Proa, no Milladoiro, onde a produtora de dito documental, Serea Films, conta cun posto.
O Concello de Ames foi premiado este martes, 21 de novembro, co premio Cegasal á Administración Local debido “a súa longa traxectoria apostando pola economía social e os centros especiais de emprego de iniciativa social”. O galardón entregouse no Hotel Puerta del Camino, en Santiago de Compostela.
O alcalde de Ames, José Miñones, acudirá este xoves, 19 de setembro, a Castellón onde o ministro de Ciencia, Innovación e Universidades en funcións, Pedro Duque, presidirá o acto de entrega de distincións de “Ciudad da Ciencia y la Innovación”. O Concello de Ames logrou este distintivo na última convocatoria, correspondente ao 2018, xunto a Onda, Benidorm, Paterna, Barcelona, Vigo e Eibar. Ames foi merecedor de tal distinción gracias á presentación do proxecto Innov@mes. O Concello pasa a formar parte dos 72 Concellos que conforman a Red Impulso e dos 5 de toda Galicia con Vigo, Coruña, Santiago e Riveira.
A Concellaría de Promoción Económica reforza a campaña para fomentar o comercio de proximidade denominada “Comercio de Ames. Témolo todo!” Nesta ocasión púxose en marcha unha campaña publicitaria no transporte público. Deste xeito, o lema de dita campaña pódese ver ata o 6 de xaneiro de 2021 no autobús número 2.849 que realiza a liña entre Santiago (rúa da Rosa) e Bertamiráns. Esta mesma campaña realizarase proximamente nunha liña de transporte urbano do Milladoiro. A través desta iniciativa preténdese que a veciñanza de Ames merque nos establecementos comercias do municipio. Esta nova iniciativa súmase a elaboración dun vídeo promocional, dun spot publicitario, do reparto de 6.000 bolsas entre os establecementos comerciais para entregar á clientela, e a colocación dos carteis da campaña nos minipuntos limpos de Bertamiráns e do Milladoiro.
- ‹ anterior
- 43 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22