- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A concellaría de Promoción Económica e Emprego, en colaboración coas concellerías de Mocidade e Benestar Social e a Xuntanza de Empresarios de Ames (XEA), desenvolven por terceiro ano consecutivo as xornadas “Volta ao cole co comercio”, unha iniciativa que ten como obxectivo dinamizar o comercio e a hostalaría local de cara ao inicio do curso lectivo. Nesta ocasión, a proposta alóngase durante dous días, e comprende actividades para a mocidade e para os cativos e cativas. Así, haberá dúas propostas de tardes lúdicas e sorteos que se desenvolverán o 4 de setembro no Milladoiro e o día 6 en Bertamiráns. Ademais, sortearanse vales de compra no comercio local valorados en 1.500 euros.
Dende o pasado 17 de xaneiro o Concello de Ames, a través da Concellaría de Promoción Económica, está realizando unha recollida de datos polas empresas amesás co obxectivo de elaborar unha Guía de Empresas. Unha persoa acreditada polo Concello de Ames está visitando as empresas, profesionais e negocios do municipio co obxectivo de dispor de información actualizada de cada un deles. Esta persoa está identificada cunha credencial do Concello e cunha carta explicando en que consiste o proceso de recollida de datos. Ata o de agora recolléronse os datos de preto de 1.000 empresas do comercio e hostalaría dos núcleos urbanos de Bertamiráns e do Milladoiro. Farase unha segunda quenda de recollida de datos para falar cos propietarios/as de empresas que estaban pechadas no momento en que tratou de falar con eles/as. En marzo farase a recollida de datos en negocios do rural.
O Concello de Ames, a través da Concellaría de Promoción Económica, informa de que este domingo, 14 de febreiro, remata o prazo para que os establecementos comerciais se adhiran á campaña de tarxetas bono Reactiva Ames. Está previsto que a primeira fase da campaña se desenvolva do 19 de febreiro ata o 19 de abril. A segunda fase será do 1 de setembro ata o 31 de outubro. Durante as dúas fases a clientela do comercio local poderá mercar dous tipos de bonos: un polo que se pagarán 30 euros e se obterán 50€ para gastar, e outro que custará 60 euros e terá un valor á hora de realizar as compras de 100€. A través desta iniciativa trátase de fomentar as compras no comercio local de Ames.
Hoxe, 19 de xaneiro, asinouse o anuncio no que se informa da proposta do xurado do concurso de ideas para a redacción do proxecto de construción do centro multidisciplinar do Milladoiro. Trátase dun edificio dedicado a un centro multifuncional de lecer, cultura e promoción económica dirixido á mocidade e a persoas en proceso de inserción socio-laboral, para favorecer a inclusión social e a loita efectiva contra a discriminación. O xurado propón os gañadores/as dos tres premios que se outorgan e dos dous accésits. Os nomes dos gañadores/as coñeceranse mañá, ás 12.30 horas, nun acto público que se desenvolverá no salón de plenos da Casa do Concello e que tamén se poderá seguir de xeito virtual premendo nesta ligazón.
Este mércores, 8 de decembro, ás 18.30 horas, na praza do Concello, está previsto que se celebre o acto de acendido das luces de Nadal. Actuará o coro da Escola Municipal de Música de Ames e durante unha hora haberá unha degustación gratuíta de chocolate con churros. Este ano a iluminación de Nadal estará composta por máis de 100 arcos de luces e 4 grandes elementos decorativos (en Bertamiráns haberá unha “A” de Ames na praza do Concello; e un motivo luminoso co número 2022 na praza da Maía; mentres que no Milladoiro colocarase unha árbore artificial iluminada na praza de Manuel Murguía; e unha bola xigante na praza da Madalena). Tamén se instalará unha manta de luces que cubrirá unha parte da rúa de Anxeriz, no Milladoiro.
Este sábado, 10 de decembro, ás 18.00 horas, na praza do Concello, está previsto que se celebre o acto de acendido das luces de Nadal. Actuará a Escola Municipal de Música de Ames e haberá unha degustación gratuíta de chocolate con churros. Este ano non se vai desvelar ata o momento de acender as luces a persoa que premerá o botón de acendido. Este ano vaise a reducir o horario de acendido do alumeado de Nadal. Estará acendido en horario de 18.00 a 00.00 horas dende este sábado, 10 de decembro, ata o día 6 de xaneiro (incluído). A programación de Nadal ao completo pode consultarse premendo nesta ligazón.
Este sábado, 7 de decembro, ás 18.00 horas, na praza do Concello, está previsto que se celebre o acto de acendido das luces de Nadal. Actuará a Escola Municipal de Música de Ames e haberá unha degustación gratuíta de chocolate con churros. Ese mesmo día tamén haberá inchables de 12.00 a 14.00 horas e de 17.30 a 19.30 horas na praza da Madalena do Milladoiro. Pero non será o único día, xa que os inchables instaláranse noutros puntos do concello en diferentes datas para que os máis pequenos poidan desfrutar deles. En caso de choiva, as actividades de inchables suspenderanse e trasladaranse a outro día, que serán comunicados a través da web municipal.
A programación de “Nadal con Ames na Rúa” inclúe obradoiros para todos os públicos e iniciativas para fomentar o comercio local e encher de vida as rúas. O pasado 8 de decembro comezou o Nadal en Ames co acto de acendido do alumeado. Agora, este sábado, 18 de decembro, comezan os obradoiros de Nadal. O primeiro taller realízase este sábado, 18 de decembro, no local de Biosbardos, en Bertamiráns, onde se impartirán dúas sesións dun obradoiro de cestería, unha sesión pola mañá e outra pola tarde. Para este obradoiro están todas as prazas ocupadas.
O Concello de Ames, a través da Concellaría de Promoción Económica, volve a ofrecer mañá sábado, 19 de decembro, o servizo de conciliación para facilitar as compras de Nadal no comercio local. O servizo continuará ofrecéndose a próxima semana os días 21, 22, 23, 24 e 26 de decembro. Este servizo, que se estenderá ata o 9 de decembro de 2021, desenvolverase nos centros de ocio; Planeta Máxico, no Milladoiro, e A Mona Ramona, en Bertamiráns. Para poder facer uso deste servizo de xeito gratuíto tan só hai que presentar un tícket de compra dalgún establecemento comercial de Ames. Premendo nesta ligazón poderás consultar os días e horas do servizo de conciliación.
A concelleira de Promoción Económica e Emprego, Ana Belén Paz, e persoal municipal de dito departamento, mantiveron esta mañá unha xuntanza con dous representantes dos vendedores ambulantes que instalan postos de venda no mercado de rúa, en Bertamiráns. En dito encontro falouse dos últimos detalles para a reapertura do mercadiño, que se producirá mañá sábado 20 de xuño. Os postos do mercado de rúa instalaranse de xeito temporal na rúa do Sar, situada detrás da escola infantil da Rede da Galiza Azul, unha zona próxima ao paseo fluvial e que permite manter a distancia de seguridade entres os distintos postos.
- ‹ anterior
- 29 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22