- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
Esta mañá alumnado de cuarto de primaria do CEIP de Barouta presentou na sede central de Cooperativas Lácteas Unidas (CLUN) un proxecto innovador sobre a aplicación da tecnoloxía e a intelixencia artificial no sector gandeiro. Esta iniciativa, que desenvolveron entre todos como traballo de aula, busca facilitar o traballo dos gandeiros e gandeiras ofrecendo información meteorolóxica en tempo real que lles permita mellorar o rendemento das explotacións. Durante a presentación o alumnado estivo acompañado de persoal do centro de ensino, así como do alcalde de Ames e das concelleiras de Promoción Económica e Educación.
Esta mañá, o espazo colaborativo A Proa, no Milladoiro, acolleu a primeira xuntanza da Comisión de Avaliación de candidaturas do Ames AV LAB, o laboratorio amesán para impulsar a nova produción audiovisual. Neste encontro, no que participaron representantes do Concello de Ames, a Deputación da Coruña e de tres destacadas empresas do sector audiovisual galego, realizáronse as primeiras entrevistas aos proxectos preseleccionados pola Comisión de Gobernanza, constituída o pasado mes de marzo.
O pasado xoves, 10 de outubro, tivo lugar na Cidade da Cultura de Santiago a celebración da primeira edición en Galicia de Emprende Innova Comparte, un evento organizado por Acción Contra a Fame, en colaboración co Concello de Ames e outras institucións. Ao longo da xornada organizáronse talleres participativos, networking e un concurso final onde a amesá, Lucía Nieto, obtivo o premio mentorización, que lle axudará a posicionar a súa futura empresa. A dito evento asistiron 32 persoas, mentres que no concurso participaron 12 emprendedores/as.
A asociación cultural alfombristas de San Xoanciño de Ames participou no proxecto virtual internacional Ephemeral Art Tokio 2020, organizado pola Coordinadora Internacional de entidades de alfombristas de arte efémero, no que participaron 26 delegacións que elaboraron diferentes alfombras. A asociación de alfombristas amesá elaborou a súa propia alfombra floral. Este proxecto foi creado pola comisión de proxectos da Coordinadora, especialmente para os días que debía de celebrarse o Congreso de Arte efémero en Tokio, anulado pola crise sanitaria da Covid-19.
A Coordinadora Internacional de Entidades de Alfombristas de Arte Efémero organizou unha actividade na que cada unha das asociacións de alfombristas participantes elaborou un traballo dende a súa propia casa. Baixo o nome “Momento de Solidariedade”, as asociacións de alfombristas de Galicia, integradas na Federación de Asociacións de Alfombristas de Arte Efémera de Galicia (FAGAARTE) participaron neste proxecto, coa participación dun total de 20 alfombristas de toda Galicia, 100 en todo o mundo.
A Asociación de Empresarios do Novo Milladoiro organiza unha nova edición do seu certame fotográfico, co que colabora a Concellería de Promoción Económica do Concello de Ames. A temática do concurso xirará en torno á estética do parque e á actividade económica que alí se desenvolve. Valoraranse sobre todo aquelas fotografías que reflictan o traballo que realiza o equipo humano das empresas. Haberá unha categoría absoluta e outra xuvenil e infantil, e permitirase o envío dunha imaxe por participante, coa que se deben enviar o título da obra e os datos persoais do autor. A data límite para participar é o día 9 de decembro, e os gañadores daranse a coñecer nunha gala que se celebrará o día 21 de decembro na Casa da Cultura do Milladoiro.
A Asociación de Empresarios do Novo Milladoiro organiza unha nova edición do seu certame fotográfico, co que colabora a Concellería de Promoción Económica do Concello de Ames. A temática do concurso xirará en torno á estética do parque e á actividade económica que alí se desenvolve. Haberá unha categoría absoluta e outra xuvenil, e permitirase o envío dunha imaxe por participante, coa que se deben enviar o título da obra e os datos persoais do autor. A data límite para participar é o día 22 de novembro, e os gañadores daranse a coñecer nunha gala que se celebrará o día 22 de decembro na Casa da Cultura do Milladoiro. As bases do concurso pódense consultar premendo nesta ligazón.
A asociación deportiva Rutasapie organiza para a próxima fin de semana, do 25 ao 28 de xullo, unhas rutas de sendeirismo polos Picos de Europa. A actividade divídese en catro xornadas nas que os asistentes poderán percorrer e gozar de diferentes paraxes como La Hermida, Sierra de Bejes, Tresviso, o canal do río Urdón, Sotres, Urriellu, Cabrones ou Poncebos. Serán catro andainas de dificultade moderada, cun prezo de 247 euros para persoas non federadas, e de 235 euros para as que si o están. A viaxe inclúe aloxamento con cea e almorzo. Para inscribirse ou solicitar máis información pódese enviar un correo electrónico ao enderezo clubrutasapie@gmail.com ou chamar ao teléfono 628 287 957.
O GDR 19 Asociación Terras de Compostela está organizando un plan de formación sobre “Transformación e conservación de produtos agrarios”. Esta actividade enmárcase dentro da medida Leader 2014-2020. Realizarase os días 3, 5, 10, 12, 17, 19, 24 e 26 de setembro, en horario de tarde, de 16.30 a 20.30 horas, no centro sociocultural do Castiñeiriño. Para reservar praza no curso hai que chamar ao número de teléfono 981 81 83 57 ou enviar un correo electrónico ao enderezo info@terrasdecompostela.org.
Este martes, 22 de febreiro, a asociación Xunta de Empresarios de Ames inaugurou o novo local co que conta esta entidade na rúa do Pedregal, en Bertamiráns. A dito acto acudiron o alcalde de Ames, Blas García, a concelleira de Promoción Económica, Ana Belén Paz, o concelleiro de Educación e Axenda Urbana, David Santomil, así como concelleiros e concelleiras dos grupos municipais da oposición. Estas instalacións, que teñen arredor de 60 metros cadrados, servirán para atender aos 109 socios/as que ten esta asociación, para facer cursos de formación e para cederllo aos/ás socios/as cando o precisen.
- ‹ anterior
- 2 de 49
- seguinte ›
Trámites do departamento
Eventos del departamento
O Concello de Ames, a través da Concellaría de Promoción Económica, informa de que o concerto solidario de Nadal que terá lugar este mércores, 28 de decembro, realizarase no auditorio da Casa da Cultura do Milladoiro. Debido a previsión meteorolóxica, que apunta abundante choiva, decidiuse cambiar a praza de Manuel Murguía pola Casa da Cultura. O recital, no que participará o violinista amesán Anxo Gómez Piñeiro, ten como obxectivo a recadación de fondos a prol da Asociación Galega da enfermidade de Dent, Art for Dent, que busca dar visibilidade a dita doenza e impulsar a súa investigación. A entrada para o concerto é gratuíta. A asociación Art for Dent disporá dun posto para vender diverso material co obxectivo de recadar fondos.
Chega unha nova actuación no mes de agosto do programa AmesON de verán. A praza de Manuel Murguía, no Milladoiro, acolle o concerto do grupo local As Maianas, a partir das 21:00 horas.
Continúa a programación do AmesOn de verán, desta volta coa actuación do grupo Club Naval, na praza de Manuel Murguía, no Milladoiro, a partir das 21:00 horas.
O programa AmesON de verán continúa durante o mes de xullo. O venres 15, ás 21.00 horas, actuará na praza de Manuel Murguía, no Milladoiro, o dúo Eva e Camilo.
A praza de Manuel Murguía, no Milladoiro, acolle unha nova actuación do programa AmesON de verán. Será a partir das 21:00 horas, co grupo Habana Café Son.
gañadoras do concurso Canta con Ames: Adriana Vigo, María Iglesias, Montse Angueira e José Rey. Dita actividade realizarase no aparcamento da rúa Agro do Medio, ao carón do Supercor, no Milladoiro. Estará prohibido estacionar no aparcadoiro do Supercor e no tramo da rúa Agro do Medio, nos cruces coa rúa Pardiñeiros e coa rúa Cruxa, dende as 16.00h do sábado 17 de setembro ata as 8.00 horas do luns 19 de setembro.
As actuación do mes de agosto do programa AmesON de verán péchanse, ás 21.00 horas, coa actuación da artista Pili Pampín, no parque do Ameneiral, en Bertamiráns.
O Pazo da Peregrina, en Bertamiráns, acolle a partir das 22:30 horas unha nova actuación do programa AmesON de verán. Desta volta, Ruth Cundíns ofrecerá o espectáculo musical e solidario "Puedes llegar", a través do cal pretende visibilizar desde a música e a arte a enfermidade de Dent.
O venres 23 de xuño comeza o programa do AmesOn coa actuación do grupo A Banda da Balbina, que terá lugar no parque do Ameneiral de Bertamiráns ás 21:00 horas. Trátase dunha agrupación nacida no concello de Brión no ano 2007, e conformada por Silvia Carreira (voz), Juan Fuentes (guitarra), Dani Fuentes (baixo e coros), Carlos Gómez (batería) e Gabriel Riveiro (acordeón). As súas creacións manteñen uns ritmos festeiros e unha retranca propia do país. Dende os seus inicios mesturan o ritmo e a música coa musicalidade do galego.
O sábado 1 de xullo terá lugar o concerto de Brais das Hortas, enmarcado dentro do programa AmesOn, na praza de Manuel Murguía, no Milladoiro. Será ás 19:30 horas. Das Hortas é músico dende 1996, e na actualidade forma parte dos grupos Sacha na Horta e Blues do País. Toca a guitarra eléctrica, clásica, acústica e portuguesa, laúde árabe, frauta chinesa, caixón, batería de refugallo, darbouka, karkaba, kalimba, beatbox, harmónica, antenas tubulares, melódica, efectos sonoros… Ademais, é clown e compón e grava bandas sonoras orixinais para diversos espectáculos.
- ‹ anterior
- 2 de 18
- seguinte ›