Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

180 persoas participan este domingo 24 na primeira carreira de orientación do Concello de Ames

A Concellaría de Deportes, a través de Xesta Natureza, organiza este domingo 24 de abril a primeira edición da carreira de orientación do Concello de Ames, que se desenvolverá na área deportiva de Bertamiráns, de 10:30 a 13:30 horas. Unhas 180 persoas inscribíronse no evento, que conta con tres categorías de menor a maior dificultade (“Xestiñas”, “Xestas” e “Xesteiras”), nas que poden participar deportistas de todos os niveis e idades.

20 rapazas e rapaces participaron na primeira edición do Campus pola Igualdade de Nuria Rábano

O Concello de Ames, a través da Concellaría de Deportes, colaborou na organización do Campus de Nadal Nuria Rábano, que se impartiu no campo municipal de fútbol do Milladoiro os días 26, 27, 28, 29 e 30 de decembro. Foron cinco días de adestramentos e convivencia nos que participaron 20 rapaces e rapazas, que puideron compartir as sesións técnicas con Nuria Rábano e cos adestradores de Koben Sports, empresa organizadora de dito campus. Hoxe realizouse o acto de clausura no que participou a concelleira de Deportes, Susana Señorís, e mailo técnico municipal de Deportes, Iván Sanmartín.

200 persoas xa se inscribiron no III Trail e Andaina Ribeiras do Tambre, presentado esta mañá

A terceira edición do Trail e Andaina Ribeiras do Tambre, que percorrerá o concello dende Ponte Maceira ata o Real Aeroclub de Santiago, terá lugar o próximo domingo 20 de febreiro. Organizada polo Concello de Ames e a Federación Galega de Atletismo, a proba foi presentada esta mañá no Salón de Plenos da Casa do Concello, en Bertamiráns. Unhas 200 persoas xa se inscribiron nun evento que volve tras un ano de parón por mor da pandemia. Para participar, cómpre inscribirse en carreirasgalegas.com ou en emesports.es, ata o 16 de febreiro ás 23:59 horas. Pódese consultar o regulamento completo do evento premendo nesta ligazón.

21 deportistas de Ames reciben axudas municipais por valor de 10.000 euros polo seu rendemento deportivo

O auditorio da Casa da Cultura de Bertamiráns acolleu este pasado martes, 9 de setembro, o acto de entrega dos diplomas que acreditan a concesión dunha axuda municipal a 21 deportistas amesáns. Esta convocatoria de bolsas ten por obxecto apoiar a práctica e ao rendemento deportivo, así como posibilitar a participación dos/as deportistas do concello en eventos deportivos, facilitándolles o acceso a unha preparación integral idónea. Cada deportistas pode optar a unha axuda máxima de 700 euros. A concesión de ditas axudas municipais, por valor de 10.000 euros, foron aprobadas na Xunta de Goberno Local do pasado 19 de xuño.

234 ciclistas participarán este domingo en Ames na segunda proba da Liga Galaica de 3 horas de Resistencia BTT

Este domingo, 2 de febreiro, desenvolverase na localidade de Bertamiráns a segunda proba da Liga Galaica de 3 horas de Resistencia BTT. Este evento deportivo está composto de tres probas: a primeira realizouse o pasado domingo 26 de xaneiro en Noia e a terceira é última celebrarase o domingo 16 de febreiro. Esta proba está organizada polo club Os Esfola Arrós e conta coa colaboración do Concello de Ames. Para participar neste evento deportivo hai inscritos un total de 234 ciclistas repartidos en diferentes categorías. A Liga conta coa colaboración da Xunta de Galicia, a través de Deporte Galego, da Deputación Provincial da Coruña e de Rótulos Orixinal Imaxe.

240 persoas participan este domingo, 11 de maio, na IV Carreira de orientación do Concello de Ames

A IV Carreira de orientación do Concello de Ames celebrarase o vindeiro domingo 11 de maio. A proba, desta volta, realizarase na localidade do Milladoiro, a partir das 11.00 horas. 240 persoas inscribíronse nesta actividade, que organiza a Concellaría de Deportes en colaboración con Xesta Natureza. 135 persoas inscribíronse na categoría xestiñas, 65 persoas participarán na categoría xestas, e 40 na categoría xesteiras.

300 ciclistas participarán na segunda proba da Transgalaica que se celebrará este domingo en Ames

O concello de Ames acolle un ano máis a segunda proba do circuíto de ciclismo de montaña Transgalaica 2025. Este domingo, 16 de marzo, será a novena ocasión na que o concello acolla este evento deportivo, unha das citas con maior repercusión no mundo do ciclismo no noroeste español. Esta proba, organizada polo club ciclista amesán Os Esfola Arrós e a empresa Team Relay (Transgalaica), conta coa colaboración do Concello de Ames. A saída realizarase dende o Pazo da Peregrina de Bertamiráns ás 9:30 horas, onde comezará un circuíto de 32 quilómetros que haberá que percorrer dúas veces, facendo así en total unha proba de 64 quilómetros. Na proba están inscritos un total de 301 ciclistas. Premendo neste enlace poderás obter o aviso municipal dos cortes e da prohibición de estacionamento na avenida José Luis Azcárraga con motivo da proba.

343 persoas participarán no III Trail e Andaina Ribeiras do Tambre, este domingo 20 de febreiro

A terceira edición do Trail e Andaina Ribeiras do Tambre celébrase este domingo 20 de febreiro, cunha boa participación malia sufrir un ano de parón pola situación epidemiolóxica. En total, unhas 343 persoas inscribíronse na proba, con 256 dorsais na modalidade trail e outras 87 entradas para a andaina. O evento, organizado polo Concello de Ames e a Federación Galega de Atletismo, arrincará dende Ponte Maceira ás 10:00 horas. Os dorsais poderán recollerse a partir das 8:30 horas nas instalacións do Real Aeroclub de Santiago, en Piñeiro. Pódese consultar o regulamento completo do evento premendo nesta ligazón.

38 nenos e nenas do Club de Atletismo Millaraio participaron no campionato provincial XOGADE de cross

O pasado sábado, 13 de decembro, celebrouse o campionato provincial XOGADE de cross no circuíto Virxe do Loreto de Porto do Son. O club atletismo MillaRaio estivo representado por 38 nenos e nenas das categorías sub10, sub12, sub14 e sub16, obtendo uns excelentes resultados individuais e por equipos.

400 atletas participarán no XII campionato de Galicia 5K Ruta

Coa asistencia do presidente da Federación Galega de Atletismo, Isidoro Hornillos, o alcalde de Ames, Blas García, e a concelleira de deportes, Susana Señorís, presentouse esta mañá o “XII campionato de Galicia 5K Ruta” que se desenvolverá o domingo, 26 de setembro, en Bertamiráns. 400 atletas federados están inscritos nesta proba que se realizará nun circuíto urbano homologado cuxo inicio e remate sitúase na rúa alcalde Lorenzo. Coa realización desta proba, Ames convertese na primeira sede deste campionato.

Eventos del departamento

>Andaina circular SaúdeAndo

O programa SaúdeAndo 2025 continúa neste mes de maio. Estes percorridos, organizados pola Concellaría de Promoción da Saúde, organízanse cada xoves de semanas alternas ao longo de todo o ano nas localidades de Bertamiráns e do Milladoiro. Son rutas de dificultade media-baixa e que contan cunha duración aproximada de entre unha hora e hora e media.

>Andaina circular SaúdeAndo

O programa SaúdeAndo 2025 continúa neste mes de xuño. Estes percorridos, organizados pola Concellaría de Promoción da Saúde, organízanse cada xoves de semanas alternas ao longo de todo o ano nas localidades de Bertamiráns e do Milladoiro. Son rutas de dificultade media-baixa e que contan cunha duración aproximada de entre unha hora e hora e media.

>Andaina circular SaúdeAndo

O programa SaúdeAndo 2025 continúa neste mes de setembro. Estes percorridos, organizados pola Concellaría de Promoción da Saúde, organízanse cada xoves de semanas alternas ao longo de todo o ano nas localidades de Bertamiráns e do Milladoiro. Son rutas de dificultade media-baixa e que contan cunha duración aproximada de entre unha hora e hora e media.

>Trail e Andaina Ribeiras do Tambre

O Concello de Ames e a Federación Galega de Atletismo organizan a VI edición do Trail e Andaina Ribeiras do Tambre que, desta volta, celebrarase o vindeiro 23 de febreiro. A hora de saída do trail será ás 10.00 horas desde Ponte Maceira, mentres que cinco minutos máis tarde, ás 10.05, e desde o mesmo punto de partida, comezará a andaina. O prazo de inscrición estará aberto ata o 19 de febreiro e pode facerse a través da seguinte ligazón. Nesta proba poderá participar calquera deportista, sexa ou non federado. Pódese consultar as bases e regulamento da proba na seguinte ligazón.

> 2º etapa da volta ciclista “O Gran Camiño”

Ames acolle a segunda das catro etapas que compoñen a volta ciclista “O Gran Camiño”, que percorrerá as catro provincias galegas do 24 ao 27 de febreiro. A segunda cita do “tour”, con saída en Bertamiráns e final no mirador do Ézaro, arrincará dende a rúa Alcalde Lorenzo o venres 25 de febreiro ás 10:30 horas. Despois, pasará polo Milladoiro, volverá a Bertamiráns pola estrada vella a Santiago e collerá dirección Muxía, pasando antes por Ames, Lens e Ponte Maceira, nun tramo que incluirá un porto de terceira categoría. Os ciclistas chegarán ao Ézaro entre as 14:40 e as 15:20 horas. Preme aquí para consultar o rutómetro da proba (percorrido e horarios estimados).

> Achégate ao piragüismo

O Concello de Ames, a través da Concellaría de Deportes, organiza para o sábado, 18 de xuño, unha xornada de iniciación ao piragüismo que se desenvolverá na praia fluvial de Tapia entre as 11:00 e as 13:30 horas. A través desta actividade búscase que os amesáns e as amesás que o desexen poidan aprender a dominar esta embarcación. A xornada Achégate ao piragüismo consistirá nunha sesión de portas abertas á que poderán asistir todas aquelas persoas maiores de 7 anos interesadas nesta actividade, sempre e cando saiban nadar. Para participar nesta actividade gratuíta, que require inscrición previa a través do correo electrónico info@ribeirasdotambre.es, hai que levar traxe de baño, unha camiseta e chancletas.

> Andaina saudable

A Concellaría de Deportes e Promoción da Saúde, dentro do programa de Andainas Saudables, organiza para este mes de maio un percorrido pola terceira etapa do camiño de Santiago dende o Barbanza, “A orixe”. A ruta realizarase o vindeiro sábado, 27 de maio. Os participantes camiñarán arredor de 14 quilómetros, partindo dende a praza Porta do Sol (Ribeira) e chegando ata a Pobra do Caramiñal. Os interesados en participar poden inscribirse cubrindo este formulario ata o mércores, día 24, ás 14:00 horas. Ofrécese servizo de autobuses dende a praza do Concello, en Bertamiráns, ás 9:00 horas; e dende a Casa da Cultura do Milladoiro, ás 9:15 horas. Hai 70 prazas dispoñibles e teñen prioridade as persoas empadroadas en Ames. 

> Carreira de orientación

A Concellaría de Deportes, a través de Xesta Natureza, organiza para o vindeiro sábado, 15 de abril, ás 17.00 horas, a segunda edición da carreira de orientación do Concello de Ames, que se desenvolverá na área deportiva de Bertamiráns. Haberá tres categorías distintas: Xestiñas (categoría para nenos/as), Xestas (categoría para adultos) e Xesteiras (categoría para persoas con medios/altos coñecementos de orientación). Poderase participar de xeito individual ou en grupo (máximo de 4 participantes por equipo). As inscricións son de balde e pódense facer premendo nesta ligazón. Para dispor de máis información pódese chamar ao número de teléfono 644 567 614, escribir un correo electrónico a info@xestanatureza.com ou visitar a páxina web www.xestanatureza.com.

> Circuíto Transgalaica 2022

Tras un ano de parón por mor da pandemia, Ames volve acoller a segunda etapa do circuíto de ciclismo de montaña Transgalaica 2022 este domingo 13 de marzo. Será a sexta ocasión na que o concello celebre esta cita, unha das máis importantes do ciclismo no noroeste español. A proba está organizada polo club ciclista amesán Os Esfola Arrós e a empresa Team Relay, coa colaboración do Concello de Ames. A saída realizarase dende o Pazo da Peregrina de Bertamiráns ás 9:30 horas, onde comezará un circuíto de 33 quilómetros que haberá que percorrer dúas veces. As inscricións están abertas ata o mércores 9, ás 23:59 horas, premendo nesta ligazón ou accedendo á web magmasports.es.

> Clausura das Escolas deportivas municipais

O curso 2022-2023 das escolas deportivas municipais chega ao seu fin. Como todos os anos, celebrarase un evento de clausura no que os rapaces e rapazas terán a oportunidade de mostrar o aprendido ao longo destes meses nas actividades que participaron. O acto terá lugar este sábado, 17 de xuño, a partir das 16:30 horas, na área deportiva do Milladoiro. Trátase dun evento familiar e festivo, que estará aberto a todas as persoas que desexen asistir. A xornada está organizada polo departamento de Deportes de Ames, en colaboración con ServiPlus.