[03-10-2017] “Co galego gañas ti” é o nome dos obradoiros de habilidades comunicativas e dinamización lingüística que se van a desenvolver, estes días, no Concello de Ames. Organizados pola Concellaría de Normalización Lingüística, en colaboración coas concellarías de Educación e Deportes, están dirixidos ao monitorado dos comedores e das escolas e clubs deportivos de Ames. Ao comezo do primeiro dos obradoiros, que se celebrou hoxe, estivo presente o concelleiro de Educación e Cultura, David Santomil, quen destacou a importancia destes obradoiros para a normalización e a promoción da lingua galega.

[02-10-2017] A semana pasada o alcalde de Ames, responsable da área da Administración electrónica, o persoal do departamento de informática e unha traballadora municipal, mantiveron unha xuntanza cos responsables da área da Administración electrónica do Concello de Lalín co obxectivo de coñecer o grao de implantación que ten dito municipio neste senso. En Lalín implantouse no pasado mes de febreiro un novo programa de xestión da Administración electrónica. Ames na actualidade está inmerso na implantación de diferentes procedementos da Administración electrónica por medio da Deputación coa plataforma TeDec.

[02-10-2017] A charla fai parte do plan de formación de Gas Natural Fenosa. Dirixida ás usuarias e usuarios dos servizos sociais municipais, terá lugar tanto no Milladoiro como en Bertamiráns. O día 11 de outubro, será na primeira das localidades, no local de JUPEMI (a asociación de persoas xubiladas e pensionistas do Milladoiro), ás 17:00h. En Bertamiráns, a charla desenvolverase o 19 de outubro, no Pazo da Peregrina, no mesmo horario.

[02-10-2017] Esta semana comeza a actividade de psicomotricidade educativa e preventiva, esta será a duodécima edición deste programa dirixido aos nenos e nenas do concello de Ames de 3, 4 e 5 anos. Impartirase nos centros escolares de Agro do Muíño, A Maia e EEI de Milladoiro. Dúas monitoras con ampla experiencia na educación infantil e na psicomotricidade educativa e preventiva impartirán esta actividade.