O programa de psicomotricidade educativa e preventiva busca traballar a expresividade motriz dos nenos e nenas para mellorar a súa relación co entorno e as condicións do seu crecemento como persoas, apoiando e favorecendo o seu desenvolvemento.

Nas sesións diarias traballarase o movemento, a expresión oral e corporal e as manifestacións gráficas e plásticas co fin de favorecer a interacción entre o coñecemento, a emoción, o corpo e o movemento, así como a súa capacidade para expresarse e relacionarse no seu contexto social.

Tamén están orientadas a que os nenos/as aprendan determinados valores e normas sociais e se acostumen a respectar os demais dentro dun grupo favorecendo un clima de confianza e sen conflitos.