Hoxe, ás 20.30 horas, celebrarase de forma telemática o pleno ordinario correspondente ao mes de maio. As persoas que estean interesadas en seguir en directo dito pleno poden facelo premendo no banner que está colocado na cabeceira da páxina de inicio da web municipal. Deste xeito, accederán a unha canle para ver vía streaming a sesión plenaria.

Esta mañá celebrouse un pleno extraordinario no que a Corporación municipal debateu dous puntos relativos ao novo orzamento para o exercicio 2026 presentado polo goberno municipal, que ascende á cifra de 43.334.228,98 euros, e que está composto polo orzamento municipal de 38.753.577,15 euros e mailo orzamento da EPEL Augas de Ames de 4.580.651,83 euros. Tralo debate, quedou rexeitada a aprobación inicial do Orzamento Xeral 2026 do Concello de Ames e o da EPEL Augas de Ames; e foi aprobada a masa salarial do persoal laboral do Concello de Ames e da EPEL Augas de Ames. No pleno ordinario do vindeiro xoves, 26 de febreiro, incluirase unha cuestión de confianza para poder aprobar o Orzamento Xeral 2026. Podes ver a gravación do pleno na canle de Youtube do Concello de Ames.

Os cidadáns de Ames votaremos nos mesmo colexios electorais que o o viñamos facendo nas últimas convocatorias, agás en Ventín que, dentro do mesmo CEIP, trasládase o local de votacións a un pavillón anexo mais amplo que o utilizado até agora. Iso si, votaremos con máscara e en medio de estritas medidas de seguridade e protección sanitaria: entraremos de un en un nos colexios, camiñaremos por circuítos marcados que impedirán que nos crucemos, daremos prioridade de acceso aos maiores de 65 anos, persoas con problemas de mobilidade e aos seus coidadores, e disporemos de xel desinfectante, luvas para as persoas alérxicas, e máscaras á entrada dos colexios. Ademais faranse tarefas de limpeza e desinfección nos locais electorais antes, durante e despois da xornada electoral. Recoméndase o voto por Correo e non ir a votar nas horas centrais do día ou nas de máis previsión de afluencia. O Concello de Ames mantén o seu servizo de Transporte Adaptado para aquelas persoas con problemas de mobilidade que non poden desprazarse en vehículo propio ou transporte público non adaptado.

O Concello de Ames informa que este sábado, 23 de maio de 2020, publicouse no Boletín Oficial do Estado a Orde SND/414/2020, de 16 de maio, para a flexibilización de determinadas restricións de ámbito nacional establecidas trala declaración do estado de alarma en aplicación da fase 2 do Plan para a transición cara unha nova normalidade. Cómpre lembrar que o concello de Ames, ao igual que o resto de concellos galegos, entra este luns, 25 de maio de 2020, na fase 2, polo que se establecen novas condicións no proceso de desescalada. Dende o Concello de Ames apélase á responsabilidade dos veciños e veciñas no cumprimento das normas polo ben común e evitar así un posible retroceso no control da pandemia.