Este xoves, 28 de maio, celebrarase de forma telemática o pleno ordinario correspondente ao mes de maio, a través da aplicación Councilbox subministrada por AVA Soluciones tecnológicas. A Corporación municipal debaterá a segunda prórroga do contrato de xestión do servizo público Ciclo Integral da Auga; a adhesión á Axencia de Protección da Legalidade Urbanística (APLU) de Galicia; e a aprobación proxecto corrixido de reforma vestiarios campo de fútbol de Bertamiráns. Ademais, abordarse a incorporación do Concello de Ames á Incorporación á Red Innpulso; a modificación da ordenanza número 3 reguladora do prezo público pola utilización das instalacións deportivas e culturais; a modificación das bases número 20 e 26 do orzamento municipal de 2020; o recurso de reposición presentado por Serviocio contra o acordo plenario do 16 de abril de 2020, así como a ratificación de tres decretos de alcaldía aprobados durante este mes de maio.

Este xoves, 27 de xaneiro, o Concello de Ames celebra o pleno ordinario do mes de xaneiro. En dita sesión plenaria a Corporación municipal debaterá sobre a adxudicación do expediente de licitación do servizo de limpeza viaria e xestión de puntos limpos. Ademais, debaterase a modificación do sistema de prórrogas do contrato asinado con Servizos Sociais Ulla Sar SL, para a prestación do servizo de axuda no fogar, e proporase aprobar a primeira prórroga do contrato deste servizo por un prazo de 6 meses. Tamén se vai debater sobre a adhesión á declaración de Valladolid sobre o compromiso das cidades pola economía circular; a adhesión á Rede de Cidades e Comunidades Amigables coas Persoas Maiores; a aprobación inicial do Regulamento da política de seguridade da información do Concello de Ames; e a ratificación do acordo adoptado pola Xunta de Goberno Local de desistir do expediente de licitación de servizo de limpeza integral nas instalacións municipais e centros educativos. Por último, o grupo municipal popular presentou unha proposta para o cesamento do ministro de consumo polos seus ataques á gandería e ao sector cárnico español, así como unha moción sobre a mellora do paseo fluvial de Bertamiráns.

Este xoves, 30 de xaneiro, realizarase o pleno ordinario do mes de xaneiro no que a Corporación municipal debaterá sobre a autorización dun gasto plurianual, para os exercicios 2020, 2021 e 2022, por un importe total de 1.470.288,94 euros (294.057,79 euros correspondentes a achega municipal e 1.176.231,15 euros correspóndense coa subvención do IDAE), para o proxecto de mellora da eficiencia enerxética no alumeado no rural do concello de Ames. Ademais, abordaranse outros temas como a adhesión á Rede de Gobernos Locais +Biodiversidad; a primeira modificación do Regulamento de Participación Cidadá; a segunda modificación do regulamento de organización e funcionamento da emisora municipal Ames Radio: a aprobación do proxecto técnico de Rede de saneamento no lugar de Castelo; e seis propostas sobre diferentes temas. Estes temas foron previamente tratados nas correspondentes comisións informativas.

O vindeiro luns, 29 de decembro, o Concello de Ames celebrará o pleno ordinario correspondente ao mes de decembro. Na sesión plenaria, a Corporación municipal debaterá sobre as alegacións na aprobación inicial da ordenanza fiscal reguladora da taxa por prestación do servizo de recollida, transporte e tratamento de residuos, a ratificación do recurso de reposición da Mancomunidade Serra do Barbanza, a aprobación inicial e sometemento a información pública da estrutura de custos e da fórmula de revisión de prezos do contrato de concesión de obra pública das instalacións deportivas municipais do Milladoiro e da Telleira, a adhesión ao convenio da FEMP sobre a rede de entidades locais gandeiro cárnica, o POS+ Adicional 1/2026 para gastos sociais extraordinarios do exercicio 2026, a aprobación do convenio co Concello de Brión para o Programa Integrado de Emprego, a aprobación do Plan normativo do Concello de Ames, e a subsanación deficiencias na redacción do proxecto das obras de renovación do drenaxe transversal en Piñeiro (POS+2025). Tamén se debaterán dúas mocións, unha do BNG sobre a restauración dos muíños da ruta de Riamontes e a súa posta en valor; e outra do Partido Popular para denunciar a exclusión de Ames do programa Merca na Vila. O pleno será emitido en directo a través da canle de YouTube do Concello de Ames.