Solapas principales

Departamento de Secretaría y Administración General

    • Dirección: Praza do Concello, nº 2, Bertamiráns.
    • Teléfono: 981 88 30 02
    • Horario de atención al público: de 9:00 a 14:00h.
    • Responsable municipal: Concejalía de Administración General
    • Responsable técnico: María Ofir Aboy García, técnica de secretaría.
    • Estructura del servicio: Secretaría, Técnica de Secretaría, 3 Auxiliares Administrativos.
Otros Datos: 
  • Funciones:
    • Asesoría jurídica del Ayuntamiento.
    • Informar y asesorar sobre los asuntos plenarios. Conformación de los plenos y comisiones, juntas de gobierno.
    • Levantar acta de las sesiones de los órganos colegiados.
    • Certificación de los actos o resoluciones de la Presidencia y los acuerdos de los órganos colegiados decisorios, así como de los antecedentes, libros y documentos del Ayuntamiento.
    • Remitir a la Administración del Estado y a la Comunidad Autónoma, en los plazos y formas determinados reglamentariamente, copia o, en su caso, extracto de los actos y acuerdos de los órganos decisorios de la Corporación, tanto colegiados como unipersonales.
    • Llevar y custodiar el Registro de Intereses de los miembros de la Corporación y el Inventario de Bienes.
    • Acompañar al Alcalde-Presidente o miembros de la Corporación en los actos de firma de contratos o escrituras.
    • Gestión del área de contratación. Realización del Plan de contratación semestral.
    • Gestión de los RRHH del Ayuntamiento de Ames.
  • Bolsas de trabajo
  • Procesos selectivos
  • Personal Municipal
  • Noticias relacionadas
  • Agenda.

Noticias del departamento

O Pleno aproba a Conta Xeral de 2019 que amosa un superávit de 1.270.000 euros e un remanente de tesourería de 9.250.000 euros

Este mércores, 24 de febreiro, celebrouse un pleno extraordinario e urxente no que a Corporación municipal aprobou por maioría absoluta a Conta Xeral de 2019. Previamente, a Conta Xeral de 2019 foi ditaminada favorablemente o pasado 15 de xaneiro pola Comisión Informativa Permanente de Economía e Facenda e Especial de Contas. Posteriormente, abriuse un período de exposición publica que finalizou este luns 22 de febreiro. Despois de finalizar todos os trámites de ditame e exposición pública a Conta Xeral foi aprobada polo pleno do Concello de Ames, e de seguido, renderase ante o Consello de Contas. Dentro da Conta Xeral a liquidación orzamentaria é a parte máis importante e na que se reflicten a execución do orzamento de gastos, ingresos e o resultado orzamentario, así como outras magnitudes coma o remanente de tesourería e superávit.

O Pleno aproba a cuarta modificación do ROM e mailo suplemento de crédito 5/2022 financiado con remanente de tesourería para gastos xerais

Este xoves, 24 de novembro, celebrouse o pleno ordinario correspondente a este mes de novembro. En dita sesión plenaria a Corporación municipal aprobou por unanimidade as bases para a elección de xuíz/a de paz substituto do Concello de Ames. Ademais, aprobouse por maioría absoluta a cuarta modificación do Regulamento Orgánico Municipal (ROM) e mailo suplemento de crédito 5/2022 con remanente de tesourería para gastos xerais. Premendo nesta ligazón podes ver a gravación do pleno ordinario de novembro que está na canle de Youtube do Concello de Ames. Varias traballadoras do Servizo de Axuda no Fogar (SAF), que están en folga indefinida dende o pasado 2 de novembro, asistiron como público ao pleno co obxectivo de visibilizar as demandas de melloras que están facendo nas condicións laborais do colectivo.

O Pleno aproba a estrutura de custos e a fórmula de revisión de prezos do contrato de concesión de obra pública das instalacións deportivas do Milladoiro e da Telleira

No pleno ordinario de decembro a Corporación municipal aprobou desestimar as alegacións da ordenanza fiscal reguladora da taxa por prestación do servizo de recollida, transporte e tratamento de residuos; a ratificación do recurso de reposición da Mancomunidade Serra do Barbanza; a estrutura de custos e a fórmula de revisión de prezos do contrato de concesión de obra pública das instalacións deportivas municipais do Milladoiro e da Telleira; o POS+ Adicional 1/2026 para gastos sociais extraordinarios do exercicio 2026; o convenio co Concello de Brión para o Programa Integrado de Emprego; o Plan normativo do Concello de Ames, e a subsanación deficiencias na redacción do proxecto das obras de renovación do drenaxe transversal en Piñeiro. Tamén se aprobaron dous puntos incluídos na orde do día por vía de urxencia como foron a liquidación do contrato do servizo municipal de limpeza viaria e xestión do Punto Limpo e as cotas da Mancomunidade Serra do Barbanza para o ano 2025. Por último, aprobáronse dúas mocións, unha do BNG sobre a restauración dos muíños da ruta de Riamontes e a súa posta en valor; e outra do Partido Popular para denunciar a exclusión de Ames do programa Merca na Vila. Podes ver a gravación do pleno na canle de Youtube do Concello de Ames.

O Pleno aproba a modificación da ordenanza fiscal reguladora do imposto sobre o incremento de valor dos terreos de natureza urbana

Este xoves, 24 de febreiro, celebrouse a sesión ordinaria do pleno de febreiro no que a Corporación municipal aprobou por unanimidade o expediente de licitación do servizo de limpeza integral nas instalacións municipais e nos centros educativos do concello de Ames. Tamén se aprobou por maioría absoluta a modificación da ordenanza fiscal reguladora do imposto sobre o incremento de valor dos terreos de natureza urbana. Ademais, deuse conta dos decretos ditados pola Alcaldía dende a última sesión plenaria ordinaria; da execución trimestral sobre o período medio de pago a provedores; do informe de morosidade relativo ao cuarto trimestre de 2021; e das queixas, suxestións e reclamacións presentadas no ano 2021.

O Pleno aproba a modificación dos regulamentos dos programas complementarios e lúdicos e das ordenanzas do IVTM e do IBI

Este xoves, 27 de outubro, celebrouse o pleno ordinario correspondente a este mes de outubro. En dita sesión plenaria a Corporación municipal aprobou por unanimidade a modificación puntual do regulamento dos programas de conciliación (Bos días coles, Comedores escolares e Tardes divertidas), dos programas lúdicos, e da Escola de verán;  o proxecto modificado de acondicionamento e mellora térmica da cuberta da escola infantil O Bosque e maila modificación do proxecto da obra de melloras básicas das condicións térmicas e acústicas do pavillón do Milladoiro; a modificación da ordenanza de bens inmobles; un recoñecemento extraxudicial de crédito, por valor de 48.000 euros; e o incremento da contía para gratificacións, horas extras e horas complementarias. Ademais, aprobouse por maioría absoluta (só votou en contra o concelleiro de Ciudadanos) a modificación da ordenanza de imposto sobre vehículos. Por último, abordouse unha moción por vía de urxencia sobre o Día mundial da infancia 2022, que foi aprobada por todos os grupos da Corporación como declaración institucional. Premendo nesta ligazón podes ver a gravación do pleno ordinario de outubro que está na canle de Youtube do Concello de Ames.

O Pleno aproba a proposta do goberno sobre a asignación de dedicacións, a contratación de persoal de confianza e a dotación de medios para os partidos da oposición

Este mércores pola tarde desenvolveuse o pleno de organización da nova corporación municipal do Concello de Ames para o mandato 2023-2027. Nesta sesión plenaria aprobáronse as dedicacións e as asignacións económicas que terán os membros do goberno e da oposición. Haberá un total de 13 dedicacións exclusivas e parciais. Deste xeito, o alcalde e mailos sete concelleiros e concelleiras do grupo de goberno terán dedicación (haberá cinco dedicacións exclusivas e tres parciais), mentres que o grupo municipal popular disporá de tres dedicacións parciais e o grupo municipal do BNG terá dúas dedicacións parciais. Ademais, o goberno municipal terá tres postos de persoal de confianza a xornada completa (un técnico de gabinete de Alcaldía e dous administrativos/as). O grupo municipal popular disporá de dous auxiliares administrativo/a a xornada completa; o BGN disporá dun auxiliar administrativo/a a xornada completa; e Espazo Común terá un auxiliar administrativo/a a xornada parcial. Premendo nesta ligazón podes ver a gravación do pleno de organización.

O Pleno aproba a prórroga do contrato do ciclo integral da auga ata abril de 2024

Este xoves, 29 de decembro, celebrouse o pleno ordinario correspondente ao mes de decembro de 2022. En dita sesión plenaria a Corporación municipal aprobou por maioría absoluta a prórroga do contrato do ciclo integral da auga, por un período de 16 meses, ata o 30 de abril de 2024. Ademais, aprobouse por unanimidade a resolución de alegacións e aprobación definitiva da modificación do regulamento de funcionamento do mercado de venda ambulante do Concello de Ames e a ratificación do decreto de Alcaldía sobre a ampliación da prórroga do convenio do servizo de atención temperá. Premendo nesta ligazón podes ver a gravación do pleno ordinario de decembro.

O Pleno aproba a subsanación de documentación aportada para optar á subvención de mellora da eficiencia enerxética no alumeado do rural

Este mércores, 13 de novembro, celebrouse un pleno extraordinario no que se aprobou a proposta de subsanación da documentación enviada para optar a unha axuda do Instituto para la Diversificación y Ahorro de la Energía (IDAE), para o desenvolvemento dun proxecto singular de aforro e mellora da eficiencia enerxética da iluminación do rural. Este punto saíu adiante co voto a favor dos membros do goberno municipal e do concelleiro de Ames Novo, Quique Costas. Os concelleiros/as do grupo popular e mailo concelleiro de Ciudadanos, José Ramón Oulego, abstivéronse. Dende o IDAE requiríuselle ao Concello de Ames a subsanación na documentación aportada para acollerse a dita subvención, e que pasa por aportar un novo certificado do acordo do Pleno que aprobe, de forma expresa, todos e cada un dos puntos establecidos no artigo 12.4 do Real decreto 616/2017, e que na memoria do proxecto se inclúa o dato da suma total das potencias contratadas de todos os cadros.

O Pleno aproba de xeito definitivo o Orzamento municipal de 2020

Este xoves, 30 de abril, celebrouse o pleno ordinario correspondente ao mes de abril, a través da aplicación Councilbox. A sesión foi celebrada de forma telemática e reproducida en directo por streaming. A Corporación municipal aprobou todos os puntos da orde do día. Deste xeito, aprobouse de xeito definitivo o Orzamento municipal de 2020, que ascende a cifra de 27.370.000 euros. Ademais, aprobouse a corrección de proxectos do POS 2020; a resolución da alegación e aprobación definitiva da Ordenanza fiscal xeral do Concello de Ames; o expediente de investigación patrimonial dun camiño no lugar do Casaliño; e maila resolución da alegación e aprobación definitiva da terceira modificación puntual do Regulamento Orgánico Municipal.

O Pleno aproba de xeito definitivo o Orzamento municipal de 2021

A Corporación municipal, reunida en sesión plenaria extraordinaria, aprobou de xeito definitivo o Orzamento municipal de 2021, que ascende a cifra de 29.888.000 euros. Trátase do maior orzamento municipal aprobado no Concello de Ames. A aprobación definitiva do orzamento estivo asociada á desestimación dunha alegación presentada polo grupo municipal popular fronte ao acordo de aprobación inicial do orzamento municipal de 2021, e contou cos votos a favor do grupo de goberno, a abstención do concelleiro de Ames Novo, Quique Costas, e o voto en contra do grupo municipal do PP e do concelleiro de Ciudadanos, José Ramón Oulego.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.