“Os mozos e mozas tutelados non son máis conflitivos que outros nin máis problemáticos, simplemente non contaron cun fogar seguro no que vivir e medrar”. Con esta idea nace “Non nos xulgues”, a campaña a través da que Igaxes pretende radicar o estigma ao que en moitas ocasións se ven sometidos os rapaces/as que viven tutelados/as baixo o apoio de profesionais socio educativos. O concello de Ames, a través da concellaría e Benestar Social, colabora con esta asociación na posta en marcha de varios programas de educación familiar e dos servizos socio comunitarios básicos. Tamén organizan charlas  nos IES de Ames.

A Xunta de Goberno Local vén de aprobar, o pasado 27 de xullo, a concesión de axudas para o exercicio 2023 a entidades de iniciativa social sen ánimo de lucro, para a promoción de actividades de servizos comunitarios e inclusión social. Un total de dezaseis entidades recibirán 60.000 euros para promover actividades complementarias aos servizos sociais, que favorezan a inclusión, a saúde pública ou a formación laboral.

O Concello de Ames colabora coa asociación Solidariedade Galega co Pobo Saharauí na campaña de recollida de medicación e material sanitario para o pobo saharauí. As entregas poderanse facer ata o venres 17 de novembro, en horario de mañá, na Casa do Concello, en Bertamiráns, e nas oficinas de Servizos Sociais no Milladoiro. Para máis información pódese contactar coa delegada da comarca de Santiago, Esther Ybarra, a través do número de teléfono 609 764 945. Precísase medicación oral, pomadas e medicación inxectable. Tamén se poden facer donativos a través da conta bancaria: ES48 2080 5056 1130 4006 3331.

A Casa do Concello tinxirase de azul para conmemorar o Día Mundial da Diabetes que se celebra o 14 de novembro. Ademais, unha pancarta conmemorativa pendurará do balcón do concello para lembrar o valor da data. As pantallas instaladas na Casa do Concello, nas Oficinas Municipais da rúa Alcalde Lorenzo e nas Casas de Cultura de Bertamiráns e Milladoiro difundirán un vídeo que insiste na importancia de coñecer a tempo a enfermidade e toda a veciñanza poderá sumarase á “Quilómetros pola diabetes – Volta a España”, un reto virtual que intenta dar visibilidade á doenza e fomentar a actividade física e saudable como xeito de previla. Estas cuestións acordáronse despois da xuntanza mantida esta mañá entre a concelleira de Sanidade, Luísa Feijóo e representantes de ANEDIA, a Asociación de Nenas, Nenos e Xente con Diabetes de Galicia.