Solapas principales

Aula CeMIT de Ames

Noticias del departamento

Novos contidos online da Aula CeMIT para o mes de xuño

As instalacións da Aula CeMIT de Ames permanecen pechadas ao público debido ao estado de alarma provocado pola COVID19, pero a súa actividade segue funcionando. A Aula, seguirá ofrecendo durante o mes de xuño cursos semanais de temática moi variada coa intención de seguir acollendo á maior cantidade de xente posible. Ademais, procedeuse á creación dunha web sinxela na que centralizan a información de todas as actividades á que podes acceder premendo neste enlace.

Novos cursos da aula CeMIT para os meses de abril, maio e xuño

A aula CeMIT organiza para o vindeiro trimestre tres novos cursos para o público adulto e outros catro para menores de idade. As formacións impartiranse entre os meses de abril, maio e xuño e estarán enfocadas no uso dos teléfonos móbiles, navegar en Internet e a utilización de ferramentas de ofimática. Os horarios de acceso á aula son, polas mañás, de luns a venres dende as 9.05 ata as 12.55 horas. Polas tardes, o horario é de luns a xoves, de 16.35 a 18.55. Para poder participar en calquera dos cursos é necesario estar dado de alta na rede do CeMIT.

Novos cursos da Aula CeMIT programados para xaneiro e febreiro

Co arranque do novo ano, chegan 13 novos cursos da Aula CeMIT para os meses de xaneiro e febreiro. Ciclos de informática, de ofimática, empregabilidade e cursos especialmente dedicados para os menores son algunhas das propostas da Aula CeMIT (situada na Casa da Cultura de Bertamiráns) para estes primeiros meses do ano. 

O Concello de Ames asina un convenio de colaboración entre AMTEGA, as universidades galegas e FEGAMP para dispor da Rede CeMIT para facilitar a realización de exames universitarios

O Concello de Ames ven de asinar un convenio de colaboración entre a Axencia para a Modernización Tecnolóxica de Galicia, a Universidade de Santiago de Compostela, a Universidade da Coruña, a Universidade de Vigo e a Federación Galega de Municipios e Provincias para dispor da Rede CeMIT para facilitar a realización dos exames correspondentes ao curso universitario 2019-2020.

O Concello de Ames volve a remitirlle a AMTEGA a solicitude dunha Aula CeMIT para o núcleo urbano do Milladoiro

O goberno municipal de Ames volve a solicitar unha Aula CeMIT para o Milladoiro. O alcalde de Ames, Jose Miñones, vén de enviarlle o pasado 8 de xaneiro unha carta á directora da área de Sociedade Dixital da Axencia para a Modernización Tecnolóxica de Galicia (AMTEGA), Rosa Méndez Calvo, solicitando que se dote de dito servizo ao núcleo urbano máis poboado do concello. Anteriormente, xa se mantivo unha xuntanza entre ambos representantes institucionais e tamén, en marzo de 2019, se fixo esta mesma petición a través de carta.