O Concello de Ames informa á veciñanza que, durante a xornada do día de hoxe, mércores 23 de xullo produciranse cortes puntuais nas rúas Pardiñeiros e Panasqueira para o pintado das marcas viarias do novo pavimento destas rúas do Milladoiro. Estas obras encádranse na actuación de mellora do pavimento das rúas Pardiñeiros, Seidón e Panasqueira, nas que se veñen de investir preto de 100.000 euros.

O Concello de Ames, a través da Concellaría de Xestión do Medio Natural e Atención ao Rural, informa de que se adía a actividade “Pedras e estrelas”, que estaba prevista para o sábado 19 de xullo.

Todos os anos durante a época estival a área recreativa de Tapia convértese nun punto de referencia non só para a veciñanza de Ames, senón tamén para todos os veciños e veciñas da comarca de Santiago de Compostela, que buscan un lugar onde poder refrescarse e relaxarse durante os seus momentos de lecer. Deste xeito a área recreativa de Tapia preséntase como unha alternativa ao mar e aos grandes areais da costa galega onde todos os bañistas poden tomar un baño e deitarse ao sol. Para que os veciños e veciñas de Ames poidan achegarse ata a praia fluvial o Concello de Ames habilita do 14 e xullo ao 13 de agosto un servizo gratuíto de autobús, que sairá ás 15.30 horas desde O Milladoiro e realizará parada en Bugallido, Agro do Muíño e Bertamiráns. O regreso será ás 20.00 horas coas mesmas paradas que no percorrido de ida. Dito servizo funcionará os luns, mércores e venres.

Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.