O Concello de Ames informa que, con motivo da celebración este sábado, 9 de agosto, da IV Regata Provincial "Circuíto praia fluvial de Tapia", o acceso á praia fluvial de Tapia estará restrinxido durante toda a xornada do sábado. Deste xeito, quedará prohibido ao longo de todo o día o acceso ás zonas da área recreativa, tanto as de baño (zona de arriba do muíño), coma nas zonas verdes (próximas á instalación de piragüismo).

A Axencia Estatal de Meteoroloxía (AEMET) informa dun episodio de temperaturas máximas de nivel 1 AMARELO no interior da provincia da Coruña a partir do mediodía da xornada de hoxe, mércores 6 de agosto, ata a noite. Este fenómeno afectará a toda Galicia de maneira hetereoxénea nas diferentes zonas. Este aviso considérase válido ata a modificación do nivel de alerta.

A empresa subministradora Naturgy notificoulle ao Concello de Ames unha interrupción programada do subministro eléctrico durante o día 5 agosto en varias rúas de Bertamiráns, co fin de realizar tarefas de mantemento e desenvolvemento da súa rede eléctrica.

O Concello de Ames informa de que hoxe, xoves 31 de xullo, a partir das 11.00 horas, reabre a piscina municipal do Milladoiro. A instalación permaneceu pechada desde o pasado día 15 debido aos problemas que se detectaron co desprendemento do liner da piscina. As obras de reparación non supuxeron ningún custo extra para as arcas municipais xa que dita obra estaba en período de garantía.