Con motivo da celebración da XVIII Carreira Ciclista do Pavo, que se celebra este domingo, 21 de decembro de 2025, nos arredores da avenida da Maía, en Bertamiráns, infórmase de que haberá cortes de tráfico nas rúas, aldeas e lugares polos que transcorre a citada carreira.

Durante a tarde e a noite do día de onte (15 de decembro) viñéronse recibindo avisos sobre a presenza de olores no abastecemento de auga en certas zonas do núcleo de Bertamiráns. Ante a alerta veciñal, procedeuse á toma das mostras correspondentes tanto na rede de abastecemento como nos depósitos de auga. Nunha primeira análise púidose comprobar que os parámetros físico-químicos da auga son correctos (turbidez, cor, pH e valores de cloro, tanto en depósito como na rede). Realizarase un seguimento continuo da situación. Dende o Concello de Ames envíase unha mensaxe de tranquilidade e garántese a seguridade do abastecemento de auga. Para comunicar calquera incidencia, poden contactar co servizo de Augas de Ames no teléfono 981 89 07 76.

Premendo nas ligazóns que están ao pé deste aviso pódense obter os menús dos comedores escolares, Bos días cole e Tardes divertidas (almorzos, xantares e merendas). Estes menús foron elaborados pola nutricionista municipal do Concello de Ames.

O Concello de Ames ten preparado un amplo programa de actividades para as festas de Nadal deste ano. O programa, organizado por varios departamentos municipais, inclúe múltiples actividades dirixidas a todo tipo de públicos, que se desenvolverán ao longo do mes de decembro e comezos de xaneiro. Unha destas actividades é a Chocolatada Ames, que se vai a celebrar este xoves, 11 de decembro, no aparcadoiro do Supercor, situado no Milladoiro. Contarase coa actuación do grupo Airiños do Paseo de Colón.