O Concello de Ames, a través da Concellaría de Promoción Económica, informa de que desde este martes, 23 de decembro, pódese obter cita previa para as Recepcións reais de Bertamiráns e do Milladoiro previstas para os días 3 e 4 de xaneiro.

A aula AMTIC do Concello de Ames vén de anunciar a convocatoria de catro novos cursos de formación para persoas adultas, así como outros catro para nenos e nenas, para os meses de xaneiro, febreiro e marzo do vindeiro 2026. Competencias dixitais básicas, Creación de web con WordPress, Iniciación ao correo electrónico e Uso básico de Internet serán os obradoiros destinados a usuarios e usuarias adultas, mentres que Iniciación á Informática, Scratch (Intermedio), Mecanografía para nen@s e Programación con placa Micro:bit estarán orientados aos cativos e cativas. Os cursos son gratuítos e as inscricións deberán facerse en informatica.milladoiro@gmail.com, mediante o correspondente formulario, ou ben chamando ao número de teléfono 698 172 347.

A unidade móbil de doazón de sangue estará este mércores, 31 de decembro, en Bertamiráns, ao carón da praza da Maía. O horario de atención será de 09:30 a 14:30 horas. A Axencia de Doazón de Órganos e Sangue (ADOS) baixo o lema “Doa sangue, o mellor regalo”, pretende sensibilizar á cidadanía galega da importancia de doar sangue xa que precísanse máis de 400 doazóns diarias nos hospitais galegos. No 2024 o municipio de Ames obtivo 1.501 doazóns cunha taxa que acadou as 46 doazóns por cada 1000 habitantes e ano.

Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.