As Casas da Cultura de Bertamiráns e do Milladoiro volveron acoller un ano máis o Festival internacional de Maxia - FestiMax, unha das citas máis características do outono amesán, que se celebrou os días 23, 24, 25 e 26 de outubro. O evento, que conta coa colaboración da Rede Cultural da Deputación da Coruña, reuniu a preto de 1.100 persoas. Houbo espectáculos moi variados e de gran calidade artística. A veciñanza amesá puido desfrutar ao longo de catro xornadas dos espectáculos e obradoiros de magos galegos e internacionais. Nunha sondaxe que se fixo ao saír das distintas sesión da Gala máxica internacional, as persoas asistentes valoraron de xeito moi positivo os espectáculo de dita gala. As persoas que asiste cada ano manifestaron que se mantén o nivel dos distintos espectáculos ao longo dos anos. Preme nesta ligazón para ver a galería fotográfica do FestiMax 2025.

As casas da cultura de Bertamiráns e do Milladoiro acollerán esta semana a vixésima edición do Festival Internacional de Maxia de Ames, que, nesta ocasión, terá lugar do 23 ao 26 de outubro. Este festival organizado polo Concello de Ames, en colaboración coa Deputación da Coruña, conta cun amplo programa de espectáculos e obradoiros para todos os públicos. Quedan poucas prazas dispoñibles para participar nos obradoiros de maxia. Así mesmo, aínda quedan algunhas entradas dispoñibles para o espectáculo “Imposible?!” do Mago Rafa e para as catro sesións da Gala Máxica Internacional, que poden adquirirse a través da Billeteira electrónica. Este evento conta coa colaboración da Rede Cultural da Deputación da Coruña.

O auditorio da Casa da Cultura de Bertamiráns acolleu esta mañá a presentación do XX Festival Internacional de Maxia de Ames, que, nesta ocasión, terá lugar do 23 ao 26 de outubro nas Casas da Cultura de Bertamiráns e do Milladoiro. Este festival organizado polo Concello de Ames, en colaboración coa Deputación da Coruña, conta cun amplo programa de espectáculos e obradoiros para todos os públicos. Este ano contarase con propostas que se estrearon na edición do 2024 e que contaron cunha gran acollida, como O Baúl da Maxia ou Maxia para os nosos maiores. Por outra banda, contarase coa estrea do espectáculo “Imposible?!” do Mago Rafa e celebraranse os xa clásicos obradoiros de maxia e a Gran Gala Máxica Internacional. As entradas xa se poden adquirir na Billeteira electrónica. Este evento conta coa colaboración da Rede Cultural da Deputación da Coruña.

O Centro Cultural Mahía, en colaboración coa Asociación Veciñal de Bugallido e a Sociedade Agraria de Bugallido, Ortoño e Biduído, organizan o Festival Outono Escénico de Bugallido, un novo proxecto cultural que traerá ao longo do mes de outubro e novembro un total de tres propostas culturais á parroquia amesá. Deste xeito, búscase achegar as artes escénicas ás zonas do rural amesán xunto con descentralizar a actividade cultural dos núcleos urbanos do concello. A primeira xornada do festival celebrarase este domingo, 5 de outubro, ás 19.00 horas, coa representación de “SOFÁ (ao pé)" de Cía. martaalonsotejada na planta baixa do Centro Cultural Mahía. A entrada é libre e de balde ata completar aforo.