Actualidad

Por ejemplo, 28-03-2024
Por ejemplo, 28-03-2024
Martes, 27 de febrero de 2024
 A Casa da Cultura do Milladoiro acolle este venres a obra de teatro “Hamelin”

O Concello de Ames propón para este venres teatro dirixido a público adulto. A programación cultural de 2024 continúa o venres, 1 de marzo, ás 20:30 horas, coa obra de teatro “Hamelin”. O espectáculo, producido por Redrum Teatro, está dirixido a un público adulto e nel se aborda a pederastia a través dunha adaptación do conto do Frautista de Hamelin. Os convites xa se poden adquirir na Billeteira electrónica. Esta programación forma parte do convenio de colaboración entre a Axencia Galega das Industrias Culturais (AGADIC) e o Concello de Ames.

Lunes, 26 de febrero de 2024
A Casa da Cultura de Bertamiráns acolle este venres o espectáculo de monicreques “Solo”

O Concello de Ames propón para este venres monicreques para público familiar. A programación cultural de 2024 continúa o venres, 1 de marzo, ás 18:00 horas, co espectáculo de monicreques “Solo”. O espectáculo está dirixido e protagonizado por Roi Borrallas. Os convites xa se poden adquirir na Billeteira electrónica. Trátase dun espectáculo no que se retrata o comportamento dun pallaso cando está só, coas súas ideas e tolemias. Esta programación forma parte do convenio de colaboración entre a Axencia Galega das Industrias Culturais (AGADIC) e o Concello de Ames.

Lunes, 12 de febrero de 2024
Música, exhibicións de baile e concursos de disfraces protagonizan a programación do “Entroido de Ames 2024”

O Concello de Ames organizou un amplo abano de actividades para festexar o Entroido de 2024. Ao longo da pasada fin de semana celebrouse o festival da EMMA, a festa de Entroido do programa Amessan e unha festa de Entroido na que houbo exhibicións de baile a cargo do Club deportivo de baile Danzaya. Tamén actuaron os coros do programa Amessan: Elelas e Voces da Maía; e maila charanga tributo Carlinhos Brown. Hoxe celebrase a festa concurso de disfraces infantil. A programación pecharase o domingo 25 de febreiro co concurso e desfile que se fará no Milladoiro. Estaba previsto para este pasado domingo, 11 de febreiro, pero cambiouse de data debido á previsión meteorolóxica. Premendo nesta ligazón podes acceder á galería de fotografías da programación "Entroido Ames 2024".

Viernes, 09 de febrero de 2024
Adíase o concurso e desfile de Entroido para o domingo 25 de febreiro

O Concello de Ames ten preparado un amplo abano de actividades para o fin de semana de Entroido, que comezan hoxe venres 9 e rematan o martes 12 de febreiro. O concurso e desfile de Entroido, programado para este domingo 11 de febreiro, adíase ao domingo 25 de febreiro por causas meteorolóxicas. Porén, mantéñense o resto de actividades: Entroido do programa Amessan, festival da EMMA, festa de Entroido do sábado 10, festa e concurso infantil de disfraces e festa dos maiores.

Lunes, 05 de febrero de 2024
O vindeiro xoves, 8 de febreiro, remata o prazo para inscribirse nos concursos de disfraces de Entroido

O vindeiro xoves 8 de febreiro remata o prazo para inscribirse nos dous concursos de disfraces que se organizan con motivo do Entroido. As inscricións realizaranse no correo electrónico xuntanzaempresariosames@gmail.com, achegando o título do disfrace, nome e apelidos da/s persoa/s representante/s, DNI, teléfono de contacto, e número de compoñentes. Ademais, haberá que especificar en que concurso se quere participar: no concurso do día 11 de febreiro, o no concurso infantil do día 12. Ambos certames forman parte da programación “Entroido Ames 2024”, organizada en colaboración coa asociación Xuntanza de Empresarios de Ames (XEA).

Lunes, 29 de enero de 2024
Imaxe da presentación da programación “Entroido Ames 2024”

O Concello de Ames presentou esta mañá na praza de Chavián, en Bertamiráns, a programación “Entroido Ames 2024”, que se vai desenvolver durante o mes de febreiro. Dita programación está organizada en colaboración coa asociación Xuntanza de Empresarios de Ames (XEA). Haberá dous concertos a cargo do alumnado da Escola Municipal de Música de Ames, a festa de entroido do programa Amessan, a festa de Entroido do Concello de Ames, o concurso e desfile de Entroido e maila festa e concurso infantil de disfraces. Premendo nesta ligazón podes descargar as bases do concurso e desfile do domingo 11 e do concurso infantil de disfraces que se celebra o luns 12 de febreiro.

Lunes, 22 de enero de 2024
A Casa da Cultura de Bertamiráns acolle este venres a representación da obra “Último verán en Santa Cristina”

A programación cultural de 2024 continúa este venres, 26 de xaneiro, ás 20:30 horas, coa representación da obra de teatro “Último verán en Santa Cristina”. O espectáculo, producido por Teatro do Noroeste, está dirixido por Eduardo Alonso. Os convites xa se poden adquirir na Billeteira electrónica. Trátase dunha obra dramática na que se conta a historia dun rapaz de doce anos e do seu último verán na praia en 1960. Moitos anos despois recibe unhas cartas propiedade da súa defunta nai a través das que rememora ese verán. Esta programación forma parte do convenio de colaboración entre a Axencia Galega das industrias Culturais (AGADIC) e o Concello de Ames.

Miércoles, 06 de diciembre de 2023
Cartaz da obra de teatro “A luz do día, nalgún lugar do mundo, a algunha muller”

O auditorio da Casa da Cultura de Bertamiráns acolle o xoves, 14 de decembro, ás 20.30 horas, a estrea da obra de teatro “A luz do día, nalgún lugar do mundo, a algunha muller”. O espectáculo esta dirixido por Noelia Papín e producido por Serea Teatro, que forma parte da produtora Serea Producións. Os convites xa se poden adquirir na Billeteira electrónica. Serea Teatro é unha das compañías que realizou unha residencia no auditorio sa Casa da Cultura do Milladoiro para ensaios da obra e como actividade de mediación vai representar a obra no noso concello. Esta obra de teatro é o segundo espectáculo dunha triloxía que trata sobre o maltrato que sofren as mulleres que son vítimas da violencia machista e vicaria.

Lunes, 27 de noviembre de 2023
Continúan os Encontros Literarios coa presentación de “Patria de Maeloc” de Luciano do Monfadal

A edición deste ano do programa de Encontros Literarios continúa este mércores, 29 de novembro, coa presentación do libro “Patria de Maeloc” do escritor da Mariña Luciano de Monfadal (Luciano Ares  Díaz). O acto, presentado polo alcalde de Ames, Blas García, será ás 20.00 horas no Pazo da Peregrina, en Bertamiráns. Esta é a primeira obra de Luciano do Monfadal. A entrada será libre ata completar aforo.

Miércoles, 22 de noviembre de 2023
A Casa da Cultura do Milladoiro acolle a partir do 27 de novembro a exposición fotográfica “Proxectos de axuda á infancia” da Fundación Tierra de Hombres

A Casa da Cultura do Milladoiro acolle entre o 27 de novembro e o 18 de decembro a exposición fotográfica “Proxectos de axuda á infancia” da Fundación Tierra de Hombres. A inauguración da mostra será o luns 27 de novembro, ás 20.00 horas, no auditorio da Casa da Cultura do Milladoiro. Ademais da inauguración farase unha charla de presentación de dita mostra. Esta exposición conta coa colaboración do Concello de Ames.