Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

O Concello modifica a data de desconexión coa sede electrónica da Deputación da Coruña como consecuencia da situación xerada polo COVID-19

O Concello de Ames informa de que por medio de decreto de Alcaldía se modifica a data de desconexión coa sede electrónica da Deputación Provincial da Coruña como consecuencia da situación excepcional orixinada pola epidemia do coronavirus (COVID-19). Debido a isto solicítaselle á Deputación Provincial da Coruña unha prórroga na data de desconexión da sede electrónica da Deputación Provincial da Coruña, quedando sen determinar a nova data á espera do levantamento do estado de alarma.

O Goberno municipal e mailas seccións sindicais asinan un acordo para actualizar a Relación de Postos de Traballo do Concello de Ames

O alcalde de Ames, Blas García, vén de asinar cos/coas representantes das seccións sindicais con representación no Concello de Ames (UGT, CSIF, CIG e CCOO) un acordo para a realización dun estudo, avaliación e actualización da Relación de Postos de Traballo actual. Esta é unha das reivindicacións máis importantes feitas pola representación sindical durante os últimos anos, manifestada tanto polas diferentes seccións sindicais coma polo Comité de Empresa e a Xunta de Persoal. A Relación de Postos de Traballo (RPT) do Concello de Ames foi aprobada no ano 2007 e desde o ano 2016 realizáronse 11 modificacións puntuais da RPT para adaptala á realidade do cadro de persoal municipal.

O Pleno abordará a adxudicación do novo contrato do servizo de axuda no fogar

Este mércores, día 30, o Concello de Ames celebrará o pleno ordinario correspondente ao mes de abril. Na sesión plenaria, a Corporación municipal debaterá sobre a resolución e adxudicación do novo contrato do servizo de axuda no fogar; a aprobación definitiva da modificación do regulamento da rede municipal de comedores escolares, bos días cole e tardes divertidas; a subsanación das deficiencias do proxecto de obras de pavimentación do viario de Capeáns a Pousada (Covas) POS+2025; a aprobación inicial do regulamento do consello sectorial da xuventude; a adhesión do Concello á asociación Ames Solar; e a modificación do regulamento de prestación do servizo de atención temperá dos Concellos de Teo e Ames, entre outros temas. Ademais, abordarase unha declaración institucional do grupo municipal socialista para establecer de interese xeral do estado a ampliación da EDAR de Sisalde, unha moción do grupo municipal popular sobre a mellora de diversas vías do Concello de Ames; e unha moción do grupo municipal do BNG para amosar o rexeitamento do pleno ao proxecto de construción da macrocelulosa de ALTRI en Palas de Rei. O pleno será emitido en directo a través da canle de YouTube do Concello de Ames.

O Pleno abordará a aprobación do proxecto de mellora da rede de evacuación de augas pluviais no parque empresarial Novo Milladoiro

Este xoves, 26 de xuño, o Concello de Ames celebrará o pleno ordinario correspondente ao mes de xuño. Na sesión plenaria, a Corporación municipal debaterá sobre a aprobación inicial da ordenanza municipal reguladora de actos de benvida social, do proxecto de mellora do camiño de Quintáns e outro incluído no Plan Camiña Rural 2025-2026, do proxecto refundido de mellora da rede de evacuación de augas pluviais no parque empresarial Novo Milladoiro, e mailas segundas prórrogas dos servizos de monitores e persoal na Rede de comedores escolares e Tardes divertidas. Tamén se abordará a primeira prórroga dos servizos de limpeza nos centros de educación infantil, primaria e escolas unitarias; escolas infantís; e instalacións de uso municipal. Ademais, trataranse dúas mocións: unha do grupo municipal do BNG para unhas festas máis inclusivas e sostibles en Ames; e outra do grupo do Partido Popular en defensa do estado democrático e de dereito e en repulsa da corrupción que afecta a contorna persoal e política de Pedro Sánchez, presidente do Goberno de España. O pleno será emitido en directo a través da canle de YouTube do Concello de Ames.

O Pleno abordará a aprobación dun suplemento de crédito financiado con remanente de tesouraría para gastos xerais por valor de 1.065.089,51 euros

Este mércores, día 28, o Concello de Ames celebrará o pleno ordinario correspondente ao mes de maio. Na sesión plenaria, a Corporación municipal debaterá sobre a aprobación do suplemento de crédito 1/2025 financiado con remanente de tesouraría para gastos xerais por valor de 1.065.089,51 euros. Tamén se abordará o acordo de fiscalización previa limitada; a ratificación do decreto de subsanación de deficiencias na redacción do proxecto das obras de acondicionamento da rúa Agro da Vella incluído no POS+2025; a modificación das bases de execución do orzamento para inclusión dunha subvención nominativa ao programa Galicia Abriga; a ratificación do decreto de personación e defensa do recurso contencioso administrativo contra a desestimación de recursos de reposición relativos á décimo segunda modificación RPT; a elección xuíz/a de paz substituto 2025; a aprobación inicial da modificación (revisión excepcional de tarifas) da ordenanza reguladora do servizo de taxis; e a concesión da medalla do Concello de Ames 2025 ao reitor da USC Antonio López Díaz. Ademais, abordaranse catro mocións presentadas polos grupos municipais do BNG, Espazo Común e PSdeG-PSOE. O pleno será emitido en directo a través da canle de YouTube do Concello de Ames.

O Pleno abordará a aprobación inicial do regulamento de uso e funcionamento da Factoría

Este xoves, día 30, o Concello de Ames celebrará o pleno ordinario correspondente ao mes de maio. O pleno comezará coa toma de posesión como concelleiro do grupo municipal do BNG, de Carlos García Vieito, trala renuncia de David Santomil. Na sesión plenaria, a Corporación municipal debaterá sobre a ratificación de dous decretos da Alcaldía para a subsanación de deficiencias de proxectos de obras incluídas no POS+ 2024. Tamén se abordará a aprobación de dous proxectos incluídos no Plan Agader 2024-2025. Por outra banda, debaterase a aprobación inicial do regulamento de uso e funcionamento da Factoría; a aprobación de indemnizacións por asistencias á Xunta de Voceiros e Comisión Especial de Queixas, suxestións e reclamacións; a aprobación de revisión de prezos do contrato de xestión e mantemento do centro deportivo municipal A Telleira (exercicios 2019 e 2020) e maila aprobación do recoñecemento extraxudicial de crédito 1-2024. Por último, abordarase a declaración institucional de apoio ás persoas enfermas de ELA, a moción política dos grupos municipais BNG e ESCO para a reprobación da concelleira de Educación, Carmen Porto, e a moción do grupo municipal socialista de solidariedade co pobo palestino. O pleno será emitido en directo a través da canle de YouTube do Concello de Ames.

O Pleno abordará a bonificación do ICIO para a construción do novo CEIP do Milladoiro

Este xoves, día 26, o Concello de Ames celebrará o pleno ordinario correspondente ao mes de outubro. Na sesión plenaria, a Corporación municipal debaterá sobre a declaración de especial interese ou utilidade municipal das obras de construción do novo CEIP do Milladoiro para bonificar a cota do ICIO, a resolución de alegacións e aprobación definitiva do regulamento para a xestión do servizo do Ciclo Integral da Auga, a aprobación inicial da ordenanza reguladora das prestacións patrimoniais de carácter público non tributario pola prestación dos servizos que conforman o Ciclo Integral da Agua, e a aprobación inicial da modificación da ordenanza fiscal reguladora da taxa pola prestación do Servizo de Axuda no Fogar. Tamén se abordará a segunda modificación do plan estratéxico de subvencións para o período 2023-2025, a revisión do prezo do contrato de concesión da xestión e mantemento do centro deportivo municipal A Telleira, a aprobación inicial da modificación da ordenanza reguladora do prezo publico pola utilización do centro deportivo municipal A Telleira, e a corrección de erros na modificación do lote 3 do contrato do servizo de limpeza nas instalacións de uso municipal. Ademais, tratarase unha moción presentada polo grupo Espazo Común e unha declaración institucional de todos os grupos políticos. Debido ás obras que se están a realizar no salón de Plenos do Concello de Ames, a sesión celebrarase no Pazo da Peregrina. O pleno será emitido en directo a través da canle de YouTube do Concello de Ames.

O Pleno abordará a creación do Consello Sectorial da Xuventude do Concello de Ames

Este xoves, día 28, o Concello de Ames celebrará o pleno ordinario correspondente ao mes de novembro. Na sesión plenaria, a Corporación municipal debaterá sobre a ratificación de dous decretos para a subsanación de deficiencias no proxecto das obras de melloras no edificio da Escola de Musica situado en Aldea nova; a aprobación inicial da ordenanza xeral de subvencións; a creación do Consello Sectorial da Xuventude; a compatibilidade de Iván Pablo Sanmartín Carreira, animador e preparador deportivo; a revisión do IPC, de xullo 2023 a xullo de 2024, relativo ao contrato de concesión da xestión e mantemento do centro deportivo municipal A Telleira; e a aprobación inicial da modificación da ordenanza reguladora do prezo público pola utilización do centro deportivo municipal A Telleira. Ademais, abordarase a aprobación de tres declaracións institucionais sobre o Día mundial da infancia 2024; o 25N - Dia Internacional para a eliminación da violencia contra a muller; e en solidariedade e apoio á veciñanza e aos Concellos afectados pola DANA. Tamén se vai debater unha moción política relativa á situación do idioma propio da Galiza e á adopción de medidas para a súa normalización. O pleno será emitido en directo a través da canle de YouTube do Concello de Ames.

O Pleno abordará a modificación do plan estratéxico de subvencións para introducir novas liñas de axudas

Este xoves, día 25, o Concello de Ames celebrará o pleno ordinario correspondente ao mes de abril. Na sesión plenaria, a Corporación municipal debaterá sobre a ratificación de tres decretos da Alcaldía para a subsanación  de deficiencias de proxectos de obras incluídas no POS+ 2024 (obras de seguridade viaria dende o Mercuto a Vilar; obras da senda de A Ponte Maceira a Carballo; e obras de humanización da praza da Curuxa). Tamén se abordará a ratificación dun decreto da Alcaldía sobre a corrección dun erro material no POS+ Adicional 1/2024. Por outra banda, debaterase o inicio de expediente para a elección de xuíz/a de paz substituto/a do Concello de Ames, a terceira modificación do plan estratéxico de subvencións; e maila toma de coñecemento da renuncia ao cargo de concelleiro de David Santomil. Por último, trataranse dúas mocións políticas, unha moción do Partido Popular de Ames sobre a normativa dos galiñeiros de autoconsumo, e outra do BNG de Ames sobre o rexeitamento do proxecto da fábrica de celulosa Altri. O pleno será emitido en directo a través da canle de YouTube do Concello de Ames.

O Pleno abordará o incremento de horas no servizo de monitores dos programas municipais de conciliación da vida laboral e familiar

Este xoves, día 30, o Concello de Ames celebrará o pleno ordinario correspondente ao mes de novembro. Na sesión plenaria, a Corporación municipal debaterá sobre a modificación dos lotes 1 e 2 do servizo de monitores dos programas municipais de conciliación da vida laboral e familiar do Concello de Ames e maila aprobación dun recoñecemento extraxudicial de crédito. Tamén se abordará a aprobación definitiva da alteración de cualificación xurídica dun anaco de camiño público no lugar de Firmistáns; e o convenio de colaboración para a xestión do plan de sustentabilidade turística nova experiencia gastronómica e incremento da cota de mercado do destino Terras de Santiago. Por último, abordaranse dúas mocións presentadas polo grupo municipal do BNG, unha relativa a reivindicación do día 25 de novembro e á necesidade de impulsar compromisos económicos e orzamentarios para garantir a atención á violencia machista, e outra para denunciar a guerra de Israel contra a Franxa de Gaza. O pleno será emitido en directo a través da canle de YouTube do Concello de Ames.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.