Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

O Pleno debaterá a aprobación de 13 proxectos que se sufragarán con cargo ao POS+ 2021

Este xoves, 4 de febreiro, celebrarase un pleno extraordinario no que a Corporación municipal debaterá sobre a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2021” da Deputación provincial da Coruña. O Concello de Ames disporá de 1.272.459,80€, dos cales 1.152.131,60€ (472.496,40€ da achega 2021 e 679.635,24€ da achega de 2020) son para novos investimentos; e 120.328,23€ para a redución de débeda. Ademais, disporase de 34.618,19€ para o financiamento de gastos correntes. No Plan complementario de 2021 recollese unha partida de 972.963,45€ para a execución de cinco proxectos e no POS+ Adicional 1/2021 contémplanse 306.290,04€ para gastos sociais extraordinarios. Previamente ao pleno, hoxe 3 de febreiro, celebráronse as comisións informativas de Desenvolvemento Urbano e de Benestar e Promoción Social para abordar estes temas.

O Pleno debaterá a aprobación de 14 proxectos que se sufragarán con cargo ao POS+ 2023

O próximo luns 13 de febreiro celebrarase un pleno extraordinario no que a Corporación municipal debaterá sobre a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2023” da Deputación provincial da Coruña. O Concello de Ames disporá de 968.925,34 euros, dos cales 857.688,62 euros (439.362,34€ da achega provincial 2023 e 418.326,28 euros da achega de 2022) son para novos investimentos; 100.000 euros, da Achega provincial 2023, destinarase ao financiamento de gastos correntes; e 11.236,72 euros para a redución de débeda con entidades financeiras. Dentro da partida de 419.359,07 euros, da achega de 2022, o Concello achega 1.032,79 euros. No Plan complementario de 2022 recóllese unha partida de 1.636.548.80 euros para investimentos financeiramente sostibles. Ademais dentro do POS+ Adicional 1/2023 contémplanse 157.314,02 euros para o financiamento de gastos sociais extraordinarios. Previamente ao pleno, celebrouse este mércores 8 de febreiro a comisión informativa de Economía, Facenda e Especial de Contas para abordar estes temas. En total o Concello de Ames recibirá 1.126.239,30 euros.

O Pleno debaterá a aprobación de 15 proxectos que se sufragarán con cargo ao POS+ 2022

Este xoves, 10 de febreiro, celebrarase un pleno extraordinario no que a Corporación municipal debaterá sobre a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2022” da Deputación provincial da Coruña. O Concello de Ames disporá de 1.076.348,37 euros, dos cales 1.042.547,70 euros (443.863,06€ da achega provincial 2022 e 598.684,66 euros da achega de 2021) son para novos investimentos; e 33.800,65 euros para a redución de débeda con entidades financeiras. Dentro da partida de 598.684,66 euros, da achega de 2021, o Concello achega 3.994,19 euros. No Plan complementario de 2022 recóllese unha partida de 1.472.221,51 euros para a execución de sete proxectos e no POS+ Adicional 1/2022 contémplanse 157.736,37 euros para o financiamento de gastos sociais extraordinarios. Previamente ao pleno, celebrouse este luns 7 de febreiro a comisión informativa de Economía, Facenda e Especial de Contas para abordar estes temas.

O Pleno debaterá a aprobación de 18 proxectos que se sufragarán con cargo ao POS+ 2024

O próximo mércores 7 de febreiro celebrarase un pleno extraordinario no que a Corporación municipal debaterá sobre a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2024” da Deputación provincial da Coruña. O Concello de Ames disporá de 979.500,37 euros (551.672,62€ da achega provincial 2024 e 427.827,75 euros da achega de 2023) para executar novos investimentos nas parroquias de Biduído, Ames, Ameixenda e nos núcleos urbanos do Milladoiro e Bertamiráns. No Plan complementario de 2024 recóllese unha partida de 2.711.703.05 euros para investimentos financeiramente sostibles nas parroquias de Ortoño, Ames, Bugallido, Trasmonte, Covas, Piñeiro e Biduído. Ademais dentro do POS+ Adicional 1/2024 contémplanse 157.620,75 euros para o financiamento de gastos sociais extraordinarios. Previamente ao pleno, celebrouse o venres 2 de febreiro a comisión informativa de Economía, Facenda e Especial de Contas para abordar estes temas. O pleno será emitido en directo a través da canle de YouTube do Concello de Ames.

O Pleno debaterá a aprobación de 19 proxectos que se sufragarán con cargo ao POS+ 2025

O próximo martes, 4 de febreiro, celebrarase un pleno extraordinario no que a Corporación municipal debaterá sobre a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2025” da Deputación provincial da Coruña. Tamén se abordará a participación no POS+ Adicional 3/2025 para a redución da débeda de 76 concellos coa Deputación pola utilización de préstamo provincial nos Plans 2015 a 2023. Por último, na orde do día recóllese a aprobación, se procede, do recoñecemento extraxudicial de crédito 1/2025. Previamente ao pleno, celebrouse o mércores 29 de xaneiro a comisión informativa de Economía, Facenda e Especial de Contas para abordar estes temas. O pleno será emitido en directo a través da canle de YouTube do Concello de Ames.

O Pleno debaterá a aprobación de dous proxectos para executar unha rede de pluviais en Cantalarrana e de saneamento e abastecemento no lugar de Quintáns

Este xoves, 26 de novembro, o Concello de Ames celebra unha nova sesión plenaria. Neste caso a ordinaria do mes de novembro. En dita sesión plenaria a Corporación municipal debaterá a aprobación de dous proxectos relacionados co Ciclo integral da auga. Tamén se abordará a aprobación do suplemento de crédito 3/2020 financiado con remanente de tesourería para gastos xerais; a revisión de prezos do contrato de concesión da limpeza viaria e xestión do Punto Limpo do Concello de Ame, adxudicado á empresa Urbaser SA, correspondente ao exercicio 2020; a elección da xuíza de paz titular do Concello de Ames; a aprobación do Plan de Acción para o Clima e Enerxía Sostible (PACES); e tres propostas para a creación dunha canle Xabarín Club na TVG; de apoio á cultura e a súa declaración como ben de primeira necesidade; e para rebaixar o IVE das máscaras. Estes temas foron abordados o pasado venres, 20 de novembro, nas comisións informativas que se desenvolven de xeito previo ao pleno.

O Pleno debaterá a aprobación definitiva do Orzamento municipal de 2020

Este xoves, 30 de abril, celebrarase de forma telemática o pleno ordinario correspondente ao mes de abril, a través da aplicación Councilbox subministrada por AVA Soluciones tecnológicas. A Corporación municipal debaterá a aprobación definitiva do Orzamento municipal de 2020. Ademais, abordarase a corrección de proxectos do POS 2020; a resolución da alegación e aprobación definitiva da Ordenanza fiscal xeral do Concello de Ames; o expediente de investigación patrimonial dun camiño no lugar do Casaliño; e maila resolución da alegación e aprobación definitiva da terceira modificación puntual do Regulamento Orgánico Municipal.

O Pleno debaterá a aprobación do Consello Sectorial de Educación e da Cultura do Concello de Ames

Este xoves, 25 de febreiro, o Concello de Ames celebra o pleno ordinario do mes de febreiro. En dita sesión plenaria a Corporación municipal debaterá a aprobación do Consello Sectorial de Educación e da Cultura do Concello de Ames. Tamén se abordará a aprobación do proxecto técnico modificado das obras de acondicionamento e mellora térmica de cuberta e fachadas da Escola Infantil municipal O Bosque; e maila adhesión ao programa de teleasistencia domiciliaria da Deputación da Coruña. Ademais, trataranse catro propostas e unha declaración institucional presentadas polo Goberno municipal e os diferentes grupos políticos con representación na Corporación municipal. Todos estes temas foron tratados previamente, o pasado venres 19 de febreiro, nas comisións informativas.

O Pleno debaterá a aprobación do convenio que permitirá implantar unha nova liña de autobús entre Bertamiráns e a estación intermodal de Santiago

Este xoves, 28 de abril, o Concello de Ames celebra o pleno ordinario do mes de abril. En dita sesión plenaria a Corporación municipal debaterá sobre a aprobación do convenio de colaboración entre a Consellería de Infraestruturas e Mobilidade, da Xunta de Galicia, o Concello de Ames e a UTE (Unión temporal de traballadores) “XG-807”, para a implantación da nova liña de autobús do servizo de interese municipal, entre a rúa Alcalde Lorenzo e a estación intermodal de Santiago. Outros temas que se abordarán serán a modificación do plan estratéxico de subvencións; a revisión de prezos dos contratos de concesión da limpeza viaria e xestión do Punto limpo e do servizo público do Ciclo integral da auga; a aprobación inicial da ordenanza reguladora da limpeza de terreos, solares e parcelas; a aprobación dos regulamentos do Consello sectorial da cultura e da prestación do servizo de atención temperá; e maila declaración institucional de loita contra a fraude.

O Pleno debaterá a aprobación do documento definitivo da Axenda Urbana 2030 do Concello de Ames

Este xoves, 13 de xuño, celebrarase un pleno extraordinario no que a Corporación municipal debaterá sobre a aprobación do documento definitivo da Axenda Urbana 2030, que é o documento que marcará a estratexia e as accións a levar a cabo ata 2030, para facer de Ames un concello de convivencia amable, acolledor e máis saudable. Esta folla de ruta naceu como resultado dun proceso participativo no que se implicou ao persoal técnico do Concello e Ames e ao tecido asociativo do municipio co obxectivo de pulsar a súa opinión e de que achegasen propostas e suxestións de cara á redacción do documento definitivo da diagnose. A presentación da Axenda Urbana 2030 realizouse este pasado martes, 11 de xuño, no Pazo da Peregrina. O pleno será emitido en directo a través da canle de YouTube do Concello de Ames.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.