- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
Esta mañá presentouse a segunda edición da campaña Ilumina o teu sorriso que poñen en marcha as tres asociacións de comerciantes e empresarios do municipio e na que colaboran o Concello de Ames, o Centro Dental Macía e o estudo de fotografía Pixelin Photo. Deste xeito, ponse en marcha un concurso de fotografía no que haberá que facer dúas fotos nas que apareza a iluminación de Nadal de dous destes catro lugares: das prazas do Concello e da Maía, en Bertamiráns, e das prazas de Manuel Murguía e da Madalena, no Milladoiro. Entre os participantes sortearase un teléfono móbil de última xeración e un circuíto de Spa doados por Centro Dental Macía. O obxectivo é fomentar a actividade comercial en ambas localidades. Ao final da campaña Pixelin Photo encargarase de organizar unha mostra coas mellores fotos. Consulta aquí as bases do concurso.
O Concello de Ames, a través da Concellaría de Promoción Económica, presentou na mañá de hoxe unha nova edición do concurso Baila con Ames. Haberá tres categorías de participación: individual, parellas ou tríos e grupos (de 4 a 12 persoas). Non hai límite de idade para participar. Para participar, é preciso enviar a ficha de participación e os anexos cubertos a través da Sede electrónica xunto cun vídeo casting e xustificante de rexistro ao enderezo amesnarua@gmail.com. Repartiranse 3.900 euros en premios. As inscricións estarán abertas desde mañá, 23 de maio, ata o 15 de xuño. A fase de preselección realizarase no Milladoiro o vindeiro 28 de xuño, mentres que a fase final do concurso será en Bertamiráns o 18 de xullo. Pódese descargar os anexos de inscrición e as bases do certame ao pé desta nova.
A Concellaría de Promoción Económica do Concello de Ames inicia a segunda fase da campaña de tarxetas bono Merc@mes o 15 de setembro e alongarase até o 15 de novembro de 2021. Calquera persoa, residente ou non, no concello de Ames, pode adquirir os bonos que se poñerán a venda a partir do mesmo día 15 de setembro en Bertamiráns e no Milladoiro, tan só presentando o DNI que o acredite como maior de 18 anos. 207 establecementos adheríronse á esta campaña coa que se pretende valorizar e impulsar as compras no comercio local. A relación dos establecementos adheridos será publicada na páxina web municipal e na páxina web da entidade colaboradora, XEA. O Concello de Ames invirte 92.000 euros en axudas directas a adquisición de bonos para incentivar as compras nos establecementos comerciais do Concello nesta segunda fase da campaña. Esta contía inclúese no programa Ames Progresa que se aprobou no pleno ordinario do mes de xullo. As persoas poden consultar o saldo que teñen dispoñible nas tarxetas premendo nesta ligazón.
O Concello de Ames presentou esta mañá a terceira edición de InnovAmes, unha xornada de innovación para as empresas de Ames que se celebrará o vindeiro 26 de xaneiro no pavillón polideportivo do Milladoiro e na que estarán presentes empresas referentes en innovación afincadas en Ames. O obxectivo deste evento é poñer en valor os recursos e a capacidade de innovación local, fomentando as a colaboración entre empresas e dando a coñecer ao público xeral o capital empresarial de Ames. Para máis información sobre o InnovAmes, pódese consultar a programación do evento nesta ligazón.
O Concello de Ames presentou onte o concerto solidario de Nadal que terá lugar o vindeiro mércores, 28 de decembro, na praza de Manuel Murguía. O recital, no que participará o violinista amesán Anxo Gómez Piñeiro, ten como obxectivo a recadación de fondos a prol da Asociación Gallega de la enfermedad de Dent, Art for Dent, que busca dar visibilidade a dita doenza e impulsar a súa investigación. A entrada para o concerto é gratuíta. A asociación Art for Dent disporá dun posto para vender diverso material (camisetas, etc.) co obxectivo de recadar fondos.
O auditorio da Casa da Cultura de Bertamiráns acolleu a presentación do Plan Reactiva Ames, que conta con 99 medidas de reactivación económica e social para o concello de Ames. Varias desta medidas xa se puxeron en marcha dende o pasado mes de abril. Moitas outras desenvolveranse durante o que queda de ano e outras executaranse no exercicio 2021. Para desenvolver dito Plan o Concello de Ames destina 7.071.620 euros. Dentro de ditas medidas inclúense 57 medidas de inversión en obra pública, 13 medidas de promoción económica, 12 medidas de índole social, 6 medidas no ámbito tecnolóxico, 4 medidas relacionadas coa administración e Goberno local, 4 medidas fiscais e 3 medidas de seguridade e saúde. En dita presentación participaron o alcalde, os voceiros dos grupos que forman parte do goberno municipal, a concelleira de Promoción Económica, e representantes das asociacións municipais de comerciantes e empresarios. O acto, que estivo amenizado polos músicos Marcos Valcarcel e Yoanny Fonseca, pechouse coa emisión do video promocional `En Ames témolo todo´.
Esta mañá presentouse no salón de plenos da Casa do Concello o programa Ames Emprega e Integra. Trátase dun programa de inserción laboral para colectivos desfavorecidos do concello de Ames que estará cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020 (POPE), financiado polo Fondo Europeo de Desarrollo Regional (FEDER). Dito programa está previsto que se execute ao longo de seis meses, entre xuño e novembro deste ano. As inscricións pódense realizar chamando ao número de teléfono 674 594 843, enviando un correo electrónico ao enderezo ames.integra.emprega@gmail.com ou a través da páxina web de Ames Integra e Emprega. O contrato de xestión e apoio técnico para desenvolver dito programa foi adxudicado á empresa Rafer SL por un importe de 74.572,13 euros (IVE incluído).
Os/as artistas amesás As Maianas, Thais Suki, Sofia Rial e Miguel Torres, do grupo Lume; a Escolanía da Catedral de Santiago; Paco Nogueiras; Picadiscos Marifaltri; e o grupo Broken Peach conforman o cartel das actividades de Ameson Nadal, que organiza a Concellaría de Promoción Económica. O cartel foi presentado esta mañá xunto co evento das Prebadaladas de fin de ano que se celebrarán o 31 de decembro na praza do Concello. Na presentación estiveron o alcalde de Ames, Blas García, a concelleira de Promoción Económica, Ana Paz, o cantante Miguel Torres e a actriz, María Mera que será a encargada de presentar as Prebadaladas. Dadas as actuais circunstancias sanitarias, as persoas que desexen asistir ás Prebadaladas deben retirar os seus convites en www.enterticket.es. Tamén acudiron á rolda de prensa representantes das empresas amesás que organizan estes eventos, Martín González Mirás, o rapaz de Barouta que fixo o cartaz que anuncia as Prebadaladas, e Carmen Cuevas e Lara López, gañadoras do concurso “Canta con Ames” que, xunto con Noelia Bellas, actuarán no acto que dará a benvida ao 2022 en Ames.
Por segundo ano consecutivo o Concello de Ames, as comisións de festas do Milladoiro e da Peregrina e a Xuntanza de Empresarios de Ames colaboran para organizar once días de festexos no cartel “Ames en Festas 2023”, que encadea as festas da Madalena do Milladoiro, do venres 4 ao martes 8, e as festas da Peregrina de Bertamiráns, do mércores 9 ao luns 14 de agosto. As propostas ao longo desta primeira quincena de agosto incluirán actividades para todos os públicos: a semifinal do concurso Canta con Ames, concertos para o público infantil, o concerto dos Heredeiros da Crus, e maila actuación de orquestras como Panorama, Charleston Big Band, Los Coleguitas e Finisterre, entre outras.
Volve por terceiro ano consecutivo o programa “AmesON de verán” con música para todos os gustos e idades durante os meses de xuño, xullo, agosto e setembro. O programa está composto por 13 actuacións musicais dirixidas a adultos e nenos/as. Actuarán o coro Son Elas; o grupo Club Naval; Eva & Camilo; Ruth Cundíns; Habana Café Son; MJ Pérez; Cé Orquestra Pantasma: Marifaltri; Jinetes del Trópico; Tinta; As Maianas; Pili Pampín; e maila orquestra Panorama, que pechará o cartel o domingo, 18 de setembro, no Milladoiro. Os concertos realizaranse no parque do Ameneiral e no Pazo da Peregrina, en Bertamiráns, e na praza de Manuel Murguía, no Milladoiro. Esta iniciativa está organizada pola Concellaría de Promoción Económica para dinamizar o sector comercial durante este verán. Premendo nesta ligazón podes consultar a programación completa.
- ‹ anterior
- 57 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22