- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A orquestra actuará no aparcamento do Supercor, no Milladoiro, ás 21.15 horas. Durante o espectáculo, ao que este ano lle engaden 15 minutos de cancións infantís, actuarán as gañadoras do concurso Canta con Ames. Cada solicitante poderá adquirir un máximo de 3 entradas que xa se poden reservar premendo nesta ligazón. Haberá un aforo de 950 persoas. Non se poderá acceder ao recinto partir das 21.15 horas.
As actividades da programación de Nadal continúan este xoves, 22 de decembro, ás 20:00 horas, na praza da Maía, en Bertamiráns, co espectáculo “Isto é Rock” que forma parte do AmesOn de Nadal. Trátase dun espectáculo familiar sobre a historia do rock con música en vivo baseada no libro infantil “Isto é rock!” de Javier Becerra. No repertorio inclúense temas como “Waterloo” (Abba), “Satisfaction” (The Rolling Stones), “Piece Of My Heart” (Janis Joplin), “Blitzkrieg bop” (Ramones), “Bohemian Rapsody” / “We Will Rock You” (Queen) ou “Highway To Hell” (AC/DC), entre outros. A programación de Nadal ao completo pode consultarse premendo nesta ligazón.
A programación de Nadal en Ames este ano contará coa novidade da celebración dun Mercado de Nadal na praza da Maía para os vindeiros días 19, 20 e 21 de decembro. En total haberá 18 postos; 13 de artesanía e 5 postos de alimentación e produtos da horta. O horario de atención ao público do Mercado de Nadal será o venres de 17.00 a 20.30 horas, e o sábado e domingo, de 10.00 a 14.00h e de 17.00 a 20.30 horas.
Este sábado, 31 de agosto, a pista de deportes da praza de Chavián, en Bertamiráns, acollerá a fase final da primeira edición do concurso “Baila con Ames” a partir das 19:00 horas. Debido á gran calidade das actuacións dos participantes nas dúas categorías do certame, durante a fase de selección o xurado decidiu que todos os/as participantes pasaran á final. Deste xeito, na fase final do concurso competirán 9 participantes na categoría individual ou parella e 9 grupos. Entre os e as gañadoras repartiranse 2.500 euros en premios.
Este sábado, 9 de decembro, ás 18.00 horas, na praza do Concello, en Bertamiráns, está previsto que se celebre o tradicional acto de acendido das luces de Nadal. Actuarán o combo da Escola Municipal de Música de Ames, o coro Voces da Maía e mailo coro Elelas. Ademais, haberá unha degustación gratuíta de chocolate con churros. Un representante do coro Voces da Maía e outro do coro Elelas serán os encargados de premer o botón de acendido do alumeado. As luces de Nadal estarán acendidas en horario de 18.00 a 02.00 horas dende este sábado, 9 de decembro, ata o día 6 de xaneiro (incluído).
O pavillón polideportivo do Milladoiro acolleu a VI Xornada de innovación InnovAmes 2026, un proxecto que cada vez ten maior acollida entre as empresas de Ames e que este ano abriu horizontes ao convidar a compañías doutras localidades galegas. Durante esta xornada tamén asistiron arredor de 500 escolares dos centros educativos de Ames, así como representantes das tres universidades galegas e do centro de coworking A Proa. Destacou a presenza da secretaria xeral de Innovación do Ministerio de Ciencia, Innovación e Universidades, Teresa Riesgo; do delegado do Goberno de España en Galicia, Pedro Blanco; e o delegado especial da Zona Franca de Vigo, David Regades. Preme nesta ligazón para ver a galería de imaxes completa do InnovAmes.
O Concello de Ames e Maker Faire Galicia organizan unha nova edición de Innovames, unha xornada de innovación para as empresas de Ames que terá lugar o 16 de decembro no pavillón polideportivo do Milladoiro e na que se contará coa presenza de grandes referentes da innovación que conviven no propio concello. O obxectivo deste evento é poñer en valor os recursos e a capacidade de innovación local, fomentando a sinerxía e a colaboración entre as empresas e dando a coñecer ao público xeral o capital empresarial de Ames. Para dispor de máis información sobre o InnovAmes pódese consultar a páxina web do evento.
O Concello de Ames, a través da concellaría de Promoción Económica Emprego e Innovación, desenvolverá este venres pola mañá, no pavillón polideportivo do Milladoiro, a sexta edición da xornada InnovAmes, un espazo de innovación e colaboración entre empresas e escolares de Ames. A finalidade deste evento é poñer en valor os recursos e a capacidade de innovación local, fomentando a colaboración entre empresas e dando a coñecer ao público xeral o capital empresarial do concello. Durante toda a xornada participará persoal de arredor de trinta empresas amesás, sete empresas da contorna, nenos e nenas dos centros de ensino de Ames, persoal das empresas que empregan o espazo colaborativo A Proa e representantes das tres universidades galegas.
Este mércores 19 de xaneiro realizouse o sorteo da campaña “Ilumina o teu sorriso”, que volveu por terceiro ano consecutivo co fin de dinamizar e fomentar o comercio e a hostalaría local. O gañador foi o veciño Pablo Tarrío Goy, que recibirá un teléfono de última xeración doado por Rueiro Clínica Dental. Ao acto do sorteo asistiron representantes das asociacións de comerciantes e empresarios de Ames, de Rueiro Clínica Dental e do estudo Javier Troitiño Fotógrafo, acompañados de persoal técnico do departamento de Promoción Económica e da súa concelleira, Ana Belén Paz.
O Concello de Ames organiza unha nova edición do InnovAmes, unha xornada de innovación para as empresas de Ames que se celebrará este venres, 26 de xaneiro, no pavillón polideportivo do Milladoiro e na que estarán presentes diversas compañías que son grandes referentes da innovación, afincados no propio concello. A finalidade deste evento é poñer en valor os recursos e a capacidade de innovación local, fomentando a colaboración entre empresas e dando a coñecer ao público xeral o capital empresarial de Ames. Durante toda a xornada participará persoal de preto dunha decena de empresas amesás, rapaces e rapazas dos centros de ensino de Ames, persoal das empresas que empregan o espazo colaborativo A Proa e representantes das tres universidades galegas. Para máis información sobre o InnovAmes, pódese consultar a programación do evento nesta ligazón.
- ‹ anterior
- 6 de 66
- seguinte ›
Trámites do departamento
Eventos del departamento
A III Feira de San Xoán, organizada pola Xuntanza de Empresarios de Ames, en colaboración co Concello de Ames, volve un ano máis ao parque do Ameneiral con artesanía, música e máis actividades. Será os días 23 e 24 de xuño.
Actividade organizada polo departamento de Promoción Económica do Concello de Ames. Estarán instalados no Parque do Ameneiral, en Bertamiráns. Inchables dirixidos a nenos de 6 a 16 anos.
A empresa amesá Pato Peluqueros, en colaboración con xóvenes promesas e co Concello de Ames, organiza o sábado 1 de xuño un “pop-up” para presentar a nova colección de roupa de verán do deseñador amesán Niko Pato, coñecido artisticamente como Niko Kopa. A xornada desenvolverase no Pazo da Peregrina a partir das 12:00 horas. Os asistentes poderán gozar de descontos especiais no prezo das prendas, recibirán un regalo de benvida e entrarán en diversos sorteos. Ademais, haberá concertos a cargo de artistas noveis de Ames e da súa contorna. Por outra banda, habilitarase unha zona de graffitis.
A empresa amesá Escuela Inventa organiza para este venres, 21 de abril, a vixésimo segunda edición do evento “Lab Class – Más que palabras”, coa colaboración da Concellaría de Promoción Económica de Ames. Un total de nove relatores participarán na sesión, na que compartirán as súas ideas e experiencias. Ademais, realizaranse diversas entrevistas “one to one” a dous membros de Escuela Inventa e ao alcalde de Ames, Blas García. Será na Casa da Cultura do Milladoiro, ás 16:30 horas. A entrada é de balde, e para reservar praza pódese chamar ao número de teléfono 696 936 279, escribir ao enderezo electrónico info@escuelainventa.com ou acceder á páxina web de Escuela Inventa a través desta ligazón.
O Concello de Ames, a través da Concellaría de Promoción Económica, informa de que a Xuntanza de Empresarios de Ames (XEA) organiza unha nova iniciativa para este domingo, 12 de xuño. Trátase do mercado aberto Solesombra, que se celebrará no parque do Ameneiral, en Bertamiráns, en horario de 11.00 a 20.00 horas. Será un mercado no que participarán 12 establecementos comerciais de Bertamiráns e do Milladoiro para dar a coñecer os servizos que ofertan. Haberá música ambiente ao longo de todo o día para amenizar o mercado.
Dentro da programación de Nadal do Concello de Ames organízanse os obradoiros “talleres e xogos do mundo”, nos que se traballará con elementos típicos do Nadal. Deste xeito, os días 28, 29 e 30 de decembro haberá instalados na praza de Manuel Murguía, no Milladoiro, e na praza de Chavián, en Bertamiráns, diversos obradoiros: de creación de xabóns personalizados e naturais, de coroas de Nadal, de calcetíns con motivos navideños, de galletas artesanais, de chuches saudables e de chaveiros.
Dentro da programación de Nadal do Concello de Ames organízanse os obradoiros “talleres e xogos do mundo”, nos que se traballará con elementos típicos do Nadal. Deste xeito, os días 28, 29 e 30 de decembro haberá instalados na praza de Manuel Murguía, no Milladoiro, e na praza de Chavián, en Bertamiráns, diversos obradoiros: de creación de xabóns personalizados e naturais, de coroas de Nadal, de calcetíns con motivos navideños, de galletas artesanais, de chuches saudables e de chaveiros.
Dentro da programación de Nadal do Concello de Ames organízanse os obradoiros “talleres e xogos do mundo”, nos que se traballará con elementos típicos do Nadal. Deste xeito, os días 28, 29 e 30 de decembro haberá instalados na praza de Manuel Murguía, no Milladoiro, e na praza de Chavián, en Bertamiráns, diversos obradoiros: de creación de xabóns personalizados e naturais, de coroas de Nadal, de calcetíns con motivos navideños, de galletas artesanais, de chuches saudables e de chaveiros.
O día 29 de xullo, a partir das 20:00 horas, terá lugar no parque do Ameneiral de Bertamiráns a preselección dos candidatos para o concurso Canta con Ames. Ao certame poderán presentarse cantantes afeccionados/as. Non poden presentarse profesionais da música, aínda que non estean na actualidade en activo. Existen catro categorías: infantil, ata os 12 anos; xuvenil, de 13 a 20 anos; sénior, de 21 a 40 anos; e súper sénior, de 41 en diante.
O día 21 de xullo, a partir das 20:00 horas, terá lugar na praza de Manuel Murguía do Milladoiro a preselección dos candidatos para o concurso Canta con Ames. Ao certame poderán presentarse cantantes afeccionados/as. Non poden presentarse profesionais da música, aínda que non estean na actualidade en activo. Existen catro categorías: infantil, ata os 12 anos; xuvenil, de 13 a 20 anos; sénior, de 21 a 40 anos; e súper sénior, de 41 en diante.
- ‹ anterior
- 6 de 22
- seguinte ›