- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
O Concello de Ames organizou hoxe venres, 16 de decembro, unha nova edición de InnovAmes, unha xornada de innovación para as empresas de Ames que se desenvolveu no pavillón polideportivo do Milladoiro e na que se contou coa presenza de grandes referentes da innovación que conviven no propio concello. O obxectivo deste evento foi poñer en valor os recursos e a capacidade de innovación local, fomentando a sinerxía e a colaboración entre as empresas e dando a coñecer ao público xeral o capital empresarial de Ames. Durante toda a xornada participou o alumnado e profesorado dos centros de ensino amesáns de primaria e secundaria, preto de 20 empresas amesás, coworkers do centro coworking A Proa e representantes das tres universidades galegas. Premendo nesta ligazón podes acceder á galería de imaxes do InnovAmes.
O auditorio da Casa da Cultura do Milladoiro acolleu o pasado xoves, 19 de decembro, a Gala de entrega de premios do X Certame de fotografía comercial do parque empresarial Novo Milladoiro. O acto estivo presentado por Carlos Blanco. Durante a gala proxectáronse as fotografías premiadas durante as nove edicións anteriores, vendo deste xeito, a evolución do parque empresarial e a progresión a través do tempo do propio certame. En representación do Goberno municipal asistiron o alcalde de Ames, Blas García, a concelleira de Promoción Económica, Ana Belén Paz, e o concelleiro de Xestión do Medio Natural, Atención ao Rural e Patrimonio, Javier Antelo. O Flatiron, Gulliver e Chegando co Futuro na Man foron as tres fotografías premiadas.
Este mércores, 23 de setembro, membros do Goberno municipal mantiveron unha xuntanza con 14 comerciantes das rúas Entrerríos e Ameneiral, situadas na localidade de Bertamiráns, despois de que o pasado 15 de setembro a entidade Xuntanza de Empresarios de Ames (XEA) presentase por Rexistro un escrito preguntando polos cortes de tráfico que se levan realizando dende o pasado mes de maio en ditas rúas para favorecer o tránsito peonil. En dita reunión acordouse a apertura do tráfico rodado nesta rúas.
Este pasado luns, 15 de febreiro, o alcalde de Ames, Jose Miñones, a concelleira de Promoción Económica, Ana Belén Paz, e mailo técnico municipal de Emprego e coordinador da EDUSI Impulsa Ames, Juan Carlos Carreja, mantiveron unha xuntanza por vídeo conferencia co vicepresidente segundo da Xunta de Galicia e conselleiro de Economía, Empresa e Innovación, Francisco Conde. Nesta xuntanza falouse fundamentalmente dos novos fondos europeos, como o NextGenerationEU, e o novo marco financeiro plurianual que abarca o período 2021-2027.
O Goberno municipal continúa coa rolda de visitas ás empresas afincadas no termo municipal de Ames que pertencen ao sector do audiovisual. Desta volta, o alcalde de Ames e maila concelleira de Promoción Económica achegáronse ata a rúa da Hedras, no parque empresarial Novo Milladoiro, para coñecer máis de preto as instalacións de Escenoset Espacios Efímeros. Alí foron recibidos por Chicho Rivera, director xeral da empresa. Esta entidade encárgase integramente do proceso de creación e de xestión (montaxe, loxística…) de espazos para eventos culturais, comerciais ou institucionais.
O alcalde, Blas García, e mailo resto de concelleiros e concelleiras do grupo de goberno mantiveron unha xuntanza no espazo colaborativo A Proa coas persoas que desenvolven diferentes proxectos nestas instalacións municipais. O obxectivo de dito encontro foi ter unha primeira toma de contacto para poder colaborar e realizar proxectos comúns a través do banco de horas. No momento no que os/as coworkers realizan a solicitude para ocupar un posto no espazo colaborativo A Proa comprométense a realizar unha serie de horas en beneficio do Concello de Ames e achegar outras horas de traballo para desenvolver proxectos en común co resto de coworkers.
O espazo colaborativo A Proa acolleu esta mañá unha xuntanza entre o Goberno municipal de Ames e unha ampla representación do sector tecnolóxico e audiovisual asentado no concello de Ames. O obxectivo de dito encontro foi ter unha primeira toma de contacto para crear un grupo de traballo e poder colaborar e realizar proxectos de forma conxunta. A previsión é manter unha reunión ao ano para manter contacto entre as distintas empresas e mailo Concello. A dito encontro acudiron 20 profesionais de ditos sectores que valoraron de forma positiva esta iniciativa. O Concello de Ames pertence á Rede de Cidades da Ciencia e a Innovación (Rede Innpulso), que é un proxecto impulsado e cofinanciado polo Ministerio de Ciencia e Innovación.
O Concello de Ames está inmerso nunha rolda de contactos coas empresas do sector audiovisual que contan con sede no concello de Ames. Neste caso o alcalde de Ames, Blas García, a concelleira de Promoción Económica, Ana Belén Paz, e mailo técnico de desenvolvemento local, Juan Carlos Carreja, visitaron a empresa Producciones audiovisuales Setemedia SL, que está situada na rúa das Hedras, no parque empresarial Novo Milladoiro. Trátase dunha entidade que se encarga da produción de concertos, actos culturais, retransmisións deportivas, etc. Agora mesmo están producindo o programa da TVG “Malicia Noticias”.
O alcalde de Ames, Blas García, e maila concelleira de Promoción Económica, Ana Belén Paz, visitaron a empresa Unayta, que está situada na avenida de Rosalía de Catro, no Milladoiro. Trátase dunha consultora tecnolóxica especializada na dixitalización documental e oficina sen papel. Esta empresa leva varios anos traballando co Concello de Ames co obxectivo de dixitalizar a documentación do arquivo municipal. Este traballo estase realizando en varias fases xa que hai que dixitalizar unha gran cantidade de documentación. A visita enmárcase na rolda de contacto que está mantendo o goberno municipal coas empresas relacionadas coas novas tecnoloxías e do sector audiovisual que teñen sede en Ames.
Esta semana o alcalde de Ames, Blas García, a concelleira de Promoción Económica, Ana Belen Paz, o técnico de desenvolvemento local, Juan Carlos Carreja, e mailo responsable da brigada municipal de Obras, Juan Calvo, desprazáronse ata a cidade portuguesa de Porto para visitar a planta de formación que ten a empresa ISQ en dito lugar. Trátase dunha empresa especializada en enerxías renovables, formación e actividades de innovación e I+D. O obxectivo de dita visita foi coñecer como xurdiu a conformación dun espazo adicado especificamente á formación adaptada ás necesidades do persoal da división de produción e instalación, a súa extensión a outras empresas e accións derivadas de formación regrada e o traballo que se realiza nela relacionado co aforro enerxético e enerxías renovables. O Concello de Ames está tratando de poñer en marcha un centro para o impulso e o despregue das enerxías renovables e a eficiencia enerxética.
- ‹ anterior
- 48 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22