[16-11-2018] A Coral Polifónica Antonio Santomil de Bugallido organiza este sábado, coa colaboración do Concello de Ames e da Deputación da Coruña, un concerto na honra de Santa Icía, patroa dos músicos. O acto, que se levará a cabo na Casa da Cultura do Milladoiro ás 19.00h, contará coa actuación da Coral Arumes do Castro de Cerdido, das Pandereteiras da Costaneira e da propia Coral Polifónica Antonio Santomil de Bugallido.

[16-11-2018] O servizo de conciliación Nadal Lúdico desenvolverase tanto no Milladoiro como en Bertamiráns, os días 24, 26, 27, 28 e 31 de decembro e 2, 3, 4 e 7 de xaneiro, en horario de 7:30h a 16:00 horas. O prazo de inscrición permanece hoxe, venres 16 de novembro. Premendo nos enlaces que están a túa dereita, baixo o apartado de descargas, poderás obter o impreso de solicitude e as bases dos lúdicos.

[16-11-2018] O Concello de Ames, a través do departamento de Persoal, fai público o anuncio co resultado da baremación e fixación de datas do exame de oposición do proceso selectivo para a creación dunha bolsa de traballo de mestres/as de saxofón para a Escola Municipal de Música do Concello de Ames (EMMA). Premendo no enlace que está a túa dereita, baixo o apartado de descargas, poderás obter dito anuncio.

[15-11-2018] Un total de 331 alumnos e alumnas dos centros de ensino de Ames puideron gozar esta mañá das primeiras sesións escolares na Casa da Cultura do Milladoiro, coas que arrincou a segunda edición do Cinema Crianza. As proxeccións continuarán mañá venres para outros 298 nenos e nenas antes de que, durante toda a fin de semana, se desenvolva o festival aberto a todo o público, no que se proxectarán un total de 73 pezas audiovisuais.