[14-10-2017] O vindeiro xoves, 19 de outubro, dará comezo o programa de apoio ao emprendemento Vives Emprende, que procura facilitar o acceso ao mundo laboral ás persoas desempregadas en situación de vulnerabilidade, a través da adquisición e mellora de competencias emprendedoras. Organizado polo Concello de Ames, en colaboración coa delegación de Acción contra a Fame de Galicia, o proxecto desenvolverase ata finais de 2017.

[13-10-2017] O departamento de Persoal fai público o anuncio da convocatoria das bases do proceso selectivo para a selección e contratación dunha/dun responsable para a formación dunha brigada de xestión e repoboación forestal, así como a creación dunha bolsa de traballo de responsable de brigadas de xestión e repoboación forestal do Concello de Ames. O prazo de presentación de solicitudes remata o vindeiro 20 de outubro de 2017.

[13-10-2017] Á xuntanza asistiron o alcalde de Ames, José Miñones, e o concelleiro de Urbanismo, Obras Públicas e Servizos Básicos, Blas García. A Xefa do Servizo de Espina y Delfín en Ames, Virginia López, trasladoulles a situación na captación (ETAP) no río Tambre, en Lens, que polo de agora non é alarmante, malia existir un sensible descenso do nivel do río. Na xuntanza, abordáronse medidas a adoptar co obxectivo de combater a escaseza de auga.

[13-10-2017] Esta mañá varios membros do goberno municipal acompañaron ao conselleiro de Sanidade, Jesús Vázquez Almuiña, e ao delegado territorial da Xunta de Galicia na provincia da Coruña, Ovidio Rodeiro, na visita que fixeron á parcela onde se vai a construír o novo centro de saúde do Milladoiro. Nestas obras a Xunta de Galicia investirá 2,7 millóns de euros. Durante a devandita visita presentouse o proxecto, que vén de ser aprobado, e anunciouse a licitación das obras, que hoxe se publica no Diario Oficial de Galicia, a través dunha resolución da Axencia Galega de Infraestruturas. Neste visita tamén participaron varios concelleiros e concelleiras dos grupos municipais do Partido Popular e de Pacto por Ames.