[17-11-2017] O Concello de Ames instalou varios equipamentos térmicos de biomasa, co obxectivo de mellorar a eficiencia enerxética, nos locais sociais de Cruxeiras e da Ameixenda. Esta actuación tivo un custo de 7.370,11 euros. Para desenvolver esta actuación o Concello de Ames acudiu á liña de subvencións convocadas polo Instituto Enerxético de Galicia (Inega), que resolveu a concesión de axudas, para proxectos de equipamentos térmicos de biomasa para o ano 2017. A axuda concedida de 3.875,87 euros está cofinanciada polo Fondo Europeo de Desenvolvemento Rexional, no marco do Programa Operativo Feder Galicia 2014-2020.

[17-11-2017] O Concello de Ames informa sobre a modificación do plan parcial do S-05 (As Cortes-A Condomiña) que permitirá ampliar o CEIP Agro do Muíño para dispor de 6 novas aulas, para grupos de educación primaria, coas que este colexio pasará a ter unha liña más. Estas aulas executaranse nunha parcela que existe ao carón do actual centro. Dita modificación foi presentada este venres, 17 de novembro ante a comunidade educativa do CEIP Agro do Muíño. Unha vez saía publicada no DOGA terá que estar en exposición pública durante un prazo de dous meses. Se supera esa fase sen que haxa alegacións, terá que ser sometida á aprobación do Pleno. Por último, o Concello de Ames terá que asinar un convenio coa Consellería de Educación. A partir de aí será a Xunta de Galicia a que teña que redactar o proxecto e licitar as obras de ampliación. Premendo no enlace que está a túa dereita, baixo o apartado de descargas, poderás consultar o documento que recolle a modificación do plan parcial do S-05.

[16-11-2017] Este mércores, 15 de novembro, celebrouse un pleno extraordinario con marcado carácter económico. Nesta sesión plenaria aprobouse o suplemento de crédito 1/2017 de 40.559,96 euros, para a obra de ampliación do abastecemento de auga en Guimaráns e Quistiláns; a modificación do anexo de investimentos 2/2017 para recoller 13 actuacións que se executarán con cargo á partida orzamentaria de Orzamentos Participativos; e unha transferencia de crédito por valor de 251.407,21 euros para realizar varias obras municipais. Os concelleiros e concelleiras luciron as camisetas da campaña “Ames en Negro”, que se desenvolvera no termo municipal amesá os días 23, 24, 25 e 26 de novembro.

[16-11-2017] Este xoves, 16 de xaneiro, estanse a desenvolver as VII Xornadas Acércate de Igualdade e Prevención da Violencia de Xénero. Organizadas pola Concellaría de Sanidade, Servizos Sociais e Igualdade, as xornadas contaron con dúas conferencias, unha mesa redonda e outra de debate ao longo da mañá. A programación da tarde complétase coa realización de seis obradoiros. As VII Xornadas Acércate están a gozar dun grande éxito de participación.