[15-11-2017] O Concello de Ames participa por segundo ano consecutivo na campaña “En negro contra as violencias”. Esta iniciativa busca poñer na axenda pública, con contundencia e para sempre, a loita para rematar con todos os tipos de violencia contra as mulleres en vésperas do Día Internacional de Eliminación da Violencia Contra as Mulleres. Nesta edición participan 75 concellos galegos e 3.287 establecementos e axentes sociais. “Ames en Negro” é o nome da campaña que se desenvolverá no termo municipal amesá durante os días 23, 24, 25 e 26 de novembro. O obxectivo de tinguir durante estes días o concello de negro.

[14-11-2017] O departamento de Persoal fai pública a resolución de Alcaldía para o nomeamento como funcionaria interina, ata a cobertura de vacante, dunha técnico de Secretaría pertencente a escala de Administración Xeral, subescala técnica, clase superior, subgrupo A1, do Concello de Ames. Premendo no enlace que está a túa dereita, baixo o apartado de descargas, poderás obter a devandita resolución.

[14-11-2017] O departamento de Persoal achega, para a súa publicación, a resolución da Alcaldía para a contratación de dous peóns da brigada de xestión e repoboación forestal do Concello de Ames e para a constitución dunha bolsa de traballo para este tipo de postos.

[14-11-2017] Xa é posible inscribirse no Club de Debate deste curso 2017/2018. O Club de Debate é unha actividade de dinamización lingüística dirixida a mozas e mozos de 3º e 4º da ESO, 1º de Bacharelato e de ciclos formativos. Os equipos que se inscriban teñen que ser mixtos e estar formados por entre 4 e 10 persoas. Haberá premios para os equipos gañadores das fases de zona e un premio final dunha viaxe en grupo. O prazo de inscrición rematará o próximo 30 de novembro. Premendo no enlace que está a túa dereita, baixo o apartado de descargas, poderás atopar a ficha de inscrición de equipos.