Desde este martes, 26 de maio, e ata o luns 8 de xuño, estará aberto o prazo para que novo alumnado presente as súas solicitudes de praza na Escola Municipal de Música de Ames, a EMMA, de cara ao vindeiro curso 2026-2027. A inscrición pode realizarse a través da Sede electrónica do Concello de Ames, ou ben de xeito presencial nos rexistros municipais ou por calquera dos outros medios recollidos no artigo 16.4 da Lei 39/2015. Para entregar a documentación de xeito presencial nos rexistros municipais non é preciso solicitar cita previa. Premendo nesta ligazón pódese descargar o formulario de solicitude de praza. Está previsto que as clases comecen o 14 de setembro. 

O alumnado de violín da Escola Municipal de Música de Ames, a EMMA, celebra o vindeiro martes, 24 de marzo, ás 19.30 horas as súas audicións na aula 10 da escola. Os estudantes deste instrumento mostrarán o aprendido nestes dous trimestres do curso académico a familiares e amizades, co obxectivo de favorecer a confianza, a escoita activa e o respecto polo traballo propio e alleo dos alumnos e alumnas.

O alumnado da Escola Municipal de Música de Ames, a EMMA, celebra durante o vindeiro mes de febreiro catro audicións na aula 10 da escola. Os estudantes de guitarra, batería/percusión, saxofón, canto e frauta mostrarán o aprendido nesta primeira metade de curso a familiares e amizades. As audicións desenvolveranse sempre en horario de tarde os días 4, 9, 10 e 12 de febreiro.

A Escola Municipal de Música de Ames abre un prazo extraordinario de inscrición para que as persoas que estean interesadas poidan inscribirse nas prazas que quedaron libres para o curso 2025-2026. A inscrición poderase realizar a través da Sede electrónica do Concello de Ames, ou ben de xeito presencial nos rexistros municipais.