A unidade móbil de doazón de sangue estará este mércores, 24 de decembro, no Milladoiro, na Travesía do Porto, ao carón do novo centro de saúde. O horario de atención será de 09:30 a 14:30 e de 15:30 a 20:00 horas. A Axencia de Doazón de Órganos e Sangue (ADOS) baixo o lema “Doa sangue, o mellor regalo”, pretende sensibilizar á cidadanía galega da importancia de doar sangue xa que precísanse máis de 400 doazóns diarias nos hospitais galegos. No 2024 o municipio de Ames obtivo 1.501 doazóns cunha taxa que acadou as 46 doazóns por cada 1000 habitantes e ano.

O Concello de Ames vén de celebrar na Casa da Cultura do Milladoiro a FestAmes Diversa 2025, unha iniciativa impulsada pola Concellería de Benestar Social co obxectivo de dar visibilidade aos colectivos diversos e promover unha sociedade máis inclusiva.

A Casa da Cultura do Milladoiro acolleu hoxe unha das actividades programadas polo Concello en conmemoración do Día internacional da eliminación da violencia contra as mulleres, as XV Xornadas Achégate á igualdade, que este ano tiveron como lema Nin mercadoría nin silencio: xornadas contra a trata e a explotación sexual. As xornadas comezaron cunha mesa de apertura institucional na que participaron o alcalde de Ames, Blas García, a concelleira de Educación, Mocidade e Mobilidade, Beatriz Martínez, e a deputada de Política Social da Deputación da Coruña, Mar García. Ditas xornadas estiveron protagonizadas por Mabel Lozano, Silvia Pérez e Llerena Pedrozo, que impartiron distintos obradoiros e faladoiros.

A Concellería de Benestar Social e Igualdade organiza para este venres, 28 de novembro, a décimo quinta edición das Xornadas Achégate á Igualdade, que se desenvolverán na Casa da Cultura do Milladoiro. A xornada, que é gratuíta, conta con 130 persoas inscritas. Ditas xornadas están protagonizadas por Mabel Lozano, Silvia Pérez e Llerena Pedrozo, que impartirán distintos obradoiros e faladoiros. Esta iniciativa está dirixida a profesionais, público xeral, educadores e educadoras, alumnado, docentes, persoal da área da psicoloxía, da orientación, profesionais da administración pública, pais e nais. Premendo neste enlace podes descargar o programa completo das xornadas.