A programación do Ames Cultural rematou a pasada fin de semana do 8 e 9 de maio coa obra ICTUS (anatomía de “A derradeira leición” de Castelao), que foi representada na Casa da Cultura de Bertamiráns. A programación de artes escénicas do Concello de Ames para o primeiro semestre do ano 2026 contou con doce espectáculos de teatro, danza e circo. Todos os espectáculos foron representados por compañías galegas. En dita programación participaron un total de 2.221 espectadores. A maior parte dos espectáculos contaron co aforo completo.

O Concello de Ames acollerá o vindeiro venres, 22 de maio, dende as 10.30 horas, os encontros de sensibilización “Por unha Rede Cultural accesible”, unha iniciativa impulsada por Escena Galega e a Deputación da Coruña que busca compartir coñecementos, practicas e ferramentas coas que facer accesible a Rede Cultural. Estas xornadas están dirixidas tanto ao persoal técnico municipal involucrado na xestión das actividades da Rede Cultural como a outros perfís profesionais.

A programación do Ames Cultural remata esta fin de semana do 8 e 9 de maio coa obra “ICTUS (anatomía de “A derradeira leición” de Castelao)”, ambos días ás 20.30 horas na Casa da Cultura de Bertamiráns. Esta representación do Grupo Chévere forma parte do convenio de colaboración entre a Axencia Galega das Industrias Culturais (AGADIC) e o Concello de Ames. Ao remate da función do venres haberá un coloquio co elenco, dunha duración aproximada de 30 minutos. As entradas están esgotadas, pero no caso de liberárense ocos, estarán dispoñibles na Billeteira electrónica do Concello de Ames. Podes consultar a programación completa do Ames Cultural premendo nesta ligazón.

O pasado xoves 23 de abril finalizou unha nova edición do ciclo Abril de Cine, unha iniciativa enmarcada dentro da programación deseñada polo departamento de Cultura do Concello de Ames e que ten como obxectivo achegar á veciñanza o cinema de actualidade. Este ano proxectáronse “Rondallas”, de Daniel Sánchez Arévalo; “Romería”, de Carla Simón e a aclamada “Sirât”, de Óliver Laxe. A estas tres sesións achegáronse un total de 376 persoas, superando, outro ano máis, as cifras da edición anterior.