O Concello de Ames, a través da Concellaría de Xestión do Medio Natural e Atención ao Rural, informa de que se suspende a actividade “Camiñando ao Solpor”, na que estaba previsto visitar o sábado 23 de agosto os petróglifos de Castelo e da Peneda Negra, ambos os dous situados na área arqueolóxica da Ventosa e pertencentes ao conxunto do Parque Compostela Rupestre. Estes petróglifos son parte de máis dunha vintena de xacementos prehistóricos e protohistóricos repartidos por todo o municipio amesá.

A empresa subministradora Naturgy notificoulle ao Concello de Ames unha interrupción programada do subministro eléctrico durante os días 13 e 14 agosto en varias rúas de Bertamiráns, O Pedregal, Trasmonte, Caroubáns e Loureiros co fin de realizar tarefas de mantemento e desenvolvemento da súa rede eléctrica.

O Concello de Ames procedeu á firma dun convenio de colaboración interadministrativo subscrito entre a Consellaría de Medio rural e as entidades locais para a participación na prevención e defensa contra os incendios forestais durante o ano 2025-26, cofinanciado parcialmente con fondos FEADER no marco do Plan Estratéxico da Política Agraria (PEPAC) 2023/2027. Levarase a cabo a realización de tratamentos silvícolas preventivos nas vías e camiños de titularidade municipal na época estival, que consistirán en actuacións mecanizadas mediante rozas co obxecto de disminuir a carga combustible.

Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.