Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

Naturgy informa dunha avaría na liña de media tensión que afecta, entre outras, a zonas das parroquias de Covas e Ames. Esta incidencia débese á meteoroloxía adversa das últimas horas. Segundo a información facilitada pola compañía subministradora, non se prevé que a avaría poida ser solucionada antes das 15.00 horas do día de hoxe. Dende o Concello de Ames manterase informada á veciñanza de calquera novidade ao respecto.

A Axencia Estatal de Meteoroloxía (AEMET) informa no boletín 45/71GAL emitido o día 22/01/2026 ás 11:42 horas, dun fenómeno meteorolóxico adverso por nevadas nivel amarelo que afectará a partir da tarde do día de hoxe ás zonas de Lugo (montaña), con acumulacións de neve de ata 10 centímetros en cotas por riba de 400 metros, e a Ourense (montaña) con acumulacións de ata 10 centímetros por riba dos 800 metros. Este fenómeno, acompañado de ventisca, estenderase a partir das 00:00 do día 23 ás zonas de A Coruña (interior) con acumulacións de 2 centímetros por enriba dos 400 metros, e a Lugo (centro) e Ourense (Miño, e Valdeorras) con acumulacións de ata 4 centímetros por enriba dos 400 metros.

O Concello de Ames súmase á convocatoria da FEGAMP polas vítimas do accidente ferroviario que tivo lugar onte domingo en Adamuz (Córdoba). Por ese motivo, convócase para hoxe luns, 19 de xaneiro de 2026, un minuto de silencio, ás 12.00 horas, diante da Casa do Concello en Bertamiráns e das Oficinas de Servizos Sociais no Milladoiro.