Premendo nas ligazóns que están ao pé deste aviso pódense obter os menús dos comedores escolares, Bos días cole e Tardes divertidas (almorzos, xantares e merendas). Estes menús foron elaborados pola nutricionista municipal do Concello de Ames.

O Concello de Ames, a través do departamento de Persoal, informa sobre o anuncio publicado no BOP de nomeamento de persoal funcionario de carreira, no posto de policía local, escala básica, categoría de policía local derivada da OPE 2024, de Christian Funcasta López, que deberá tomar posesión no prazo máximo dun mes dende a publicación no BOP do seu nomeamento.

No marco das actividades de dinamización do mercado de produtos da horta e artesanía de Ames, este sábado 17 de outubro, organízase unha nova actividade para descubrir o mundo do mel denominada “Do panal ao tarro”. Deste xeito, comeza a programación de actividades no mercado de horta e artesanía despois dun descanso durante os meses de xullo, agosto e setembro.

Con motivo da convocatoria de eleccións ás Cortes Xerais, que terán lugar o próximo día 29 de novembro de 2026, o Concello de Ames expón ao público, para consulta e presentación de reclamacións, o censo electoral elaborado pola Oficina do Censo Electoral, durante o período de exposición do 12 ao 19 de outubro, ambos inclusive. O servizo de consulta e reclamación realizarase presentando o DNI ou permiso de conducir por parte da persoa interesada.