Premendo nas ligazóns que están ao pé deste aviso pódense obter os menús do Setembro Lúdico (almorzo e xantar). Estes menús foron elaborados pola nutricionista municipal do Concello de Ames.

O Concello de Ames, a través da aula AMTIC, organiza a xornada Día da Tecnoloxía do vindeiro 7 de setembro na que se sucederán obradoiros, conferencias e un espazo aberto para todos os públicos na Casa da Cultura do Milladoiro en horario de 9.00 a 19.00 horas. Pola tarde, celebrarase unha carreira virtual de coches. Trátase dunha xornada de divulgación tecnolóxica, aprendizaxe e diversión. Para participar nos obradoiros será preciso inscribirse na dirección de correo electrónico informatica.milladoiro@gmail.com. Os obradoiros "Crea a túa web con WordPress" e "IA práctica para xente normal" contan aínda con prazas dispoñibles.

Desde o 1 de setembro está aberto o prazo extraordinario para a solicitude das prazas que quedaron libres na Escola Municipal de Música de Ames para o vindeiro curso 2026-2027. Ao ser un período extraordinario, as prazas adxudicaranse por orde de rexistro de entrada. As persoas interesadas terán que facer a solicitude a través da Sede electrónica do Concello de Ames ou ben de xeito presencial nos rexistros municipais.

Tendo en conta as actividades do programa Volta ao cole, organizadas pola Xuntanza de Empresarios de Ames (XEA), que terá lugar no aparcamento público da rúa do Buxo, no núcleo urbano do Milladoiro, o martes 1 de setembro de 2026, prohíbese o estacionamento no aparcamento público da rúa do Buxo no núcleo do Milladoiro, desde as 8:00 horas do día 1 de setembro de 2026 ata as 23:00 horas do día 1 de setembro de 2026.