O Concello de Ames dá conta da comunicación emitida polo Instituto Galego de Estadística na que se informa de que durante as vindeiras semanas se vai a realizar unha operación estatística denominada "Enquisa estrutural de Fogares". Está campaña está dirixida a 9.216 vivendas repartidas por todo o territorio galego, entre as que figuran vivendas do concello de Ames. As visitas realizaranse entre o 18 de maio e o 5 de xullo por persoal enquisador debidamente acreditado para cubrir o cuestionario estatístico. As vivendas seleccionadas recibirán unha carta informándolles previamente da obriga de facilitar ditos datos.