O Día Internacional do Libro, o 23 de abril, foi instaurado pola Unesco en 1988 aproveitando as datas do pasamento de autores tan importantes como William Shakespeare e Miguel de Cervantes. Esta data homenaxea os libros e os e as autoras  e fomenta o acceso á lectura para o maior número posíbel de persoas. Tal e como di a Unesco, o libro representa unha das mellores invencións para compartir ideas e encarna un instrumento eficaz para loitar contra a pobreza e construír a paz.

O Concello de Ames informa de que este luns 13 e o martes 14 de abril, en horario de 7.00h a 9.00 horas, os membros da Agrupación de Protección Civil e mailos axentes da Policía Local e da Garda Civil repartirán mascarillas entre os/as traballadores de servizos non esenciais que este luns se reincorporan aos seus postos de traballo cuxa actividade foi suspendida o pasado 29 de marzo. O reparto farase nas principais vías de saída de Bertamiráns e do Milladoiro, así como na entrada do polígono empresarial do Milladoiro. Tamén se repartirán e dúas paradas de transporte metropolitano do Milladoiro e noutras dúas de Bertamiráns.

O recentemente constituído Comité de Emerxencia Social celebrou a súa primeira xuntanza na que fixo balance sobre a situación actual dos servizos sociais, destacando o incremento de usuarios e necesidades en emerxencia social e as medidas que se están adoptando durante o estado de alarma. Igualmente, acordouse a necesidade de aprobar unha instrución sobre as axudas de emerxencia social e garantía para a renda municipal básica, de forma que se faciliten os trámites necesarios así como a revisión de documentación dun modo áxil. Asemade, falouse sobre a situación dos comedores e dos medios necesarios de carácter tecnolóxico aplicables aos servizos sociais, e da posta en funcionamento dunha liña de teléfono gratuíta para facilitar a comunicación cos usuarios e usuarias.

O Concello de Ames, a través da aplicación Coun-cilbox subministrada por AVA Soluciones tecnológicas, poderá realizar o vin-deiro luns, 13 de abril, as comisións informativas previas ao pleno do 16 de abril, unha sesión plenaria que corresponde co pleno ordinario do mes de marzo, que quedou pendente de celebrar debido ao estado de alarma no que nos atopamos como consecuencia da pandemia do Covid-19. Ademais, a tra-vés desta aplicación poderanse celebrar, se fose necesario, xuntas de goberno local, mesas xerais de negociación, etc.