Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

Blas García é elixido alcalde de Ames cos votos do PSdeG-PSOE, BNG e Contigo Podemos

Este xoves, 8 de abril, celebráronse dous plenos extraordinarios no auditorio da Casa da Cultura do Milladoiro. No primeiro, Santiago Márquez Noya tomou posesión do cargo de concelleiro. Pasa a formar parte do grupo municipal socialista dentro da Corporación municipal. A continuación, Blas García foi elixido alcalde de Ames co apoio dos 13 concelleiros e concelleiras pertencentes aos grupos políticos do PSdeG-PSOE, BNG e Contigo Podemos. Despois de realizar a votación para ditaminar o novo alcalde, o ex-alcalde de Ames e novo delegado do Goberno, Jose Miñones, entregoulle o bastón de mando a Blas García, que amosou o seu compromiso de seguir traballando a diario para dotar de estabilidade ao Concello de Ames, e para tratar de mellorar as infraestruturas e dotar de servizos de calidade á veciñanza de Ames.

Celébranse de forma telemática as comisións informativas previas ao pleno ordinario de abril

O pasado venres, 24 de abril, celebráronse de forma telemática as comisións informativas previas ao pleno ordinario deste mes de abril que se desenvolverá este xoves día 30. En ditas comisións debateuse a resolución da alegación e aprobación definitiva da terceira modificación puntual do Regulamento Orgánico Municipal (ROM); a resolución da alegación e aprobación definitiva da Ordenanza fiscal xeral do Concello de Ames; e mailo expediente de investigación patrimonial dun camiño no lugar do Casaliño.

Chégase a un acordo sobre o texto definitivo da futura ordenanza reguladora da ocupación de dominio público e espazos privados de uso público por terrazas

Este venres, 14 de maio, membros do Goberno municipal de Ames, así como representantes da Xuntanza de Empresarios de Ames (XEA) e da Asociación de Hostalería de Compostela asinan un acordo sobre o texto definitivo da futura ordenanza reguladora da ocupación de dominio público e espazos privados de uso público por terrazas e outros elementos vinculados á actividade comercial e hostaleira con fins non festivos. Dita ordenanza será obxecto de aprobación definitiva no pleno ordinario deste mes de maio. É a primeira vez que en Ames se regula o uso das terrazas.

Convócase para o mércores o pleno de organización da nova Corporación municipal do Concello de Ames

O salón de Plenos da Casa do Concello acollerá este mércores, 28 de xuño, a sesión plenaria extraordinaria de organización da nova Corporación municipal do Concello de Ames. A sesión, que comezará ás 20,30 horas, servirá para determinar, entre outros asuntos, a periodicidade das sesións ordinarias do pleno, das sesións ordinarias da Xunta de Goberno Local, a creación e composición das comisións informativas e permanentes, a dotación de medios en favor dos grupos políticos,  a creación de postos de traballo de persoal eventual e maila asignación de dedicacións exclusivas e parciais. O pleno será emitido en directo a través da canle de YouTube do Concello de Ames.

Deixa de ser necesaria a cita previa para realizar trámites nas oficinas do Concello de Ames

Dende onte, mércores 15 de febreiro, xa non é necesario pedir cita previa para ser atendido nas oficinas do Concello de Ames, e os veciños e veciñas que desexen realizar trámites presenciais nas distintas dependencias son atendidos por orde de chegada. O sistema de cita previa púxose en marcha en agosto do 2020 para cumprir coas medidas sanitarias impostas tras a chegada da pandemia da COVID 19. Para consultar máis información sobre as distintas xestións que se poden realizar e a documentación a presentar nas Oficinas en materia de rexistro e no Padrón municipal pódese acceder á sección de departamentos municipais da web co Concello de Ames.

Desconvócase a sesión extraordinaria do pleno convocada para este xoves 17 de decembro de 2020

Esta mañá acordouse desconvocar a sesión extraordinaria do pleno convocado para este xoves 17 de decembro de 2020, ás 20.30 horas. A sesión convocouse á petición dos concelleiros/as do grupo municipal popular co fin de adoptar medidas económicas e sociais en defensa dos afectados pola COVID-19. A desconvocatoria prodúcese tamén ante a petición dos concelleiros/as do grupo municipal popular para que dito pleno se celebre con idéntica exposición de motivos e orde do día, unha vez completado o correspondente expediente administrativo e emitidos os correspondentes informes preceptivos.

Durante a noite de San Xoán arderán 244 cacharelas no concello de Ames

Achégase a noite máis longa do ano, o 23 de xuño, a véspera de San Xoán. E como manda a tradición esta festividade celébrase saltando as tan típicas cacharelas e comendo a sardiñada que soe acompañar. Este ano concedéronse un total de 244 permisos para realizar cacharelas na noite do 23 de xuño. Está previsto que haxa 228 en parcelas privadas do rural e da zona urbana e 16 en espazos públicos. A separación entre as cacharelas, edificios, árbores, vehículos e mobiliario urbano serán como mínimo de 12 metros, agás no casco urbano. Ademais, as persoas responsables de cada lumieira deberán vixiar o lume ata a total extinción do mesmo e ter a man os teléfonos da Policía Local, Protección Civil e Emerxencias. Preme nesta ligazón para descargar o bando coas normas para realizar cacharelas no San Xoán.

Durante a noite de San Xoán arderán preto de 300 cacharelas no concello de Ames

Achégase a noite máis longa do ano, o 23 de xuño, a véspera de San Xoán. E como manda a tradición esta festividade celébrase saltando as tan típicas cacharelas e comendo a sardiñada que soe acompañar. Este ano concedéronse un total de 271 permisos para realizar cacharelas na noite do 23 de xuño. Está previsto que haxa 249 cacharelas en parcelas privadas e 22 en espazos públicos. A separación entre as cacharelas, edificios, árbores, vehículos e mobiliario urbano serán como mínimo de 12 metros, agás no casco urbano. Ademais, as persoas responsables de cada lumieira deberán vixiar o lume ata a total extinción do mesmo e ter a man os teléfonos da Policía Local, Protección Civil e Emerxencias. Preme nesta ligazón para descargar o bando coas normas para realizar cacharelas no San Xoán.

Este martes ten lugar o pleno de organización da nova corporación municipal do Concello de Ames

O Salón de Plenos da Casa do Concello acollerá este martes, 2 de xullo, a sesión plenaria extraordinaria de organización da nova corporación municipal do Concello de Ames. A sesión, que comezará ás 20,30 horas, servirá para determinar, entre outros asuntos, a periodicidade das sesións ordinarias do pleno, das sesións ordinarias da Xunta de Goberno Local e a creación e composición das comisións informativas e permanentes.

Este martes, 15 de outubro, celébrase unha Xunta de Goberno Local aberta ao público para elixir os membros das mesas electorais para as elección xerais do 10 de novembro

Este martes, 15 de outubro, celebrarase unha sesión extraordinaria da Xunta de Goberno Local, para realizar o sorteo, de xeito aleatorio, das persoas que ocuparán as 35 mesas electorais de Ames nas próximas eleccións ao Congreso dos Deputados e ao Senado, eleccións que terán lugar o domingo, 10 de novembro. Dita Xunta de Goberno Local, que se realizará no salón de plenos da Casa do Concello, será aberta a toda a veciñanza que queira acudir. Un total de 24.041 persoas poderán votar en Ames. O persoal do Concello será o encargado de notificarlle a cada persoa que saía elixida que forma parte dalgunha das mesas electorais.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.