Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

O Pleno aproba destinar 131.465 euros do superávit da liquidación do exercicio 2018 para sufragar a mellora de viarios de Biduído e do Milladoiro e do parque infantil da Condomiña

A Corporación municipal aprobou este xoves no pleno ordinario de novembro o suplemento de crédito 4/2019, a través do cal se destinan 131.465 euros do superávit da liquidación do exercicio 2018, para sufragar a mellora de viarios de Biduído e do Milladoiro e do parque infantil da Condomiña. Tamén se aprobou o suplemento de crédito 5/2019 por valor de 422.056 euros; o suplemento de crédito 6/2019 por valor de 55.832 euros para a segunda fase dos orzamentos participativos; prorrogar polo prazo dun ano o contrato asinado con Urbaser S.A para a xestión da limpeza viaria e do Punto Limpo; o estudo de detalle das parcelas 14, 15, 16 e 17 do Plan Parcial do Polígono industrial do Milladoiro; e unha proposta de Ciudadanos para a creación dunha sección da escola oficial de idiomas en Ames. Ademais, foi rexeitada unha proposta do grupo municipal en defensa das liberdades educativas, concretamente do ensino nos centros educativos concertados.

O Pleno aproba o Código Ético e do Bo Goberno do Concello de Ames

Malia a discrepancia sobre algunhas cuestións relativas ao Código Ético do Concello de Ames e ao expediente de licitación do Servizo de Limpeza integral, propostos para aprobación polo grupo de goberno, todos os temas tratados onte no Pleno ordinario de novembro do Concello de Ames, saíron adiante. Por unanimidade aprobáronse a adhesión ao convenio da Axencia Estatal de Administración Tributaria, a constitución do Consello Sectorial da Persoas Maiores e a aprobación inicial do Regulamento do Consello Sectorial de Educación. Coa abstención das/os edís do grupo popular, saíu adiante a aprobación do Código ético e de Bo Goberno do Concello de Ames. O expediente de licitación do Servizo de Limpeza Integral nas instalacións municipais e nos centros educativos de Ames aprobouse co voto en contra do PP. A moción presentada polo Partido Popular en apoio ao sector lácteo saíu adiante por unanimidade. Denates do comezo da sesión, gardouse un minuto de silencio como símbolo de dó polas vítimas da violencia machista.

O Pleno aproba o convenio do transporte metropolitano que rexerá en Ames durante os vindeiros catro anos

Este mércores, 11 de novembro, celebrouse unha sesión plenaria extraordinaria na que se aprobou por maioría o convenio de colaboración para o desenvolvemento conxunto do transporte metropolitano de Galicia, na área de Santiago de Compostela, na que está incluído o concello de Ames. Tamén se aprobou por unanimidade o proxecto técnico de abastecemento e saneamento nos lugares das Buceleiras e Guimaráns, pertencentes á parroquia de Bugallido.

O Pleno aproba o expediente de licitación do servizo de limpeza viaria e maila ampliación do Servizo de Axuda no Fogar

Este xoves, 25 de marzo, celebrouse a sesión ordinaria do pleno de marzo no que a Corporación municipal aprobou o expediente de licitación do servizo de limpeza viaria e xestión dos puntos limpos. Tamén se aprobou a modificación do contrato do servizo de axuda no fogar (SAF); a aprobación do proxecto modificado para a pavimentación dos accesos ao lugar de Ventosa (POS 2019); a declaración institucional para garantir a máxima transparencia e cumprimento do protocolo de vacinación; e a solicitude de comparecencia do alcalde presentada polo grupo municipal popular. Ademais, aprobouse unha proposta do grupo municipal socialista sobre a demanda dun incremento das achegas da Xunta ao servizo de axuda no fogar, e outra proposta do concelleiro Jose Ramón Oulego de condena dos altercados ocorridos en varias cidades españolas nas manifestacións en favor do rapeiro condenado Pablo Hansel.

O Pleno aproba o expediente para a prestación do servizo de aparcadoiro no Milladoiro e para a contratación do servizo de axuda no fogar

A Corporación municipal aprobou por unanimidade a quinta modificación do plan estratéxico de subvencións 2023-2025, a participación no plan POS+ Adicional 1/2025 para gastos sociais extraordinarios do exercicio 2025, a aprobación inicial do regulamento de funcionamento do espazo de traballo colaborativo Coworking A Proa, a aprobación da liquidación final do contrato de concesión para a xestión do servizo público do ciclo integral da auga do Concello de Ames asinado con Espina & Delfín SL, a aprobación do expediente de licitación do servizo de axuda no fogar, e maila aprobación do recoñecemento extraxudicial de crédito 2/2024. Tamén se aprobou por maioría absoluta o inicio do expediente para a prestación do servizo público de aparcadoiro baixo tarifas na localidade do Milladoiro. Ademais, aprobáronse a resolución de alegacións e aprobación definitiva da décimo segunda modificación da relación de postos de traballo do Concello de Ames, e maila a modificación do cadro de persoal anexo ao orzamento xeral do Concello de Ames do 2024, como consecuencia de dita modificación. Podes ver a gravación do pleno na canle de Youtube do Concello de Ames.

O Pleno aproba o novo estudo de viabilidade para a construción do complexo deportivo do Milladoiro

A Corporación municipal aprobou por unanimidade a fixación dos festivos locais para o ano 2025; a concesión da medalla do Concello de Ames 2024 á Borja Golán Santín; a solicitude de participación na segunda fase do POS+ Adicional 2/2024; e a aprobación da modificación da base número 50 do orzamento municipal de 2024 relativa a subvencións nominativas. Tamén se aprobou a cuarta prórroga da concesión administrativa da xestión e mantemento do Centro deportivo municipal A Telleira; e a concesión de obra para a construción da instalación deportiva municipal de O Milladoiro e explotación do conxunto deportivo que conformará a obra xunto a instalación municipal A Telleira de Bertamiráns. Ademais, aprobouse unha moción de urxencia sobre a modificación da ordenanza reguladora da taxa pola prestación dos servizos complementarios educativos e de conciliación. Por último, foron debatidas tres mocións. Dúas foron presentadas polo grupo municipal do BNG: unha para crear o Consello de participación e transparencia; e outra sobre a xestión real e efectiva das colonias felinas no rural de Ames. Estas dúas mocións foron rexeitadas. A terceira moción do grupo municipal popular, que foi aprobada, tratou sobre as medidas a adoptar polo Concello de Ames e a Xunta de Galicia na loita contra o munifundismo no municipio amesán. Podes ver a gravación do pleno na canle de Youtube do Concello de Ames.

O Pleno aproba o Plan económico financeiro 2025-2026 e a cesión de seis parcelas para a construción de vivenda de protección oficial no Milladoiro

Hoxe venres, 19 de decembro, celebrouse un pleno extraordinario no que se aprobou o Plan económico-financeiro do Concello de Ames para o período 2025-2026, o recoñecemento extraxudicial de crédito 3/2025 por importe de 61.259,60 euros, a actualización puntual do inventario municipal e maila cesión de seis parcelas á Sociedade de Vivenda Pública de Galicia, S.A. (VIPUGAL), para a construción de nova vivenda de protección oficial no Milladoiro. Podes ver a gravación do pleno na canle de Youtube do Concello de Ames.

O Pleno aproba o plan estratéxico de subvencións 2026-2027

A Corporación municipal aprobou por unanimidade a adhesión á rede de entidades locais gandeiro cárnicas dependentes da FEMP e mailo convenio de colaboración para presentar de xeito agrupado con Brión unha solicitude de subvención para realizar un proxecto común para o desenvolvemento de proxectos de prevención de condutas aditivas. Tamén se aprobou por maioría absoluta o plan estratéxico de subvencións 2026-2027. Ademais aprobáronse dúas mocións do BNG para a recuperación e sinalización do trazado histórico alternativo do camiño de Santiago a Fisterra entre o Alto do Vento e o núcleo de Ventosa, e para a creación e regulación dun recargo no imposto de bens inmobles (IBI) para vivendas desocupadas con carácter permanente; e unha proposta do grupo municipal do Partido Popular solicitando unha actuación inmediata e definitiva na piscina descuberta de O Milladoiro ante anos de abandono, improvisación e mala xestión. Premendo nesta ligazón podes ver a gravación do pleno.

O Pleno aproba o plan estratéxico de subvencións do Concello de Ames para o período 2020-2022

Onte 27 de febreiro celebrouse o pleno ordinario do mes de febreiro no que a Corporación municipal aprobou o plan de subvencións do Concello de Ames para o período 2020-2022. Tamén se prestou aprobación á constitución da asociación do camiño Fisterra e Muxía; ao convenio coa Deputación provincial da Coruña para colaborar na inspección do IAE; á revogación do convenio de colaboración para o uso compartido da sede electrónica da Deputación; e á inadmisión do recurso de reposición fronte ao acordo plenario de aprobación definitiva da modificación da ordenanza fiscal reguladora do IBI. Ademais, aprobouse de xeito provisional os regulamentos de réxime interior das escolas infantís A Madalena e O Bosque, unha proposta presentada polo concelleiro de Ciudadanos sobre o estado da estrada AC-453 entre Tapia e Portomouro, e unha moción do grupo socialista sobre o Plan Marco da Xunta de Galicia para a mellora de camiños rurais.

O Pleno aproba o plan provincial principal e complementario de obras que inclúe 27 proxectos para executar no rural e nos núcleos urbanos

O Pleno aprobou por maioría absoluta este mércores, 4 de febreiro, a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2026” da Deputación provincial da Coruña. O Concello de Ames vai destinar 1.148.543,37 euros para sufragar seis obras incluídas no POS principal e 400.000 euros para o financiamento de gasto corrente. Ademais, dentro do plan complementario inclúense 21 proxectos. Algúns deste proxectos poderanse executar en función do remanente que se lle asigne ao Concello de Ames a través de plans adicionais. Tamén se aprobou a participación no POS+ Adicional 3/2026, dotado con 273.272,36 euros, para a redución da débeda coa Deputación pola utilización do préstamo provincial nos Plans 2015 a 2023. Podes ver a gravación do pleno na canle de Youtube do Concello de Ames.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.