- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A Xuntanza de Empresarios de Ames, en colaboración do Concello de Ames e a Xunta de Galicia, organizan a Festa do Comercio 2026 que se vai a realizar o 13 de maio en Bertamiráns e O Milladoiro. Nesta terceira edición haberá pipocas de millo polas rúas, talleres, concursos e concertos co obxectivo de dinamizar as rúas e animar a veciñanza a mercar no comercio local de Ames. A través desta ligazón podes consultar todos os establecementos asociados a XEA.
A programación “Nadal con Ames na Rúa” continúa a pesar das recentes cancelacións por mor da situación epidemiolóxica, cunha das súas actividades chave. Papá Noel visitará nas próximas xornadas os núcleos urbanos de Ames, O Milladoiro e Bertamiráns, co fin de escoitar as peticións da rapazada, coñecela e fotografarse con eles e elas. O xoves 23 de decembro será a quenda da Biblioteca Municipal do Milladoiro, mentres que o venres 24 Papá Noel desprazarase ao auditorio da Casa da Cultura de Bertamiráns. En ambas localidades, as visitas realizaranse de 11:00 a 14:00 horas e de 16:00 a 19:00 horas, respectando a orde de chegada e a distancia de seguridade interpersoal.
O mundo Disney aterra en Ames a vindeira semana con motivo das festas de Nadal. Dentro da programación do Concello para estas datas, terán lugar diversos pasarrúas de personaxes Disney durante o luns 26, en Bertamiráns, e o martes 27, no Milladoiro. Os personaxes tamén pasarán polas carpas instaladas nas prazas da Maía e de Manuel Murguía para saudar e para que a rapazada poida sacar fotografías con eles nos fotomatóns que estarán dispoñibles. En caso de choiva só se realizarán as visitas nas carpas.
A pesares dos efectos da pandemia da COVID19, o número de parados descendeu en Ames por terceiro mes consecutivo. Un total de 2066 persoas demandaron emprego no mes de xullo deste ano, 77 menos que no mes anterior. O desemprego afecta máis ás mulleres que aos homes e ás persoas maiores de 40 anos. O sector servizos, con 1864 persoas desempregadas, é o máis castigado. Emporiso, o número actual de parados é similar ao do mes de xaneiro de 2018, malia o aumento da poboación nestes dous últimos anos, e notablemente inferior aos consignados na crise do 2008.
Mañá, 11 de agosto, o parque do Ameneiral, en Bertamiráns, acollerá a fase final do concurso “Canta con Ames” a partir das 19:00 horas. O certame, que vai pola súa cuarta edición, “estase a converter nun fenómeno seguido por xente de todas as idades”, afirma a concelleira de Promoción Económica, Ana Belén Paz. Así mesmo, a concelleira destaca que nesta edición se superaron todas as barreiras: “ o nivel é moi alto e non vai ser sinxelo escoller aos gañadores”. O evento retransmitirase en directo a través dos perfís de Facebook e Instagram do Concello de Ames.
O pasado venres, 21 de xullo, comezou unha nova edición do concurso Canta con Ames coa primeira xornada de preselección. A segunda xornada de preselección realizarase este sábado, 29 de xullo, ás 20.00 horas, no parque do Ameneiral, en Bertamiráns. Nesta edición participan 24 persoas de Ames e doutros concellos como Santiago de Compostela, Vigo e Arteixo. Nesta segunda xornada de preselección daranse a coñecer os/as 20 participantes que pasan á semifinal do 4 de agosto, que se vai celebrar na praza de Manuel Murguía, no Milladoiro. O xurado do concurso está composto por Inés Suárez, Noelia Bellas e Lara López, mentres que a presentadora será Loly Gómez.
O Pazo da Peregrina acolle este mércores a presentación do anteproxecto do mercado municipal de Ames
O Concello de Ames, a través da Concellaría de Promoción Económica, informa que este mércores, 1 de marzo, realizarase o acto de presentación do anteproxecto do mercado municipal de Ames. Dito acto terá lugar ás 20.30 horas no Pazo da Peregrina de Bertamiráns, e nel participarán o alcalde de Ames, Blas García, a concelleira de Promoción Económica, Ana Belén Paz, e mailo redactor do anteproxecto, Jorge Duarte Vázquez, da empresa Atrio Arquitectura e Urbanismo. A través desta actuación preténdese rehabilitar a Casa de Barbazán, en Bertamiráns, para albergar unha praza de abastos. Ao mesmo tempo crearase un espazo cuberto específico para crear un mercado dos produtores locais e dos seus produtos de proximidade. Tamén está previsto ordenar o espazo exterior, no que na actualidade está situado o aparcadoiro da Telleira, poder acoller actividades de mercado ao aire libre ou outro tipo de eventos.
Este venres, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e de concienciación, que está dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
A empresa amesá Pato Peluqueros, en colaboración con xóvenes promesas e co Concello de Ames, organiza este sábado un “pop-up” para presentar a nova colección de roupa de verán do deseñador amesán Niko Pato, coñecido artisticamente como Niko Kopa. A xornada desenvolverase no Pazo da Peregrina a partir das 12:00 horas. Os asistentes poderán gozar de descontos especiais no prezo das prendas, recibirán un regalo de benvida e entrarán en diversos sorteos. Ademais, haberá concertos a cargo de artistas noveis de Ames e da súa contorna. Por outra banda, habilitarase unha zona de graffitis.
O Concello de Ames, desde o departamento de Promoción Económica e Educación, abre a convocatoria para participar na Cabalgata de Reis deste ano, para que as nenas e nenos do concello poidan acompañar aos Reis Magos nas carrozas o día da cabalgata. O período de inscrición estará aberto desde o luns 16 de decembro ata o vindeiro domingo día 22 de decembro. A capacidade de cada carroza é de 14 rapaces, sendo as prazas ofertadas un total de 84. Poderán participar menores en idades comprendidas entre 6 e 12 anos, empadroados en Ames e que non participaran en cabalgatas anteriores. No caso de que non haxa rapaces suficientes para algunha das cabalgatas, poderase propoñer a cobertura con nenos e nenas que non teñan as preferencias solicitadas. Podes consultar as bases completas de inscrición na seguinte ligazón.
- ‹ anterior
- 50 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22