- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A Concellaría de Promoción Económica reforza a campaña para fomentar o comercio de proximidade denominada “Comercio de Ames. Témolo todo!” Nesta ocasión púxose en marcha unha campaña publicitaria no transporte público. Deste xeito, o lema de dita campaña pódese ver ata o 19 de marzo de 2021 no autobús número 3.270 que realiza a liña entre Santiago e O Milladoiro. Esta mesma campaña xa se realizou nunha liña de transporte urbano de Bertamiráns.
O espazo colaborativo A Proa conta na actualidade con 31 postos ocupados dos 36 existentes. Cada coworker pode facer uso das instalacións da Proa durante un período de dous anos. Algunhas das persoas que empregan ditas instalacións están chegando ao final do período de uso, polo que o Concello está estudando opcións para ofrecerlles outras instalacións onde poidan continuar a súa actividade laboral. Ademais, estase traballando na elaboración do novo regulamento de funcionamento do espazo colaborativo A Proa, polo que se vai abrir un período para que os/as coworkers que así o desexen poidan presentar propostas de mellora.
Ante o clima de incerteza xerado pola situación económica actual, en plena crise da Covid-19, e coa incógnita de saber o alcance final e a repercusión que terá en cada sector, o Concello de Ames vén de contratar unha asistencia técnica que permita realizar unha análise previa da situación real no municipio e das medidas a implantar, de cara a establecer un plan de choque co obxectivo de reactivar a economía local no menor tempo posible. O parón na actividade económica, a abundante normativa que se está producindo e os problemas de liquidez a curto prazo, están xerando unha gran incerteza nas empresas, autónomos e traballadores. Ante este escenario, o Concello de Ames prepara respostas locais co obxectivo de establecer medidas complementarias ás medidas legais e económicas adoptadas polos gobernos central e autonómico.
Até o día 13 de xuño está aberto o prazo para participar no Concurso de karaoke “Canta con Ames” que, co obxectivo de dinamizar o sector comercial, organiza a concellaría de Promoción Económica en colaboración coas Asociacións de empresarios e comerciantes XEA, Palmira Bulevard e Parque empresarial do Milladoiro. Propóñense catro categorías: infantil, xuvenil, sénior e súper sénior. As persoas que desexen participar teñen que enviar un vídeo con audio en formato mp4 , sen base vocal orixinal, de non máis dun 1 minuto á amesnarua@gmail.com. Podes consultar aquí as bases do concurso. E aquí podes descargar a ficha de inscrición do concurso.
O Concello de Ames, a través da Concellaría de Promoción Económica e Emprego, creou a Guía de Empresas de Ames, un proxecto que ten o obxectivo de ofrecer a empresarios e usuarios amesáns unha base de datos das empresas e do comercio local. Baixo o slogan “Localizar unha empresa en Ames agora é fácil” a Administración local achega o comercio local e hostalaría á veciñanza mediante esta plataforma dixital, que permite localizar empresas, comercios e locais de hostalería de maneira sinxela dende a rede. A dito aplicativo pódese acceder a través dun dos banners que están na cabeceira da web municipal e no apartado Atención cidadá, información e participación.
O Concello de Ames, a través da Concellaría de Promoción Económica, presentou hoxe a primeira edición do concurso de decoración de Samaín. Tratase dunha nova iniciativa que se pon en marcha por primeira vez para fomentar o comercio local de Ames nunha das noites de maior consumo de todo o ano xunto coa de fin de ano. Repartiranse 2.000 euros en premios: 1.000 euros para o primeiro, 600 para o segundo e 400 para o terceiro. A decoración deberá estar exposta como mínimo dende o luns 28 de outubro ata o domingo 3 e novembro. As inscricións poderán tramitarse dende o día seguinte á publicación das bases no BOP. O último día de presentación de solicitudes será o 20 de outubro. O motivo e decoración dos escaparates terán como tema principal a festa do Samaín.
Logo do peche decretado para a hostalaría, a consecuencia da nova normativa de loita contra a COVID-19, o concello de Ames, a través da concellaría de Promoción Económica, vén de poñer en marcha unha iniciativa de apoio ao sector hostalaría de Ames consistente na elaboración dunha listaxe na que aparecerán todos os establecementos hostaleiros que o desexen e que ofrezan durante este período servizo de recollida no local ou reparto a domicilio. As cafeterías, bares e restaurantes que desexen aparecer nesta listaxe poden enviar un correo ao enderezo electrónico promocioneconomica@concellodeames.gal. Para obter máis información sobre esta iniciativa pódese chamar ao número de teléfono 662 09 99 44.
O Concello de Ames, a través da Concellaría de Promoción Económica, está xa inmerso na organización da segunda edición do concurso Canta con Ames. A presentación do certame realizarase este venres, 6 de maio, no auditorio da Casa da Cultura do Milladoiro, ás 18.00 horas. O acto será conducido pola xornalista Loli Gómez, e contará coa actuación das tres gañadoras da edición de 2021: Noelia Bellas, de Bugallido; Lara López, de Negreira; e Carmen Cuevas, do Milladoiro. A entrada para asistir á presentación do certame é libre e gratuíta ata completar aforo.
Dende o Concello de Ames infórmase que estará prohibido aparcar desde as 08.00 horas do día 3 ata as 08.00 horas do día 4 de setembro, tanto no aparcadoiro coma na Rúa Agro do Medio, a cal pechará a circulación ás 15:00 horas. Este corte de tráfico non lle afecta aos garaxes da rúa da Cruxa, aos garaxes do número 10 – 12- 14 da rúa Agro do Medio, ao garaxe do número 8 da rúa Agro da Madalena nin aos garaxes da rúa Agro da Vella. Os peóns poderán acceder ás vivendas ou aos negocios.
Porta a porta. O concello de Ames, a través da concellaría de Promoción Económica, informará persoalmente ao sector comercial sobre a campaña merca@ames que subvenciona as compras no comercio local. A iniciativa ten como obxectivo dar a coñecer os beneficios da campaña e o xeito e as condicións para adherirse a esta acción coa que se pretende valorizar e incentivar as compras en Ames. Até o día 31 de xaneiro está aberto o prazo para que se inscriban os negocios que o desexen. Poden facelo todos aqueles que estean radicados no concello, agás os hipermercados ou supermercados pertencentes a grandes cadeas, as estacións de servizo, os estancos, as farmacias e as salas de xogos e apostas. O concello desenvolve esta campaña en colaboración coas tres asociacións de empresarios e comerciantes do Concello. Porén, calquera comercio, aínda que non pertenza a algunha das asociacións, pode adherirse á campaña.
- ‹ anterior
- 44 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22