- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
O Concello de Ames contará dende o sábado 20 de setembro co seu propio mercado de produtos da horta e artesanía. Este novo mercado celebrarase na praza da Maía, en Bertamiráns, todos os sábados en horario de 10.00 a 13.30 horas. Inicialmente vai contar con 11 postos de produtos frescos e artesanía, pero o prazo para solicitar un espazo neste novo mercado mantense aberto. Está previsto que durante as próximas semanas se sumen novos postos ao mercado. Ademais de postos de venda haberá cata de produtos, obradoiros de artesanía e cociña e sorteo de produtos. Este sábado haberá unha degustación de froita de tempada e o sábado 27 farase unha demostración de cociña a cargo do chef José Manuel Mallón. Esta iniciativa, enmarcada dentro do Plan de Acción da Axenda Urbana de Ames, pretende fomentar o consumo de produtos de proximidade, dinamizando a economía e a produción local.
O alcalde de Ames, Blas García, presenta o espazo de traballo colaborativo este mércores 10 de novembro, ás 11:00 horas. Situada á entrada do parque empresarial Novo Milladoiro, “A Proa” recibiu un forte investimento do Concello de Ames. Asistirán á inauguración Valentín González Formoso, presidente da Deputación da Coruña; Ana Belén Paz, concelleira de Promoción Económica, e José Miñones, ex-alcalde de Ames.
O Concello de Ames instalou unha pantalla na entrada da Casa do Concello, outra na Casa de Cultura de Bertamiráns e unha terceira na Casa da Cultura do Milladoiro. Estas luminarias informan aos veciños e veciñas de Ames sobre avisos, programación e demais información relevante relacionada co Concello. Ademais, pretende dar difusión ao comercio local e aos programas de dinamización que impulsen dende a promoción económica.
O Concello de Ames acolleu esta mañá, no salón de plenos da Casa do Concello, a presentación da final do Burguer Showdown, na que participarán dous establecementos hostaleiros de Bertamiráns, o Petiscos Gastrobar e Malasogra. Esta competición, organizada polo influencer Joe Burguer, determina a mellor hamburguesa de Galicia mediante o formato 1vs1. Cada persoa poderá comprar un tícket por 24,90€, que lle dará dereito a probar as dúas hamburguesas: “A alcaldesa”, do Petiscos, e “K.O.” do Malasogra. Haberá opción sen glute nas dúas hamburguesas. Ademais, ambos establecementos participaron na sexta edición do Campionato de España de Hamburguesas.
O Concello de Ames presentou está mañá a Gran Festa de Reis, que se celebrará os días 3, 4, e 5 de xaneiro de 2026. Os núcleos urbanos de Bertamiráns e O Milladoiro terán recepción real para os nenos e nenas, cabalgata e posterior Gran Festa de Reis con chocolate e rosca nos pavillóns municipais. As parroquias tamén poderán desfrutar dos Reis Magos o día 5 de xaneiro pola mañá. Ao acto de presentación asistiron o alcalde, Blas García; a concelleira de Promoción Económica, Ana Belén Paz; a concelleira de Educación e Mocidade, Beatriz Martínez; a concelleira de Benestar Social e Voluntariado, Uxía García; o director do centro ocupacional da Asociación Fonte da Virxe, Lois Pose Santos; e Francisco Hermo e Manuel Fraga, usuarios de dito centro.
A Casa do Concello, en Bertamiráns, acolleu esta mañá a presentación da nova edición do concurso “Ilumina o teu sorriso”, organizado un ano máis pola Xuntanza de Empresarios de Ames (XEA) coa colaboración da Concellaría de Promoción Económica e o estudo de deseño gráfico e imaxe de marca La Rayela, xunto coa campaña “Davide dá a badalada” que se estrea este Nadal e repartirá 2.000 euros entre as persoas que merquen nos negocios da XEA. Ambas iniciativas nacen co propósito de fomentar e promover o comercio local en Ames. As persoas interesadas en participar no concurso de fotografía deberán realizar dúas fotos nas localizacións con decoración de Nadal en Ames: as prazas do Concello e a Maía en Bertamiráns, ou a Praza da Madalena e o aparcamento do Supercor no Milladoiro. Os premios son un vale de 250 euros, outro de 150€ ou un de 100€ para gastar nos comercios asociados á XEA.
Animación de rúa e propostas para a rapazada que axuden a conciliar o tempo das compras da familia son os eixos sobre os que se desenvolverán as actividades que a Concellaría de Promoción Económica ten previsto realizar o venres e o sábado en Milladoiro e en Bertamiráns. Obradoiros de bolas e decoración de bandeirolas nas Casas de Cultura de Bertamiráns e Milladoiro, bicicletas e coches a pedais na praza de Manuel Murguía e no parque de Chavián, e batucada coa "Percudería" no mercado de Bertamiráns compoñen o programa de actividades.
As Súas Maxestades Melchor, Gaspar e Baltasar anunciaron ao Concello de Ames que visitarán as vilas do Milladoiro e Bertamiráns o martes 4 e o mércores 5 de xaneiro. Co fin de que poidan recibir a todas as nenas, nenos e maiores que se queiran achegar a velos respectando as medidas sanitarias, o Concello habilitará os pavillóns polideportivos de ambos núcleos. Para acceder, cada unidade familiar debe solicitar cita previa a través da sede electrónica do Concello, dende hoxe ás 12:00 horas. A rapazada que non poida asistir ás Recepcións Reais por mor dun confinamento por coronavirus poderá solicitar que os Reis lles envíen un pequeno agasallo aos seus domicilios, deixando os seus datos persoais no enderezo electrónico promocioneconomica@concellodeames.gal.
O Concello de Ames, xunto coa Unión de Consumidores de Galicia (UCGAL), presentou na mañá de hoxe o informe sobre os datos de consumo nas oficinas municipais nesta materia no pasado ano. Deste xeito, as oficinas da UCGAL situadas nas localidades de Bertamiráns e do Milladoiro recibiron ao longo de todo 2024 un total de 425 consultas, producíndose a maior parte no primeiro semestre do ano e no sector financeiro. A oficina da UCGAL do Milladoiro, localizada na Rúa Viorneira, ofrece atención os martes en horario de 10.00 a 14.00 e de 16.30 a 20.30, mentres que a de Bertamiráns, situada no Pazo da Peregrina, está aberta os xoves, co mesmo horario de atención. O teléfono para poñerse en contacto coas oficinas da UCGAL no noso concello é o 662 130 312.
O pasado 5 de xuño tivo lugar unha sesión institucional da Red Innpulso, onde se presentou, reflexionou e debateu sobre o borrador do Manifesto impulsado pola Co-presidencia da Red. Como resultado desta xornada, recolléronse unha serie de comentarios e achegas por parte das cidades que foron incorporadas á Rede, dando lugar ao manifesto “Polo impulso e promoción das políticas públicas de innovación como ferramentas crave para paliar os efectos da Covid-19 nas cidades”.
- ‹ anterior
- 16 de 66
- seguinte ›
Trámites do departamento
Eventos del departamento
Obradoiro destinado a razaces e rapazas de máis de 14 anos que terá lugar na carpa da Praza de Manuel Murguía do Milladoiro. As prazas son limitadas polo que é necesario inscribirse enviando un correo a promocioneconomica@concellodeames.gal. O prazo para facelo remata o 26 de decembro.
O obradoiro, destinado para rapazada de máis de 14 anos, desenvolverase na carpa da Praza de Chavián en Bertamiráns.
As prazas son limitadas polo que se require inscrición enviando un correo a promocioneconomica@concellodeames.gal, dispoñible ata o 18 de decembro.
Obradoiro destinado a un público adulto, que se desenvolverá na carpa da Praza de Manuel Murguía no Milladoiro. As prazas son limitadas polo que se require inscrición enviando un correo a promocioneconomica@concellodeames.gal, dispoñible ata o 18 de decembro.
O obradoiro, destinado a nenos e nenas de entre 7 e 12 anos, desenvolverase na carpa da Praza de Manuel Murguía do Milladoiro. A inscrición realizarase enviando un correo a promocioneconomica@concellodeames.gal, dispoñible ata o 18 de decembro.
O obradoiro terá lugar na carpa da Praza de Chavián, en Bertamiráns. É unha actividade destinada a todos os públicos. Para inscribirse na actividade é necesario enviar un correo electrónico a promocioneconomica@concellodeames.gal, dispoñible do 2 ao 18 de decembro.
O obradoiro de galletas para adultos celebrarase no local Dos Pasos, en Bertamiráns, de 17:00 a 19:00 horas. Para asistir a estas actividades, débese inscribirse previamente cubrindo este impreso para que os adultos fagan a inscrición. Tamén se pode solicitar enviando un correo electrónico a promocioneconomica@concellodeames.gal.
Entre o 16 e o 22 de setembro, os diferentes espazos de traballo que integran a Rede Provincial de Coworking da Deputación da Coruña, acollerán o evento Rede Coworking Fest, unha semana dedicada a promover a innovación, a colaboración e a cultura emprendedora a través dunha ampla variedade de actividades culturais e formativas. No espazo colaborativo A Proa, situado no parque empresarial do Milladoiro, vanse organizar dúas actividades: un encontro de emprendemento feminino o mércores 18 de setembro; e un obradoiro de mentalidade e vendas o 19 de setembro. Preme nesta ligazón para consultar a programación completa e inscríbete nas actividades.
En Bertamiráns está destinado a un público adulto, e desenvolverse pola mañá na carpa da Praza de Chavián. Mentres que no Milladoiro está destinado a un público infantil de 5 a 12 anos e desenvolverase pola tarde na carpa da Praza de Manuel Murguía.
O obradoiro, desenvolverase na carpa da Praza de Chavián de Bertamiráns pola mañá. Este está destinado a un público infantil, de 5 a 14 anos.
Mentres que pola tarde, o obradoiro desenvolverase na carpa da Praza de Manuel Murguía do Milladoiro, e está destinado a un público adulto.
O obradoiro, destinado a nenos e nenas de entre 5 a 14 anos, desenvolverase na carpa da Praza de Manuel Murguía no Milladoiro. As prazas son limitadas, polo que é necesario inscribirse enviando un correo a promocioneconomica@concellodeames.gal.
- ‹ anterior
- 16 de 22
- seguinte ›