Pestanas principais

Departamento de Mobilidade

Servizos e programas

Campaña informativa “A 30 Ames é máis”
O Concello de Ames, a través da Concellaría de Mobilidade vén de lanzar a campaña informativa sobre a redución da velocidade no interior dos núcleos urbanos de Bertamiráns e do Milladoiro. Baixo o lema “A 30 Ames é máis” preténdese que o concello sexa máis amable, máis divertido, máis saudable e máis noso... Trátase dunha campaña de sensibilización sobre a importancia da velocidade a 30 km/h no interior das zonas urbanas de Ames. Para difundir dita campaña entre a veciñanza elaboráronse carteis, folletos informativos e unhas chapas con refráns e mensaxes motivadoras.
Plan de Mobilidade Urbana Sostible do Concello de Ames
O PMUS pretende sentar as bases dunha nova cultura onde o peón se converta no principal protagonista e se relegue o uso do transporte privado. Este plan concrétase en doce programas de actuación que se van desenvolver entre o 2022 e o 2029. O Plan de Mobilidade Urbana Sostible está cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020.

Novas do departamento

O Concello de Ames corta o tráfico en varias rúas de Bertamiráns e do Milladoiro durante a tarde do sábado e a xornada do domingo para favorecer a mobilidade das persoas

O Concello de Ames, a través da Concellaría de Mobilidade, informa de que dende hoxe sábado, ás 16:00 horas, ata mañá domingo, ás 23:00 horas, cortase o tráfico (agás a entrada a garaxes) de varias rúas de Bertamiráns e do Milladoiro, para favorecer a mobilidade das persoas e poder manter así as distancias de seguridade.

O Concello de Ames envíalle á Dirección Xeral de Mobilidade catro propostas para volver a prestar o servizo de transporte á veciñanza de Ortoño, Bugallido e Biduído

O Goberno municipal do Concello de Ames envioulle este mércores, 24 de febreiro, á Dirección Xeral de Mobilidade da Xunta de Galicia, un novo escrito no que se lle dá traslado de catro posibles propostas para volver a prestar o servizo de transporte metropolitano á veciñanza de Ortoño, Bugallido e Buduído. Ditas propostas foron acordadas previamente nunha xuntanza mantida coas asociacións de veciños/as de Ortoño, Bugallido e Biduído. A primeira proposta trátase da modificación da ruta correspondente á liña XG80722 de Extramundi a Santiago. A segunda proposta é a modificación da liña XG80408 de Casalonga 2 a Santiago e da liña XG80722 de Extramundi a Santiago. A terceira proposta é establecer un novo servizo directo a Ortoño (vía convenio ou licitación), mentres que a cuarta proposta recolle un servizo temporal co transporte urbano de Santiago previo compromiso da Xunta. Preme nesta ligazón para ver as catro proposta de xeito completo.

O Concello de Ames está máis preto do Plan de Mobilidade Urbana Sostible

O borrador do Plan de Mobilidade Urbana Sostible do Concello de Ames foi entregado o venres pola empresa encargada da súa redacción. O texto recolle a análise e o diagnóstico da situación actual de Ames no ámbito da mobilidade. A veciñanza pode consultar o contido deste borrador ata o 9 de agosto a través da web pmusames.gal ou premendo na seguinte ligazón.

O Concello de Ames impulsa a iniciativa “Rodeiros Brancos” para concienciar á veciñanza sobre a seguridade viaria

A Concellaría de Mobilidade presentou esta mañá unha nova iniciativa denominada “Rodeiros Brancos”, que se desenvolverá con motivo do día da Seguridade Viaria que se conmemora o 10 de xuño. Baixo o lema “Respecto na rúa, convivencia segura!” vanse organizar dous percorridos pola rúa nos que os/as participantes terán que ir vestidos/as de branco e cunha luz-linterna branca na cabeza, utilizando un método de mobilidade sostible. Preténdese reivindicar a utilización de medios de mobilidade sostible. En Bertamiráns, o 10 de xuño, ás 22.00h, farase unha saída nocturna en bicicleta de 8 quilómetros, mentres que no Milladoiro, o 17 de xuño, ás 22.00 horas, farase un rodeiro curto de 1.730 metros en bicicleta, monopatín, patíns ou patinete. Para participar nestas actividades é necesario inscribirse previamente enviando un correo electrónico ao enderezo mobilidade@concellodeames.gal. Os/as nenos/as deberán estar acompañados/as dunha persoa adulta.

O Concello de Ames informa de que a liña de transporte metropolitano entre Santiago e Ortoño deixará de ser prestada desde hoxe

No día de hoxe, 23 de decembro de 2020, entrarán en vigor as novas liñas de transporte metropolitano que foron licitadas ao longo deste ano 2020. As novas adxudicacións levarán cambios significativos nos horarios e frecuencias, moitas delas a solicitude do Concello, tales como a posta en funcionamento de novas frecuencias a primeira e última hora do día, a ampliación da conectividade do parque empresarial do Milladoiro ou a posta en marcha do noite bus ou de novas frecuencias nos fins de semana.

O Concello de Ames mantén durante todo o verán o corte de tráfico en varias rúas do Milladoiro e Bertamiráns para favorecer a mobilidade peonil

O Concello de Ames, a través da Concellaría de Mobilidade, informa de que se mantén durante todo o verán o corte de tráfico en varias rúas do Milladoiro e Bertamiráns para favorecer a mobilidade das persoas e poder manter así as distancias de seguridade. Esta medida, coa que se pretende que a veciñanza de Ames merque no comercio miúdo local, desenvolverase como se viña facendo ata o de agora; dende as 16:00 horas dos sábados ata as 23:00 horas dos domingo. Nas rúas que se corta o tráfico, os vehículos poderán igualmente entrar e saír dos garaxes. Esta medida está previsto que se desenvolva ata o mes de setembro.

O Concello de Ames mantén unha xuntanza coa Dirección Xeral de Mobilidade para tratar de que se volva a prestar o servizo de transporte metropolitano á veciñanza das parroquias de Ortoño, Bugallido e Biduído

Este xoves, 15 de abril, o alcalde de Ames, Blas García, a concelleira de Mobilidade, Beatriz Martínez, e mailo concelleiro do Rural e Participación Veciñal, Santiago Márquez, mantiveron unha xuntanza telemática co director xeral de Mobilidade, Ignacio Maestro. A dita xuntanza tamén asistiron representantes das asociacións veciñais. En dita reunión deuse conta de que a Consellería de Mobilidade está a realizar os estudos oportunos para dotar de transporte metropolitano ás parroquias de Ortoño, Bugallido e Biduído, en base ás propostas trasladadas desde o Concello o pasado mes de febreiro. A opción que se está a estudar é a que máis lles gustaba aos representantes das asociacións veciñais e ao Concello, que é a de variar o percorrida da liña de Extramundi e incrementar as frecuencias.

O Concello de Ames presenta a "V Semana Europea da Mobilidade"

O Concello de Ames vai celebrar por quinta vez consecutiva a Semana Europea da Mobilidade, que neste 2023 será celebrada do 16 ao 22 de setembro, cunha serie de actividades a prol da mobilidade activa, do transporte público e doutros medios limpos e intelixentes. Deste xeito, o programa inclúe andainas, xogos, coloquios, mostras e marchas ciclistas ao longo da semana. Este ano o lema será “Combina e móvete!” e a temática será a eficiencia enerxética.

O Concello de Ames presenta a “VI Semana Europea da Mobilidade”

O Concello de Ames vai celebrar por sexto ano consecutiva a Semana Europea da Mobilidade, que neste 2024 se desenvolverá no municipio do 20 ao 22 de setembro, cunha serie de actividades a prol da mobilidade activa, do transporte público e doutros medios limpos e intelixentes. Deste xeito, o programa inclúe unha andaina, xogos, música e unha marcha ciclista. A temática escollida pola Comisión Europea para este ano é “Espazo Público Compartido”, que convida a decidir colectivamente como compartir o espazo público e a movernos de forma segura e cómoda nun entorno agradable, especialmente peóns e ciclistas.

O Concello de Ames presenta unha proposta para a mellora da mobilidade e seguridade viaria no parque empresarial do Milladoiro

O Concello de Ames, a través da Concellaría de Mobilidade, vén de presentarlle unha proposta á Asociación de empresarios do parque empresarial do Milladoiro e a todas as empresas de dito polígono, para mellorar a mobilidade e seguridade viaria dentro do parque empresarial. Considérase necesario favorecer o tránsito das persoas, deixando polo menos unha beirarrúa libre, sen ningún tipo de barreira arquitectónica, que permita unha circulación peonil segura. Ademais, estase a traballar na creación de novas bolsas de aparcamento no propio parque empresarial e que se sumen ás habilitadas nos anos anteriores na contorna do campo de fútbol do Milladoiro.

Eventos del departamento

>Marcha Ciclista nocturna

Amarcha nocturna sairá ás 22:00 horas da Praza do Concello. Serán 8 km con boa iluminación e un traxecto sinxelo pensado para que poida participar toda a familia. É necesario inscribirse previamente enviando un correo electrónico ao enderezo mobilidade@concellodeames.gal.

>Parkourpark móbil e obradoiro

Desenvolverase na Praza de Chavián en Bertamiráns  e é unha actividade destinada aos rapaces e rapazas de máis de 10 anos.

>VI Marcha Ciclista Nocturna

Dentro da "Semana Europea da Mobilidade", o Concello de Ames organiza o venres 20 de setembro a VI Marcha Ciclista Nocturna. Farase un percorrido con boa iluminación e fácil percorrido, pensado para que nela poida participar toda a familia. A marcha sairá da Praza do Concello, en Bertamiráns.

>Xogos en Bici

O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.