Pestanas principais

Departamento de Bibliotecas

    • Biblioteca Municipal de Bertamiráns: Praza de Chavián s/n. 15220. Bertamiráns, Ames
    • Biblioteca Municipal do Milladoiro: Rúa Raxoeira, nº 14 baixo. 15895. O Milladoiro, Ames
    • Horario de atención ao público:
      • Inverno: (16 de setembro a 15 de xuño)
      • De Luns a Venres: de 9.00 a 20.50h.
      • Sábados: de 9.00 a 13.50h.
      • Verán: (16 de xuño a 15 de setembro)
      • De Luns a Venres: de 9.00 a 14.00h.
    • Responsable municipal: Concellaría de Cultura
Outros Datos: 
  • Programación actividades bilbiotecas outubro-decembro 2020
  • Funcións:
    • Reunir, organizar e pór a disposición da comunidade un conxunto equilibrado de materiais bibliográficos, gráficos, audiovisuais ou noutros soportes, que permitan o acceso á información e a afondar nos distintos campos do coñecemento.
    • Ser en si mesma o centro básico de información da área á que serve.
    • Promover, estimular e fomentar o uso dos seus fondos entre a cidadanía, mediante os servizos necesarios e as actividades educativas e culturais complementarias, incidindo na poboación infantil e xuvenil e nos colectivos de usuarios/as con características especiais.
    • Cooperar coas demais bibliotecas mediante o intercambio de información, préstamo interbibliotecario e realización conxunta de actividades.
  • Normativa:

-Regulamento da Biblioteca Municipal de Ames

  • Lei de Bibliotecas de Galicia:

-Descargar PDF.

  • Documentos:

-Catálogo da Biblioteca.

-Guía da Biblioteca.

-Inscrición na biblioteca.

  • Centros de interese:

-Descargar PDF.

  • Seccións por idades:

-Descargar PDF.

  • Desideratas:

-Descargar PDF.

 

Novas do departamento

O departamento de Bibliotecas do Concello de Ames ten programadas dúas actividades para a conmemoración do Día de Rosalía. A primeira delas, un xardín poético no que están participando todas as persoas que o desexen cos seus versos a Rosalía en ambas as dúas bibliotecas. Mentres que a segunda, é un coloquio sobre a vixencia da obra de Rosalía na actualidade, da man de Dolores Vilavedra e Daniel Asorey, que terá lugar o xoves 27 de febreiro, ás 20.00 horas, na Biblioteca do Milladoiro.

Con motivo da celebración o próximo xoves 24 de outubro do Día da Biblioteca, o departamento municipal de Bibliotecas do Concello de Ames inicia unha programación especial con actividades que fomentan a lectura e o uso destas instalacións municipais. Haberá visitas guiadas polas bibliotecas, contacontos para os máis pequenos, premio a “superlectores/as” ou recomendacións de libros.

As bibliotecas municipais, que permanecerán pechadas ao público ata o 17 de febreiro, seguen a organizar unha serie de sesións de contacontos infantís na rede todos os mércores. Baixo o título de “Dixicontos”, os usuarios e usuarias poderán acceder a esta actividade a través da páxina de Facebook da biblioteca. Este mércores, 10 de febreiro, pódese ver o conto: A xoaniña rosmona. Ademais, dende este martes 9 de febreiro as animadoras á lectura comezarán a festexar o Entroido propoñendo recursos, información, xogos, pasatempos, cancións... baixo a etiqueta #entroidoteca2021.

As bibliotecas municipais seguen a organizar unha serie de sesións de contacontos infantís na rede todos os mércores. Baixo o título de “Dixicontos”, os usuarios e usuarias poderán acceder a esta actividade a través da páxina de Facebook da biblioteca. Este mércores, 5 de maio, pódese ver o conto “Coco y la luna “, de Emilio Urberuaga.

Dentro da programación das Letras Galegas 2021, as Bibliotecas municipais de Ames organizaron dous obradoiros, dirixidos a nenas e nenos de 3º a 6º de primaria, e o espectáculo de narración oral “Arredor de Xela”, orientado á rapazada a partir dos 5 anos. Para participar no obradoiro de narración oral débense retirar os convites na billeteira electrónica. Para asistir aos obradoiros, é preciso inscribirse previamente nas bibliotecas de Bertamiráns e do Milladoiro, chamando aos números de teléfono 981 884 829 / 981 530 807 ou enviando un correo a biblioteca@concellodeames.gal

As bibliotecas municipais de Ames programan novas sesións de contacontos para os próximos meses. En total, levaranse a cabo nove contacontos ata o vindeiro mes de maio. Estes, serán por partida dobre, cunha sesión de cada conto en cada unha das bibliotecas municipais: Bertamiráns e O Milladoiro. Estas actividades comezan esta mesma semana: os días 5 e 6 de febreiro coa temática de Contos para rir.

O Concello de Ames realiza ao longo do ano unha ampla programación de actividades a través das Bibliotecas Municipais do Milladoiro e Bertamiráns. Esta programación ten como obxectivo animar á  lectura a nenos e maiores e fidelizar novos usuarios e usuarias. A pedra angular desta programación son os contacontos dirixidos ao público infantil. Cunha periodicidade mensual achéganlle a nenos de entre 3 e 8 anos novos títulos e os clásicos que sempre triunfan. Ademais, dende as bibliotecas realizan obradoiros e actividades dirixidas ao público adulto. Na programación deste ano destacou, ademais, a presentación de dez novos títulos da literatura galega.

As bibliotecas municipais de Ames continúan coa programación de actividades para este mes de outubro. Esta semana haberá dúas sesións de contacontos para nenos e nenas de 3 a 8 anos. Así,  o mércores 16 na biblioteca de Bertamiráns, e o xoves 17 na biblioteca do Milladoiro, os nenos e nenas poderán desfrutar dos Contos que veñen e van, con historias tradicionais e actuais onde as voces e os xestos de Pavís Pavós son os elementos principais para transmitilas. A sesións comezarán ás 17:30 horas. Esta mesma semana tamén se desenvolverá o obradoiro creativo: Constrúe o teu propio superheroe ou superheroína.

A Biblioteca Municipal de Bertamiráns e a Biblioteca Municipal do Milladoiro xa están preparadas para a nova normalidade. Así, a partir de mañá, mércores 1 de xullo, reactívanse os servizos habituais como a consulta, lectura e estudo en sala, ou o préstamo e devolución de obras, pero cunha serie de normas como o aforo limitado ou o uso obrigatorio de máscara. Todo isto, en horario para ambas bibliotecas municipais de 9.00 a 14.00 horas da mañá.

Refuxiarse na lectura, acceder a xogos en familia, descubrir recursos e actividades relacionados co teatro, a arte ou o cine, gozar de sesións de contacontos… Son moitas as actividades que, desde as bibliotecas municipais de Ames, se seguen a ofrecer durante estes días de estado de alarma. Co fin de manter o contacto coa comunidade de usuarios e usuarias das bibliotecas durante o confinamento, desde as bibliotecas municipais séguese a traballar desde a súa páxina de Facebook. A través deste perfil, podemos atopar diariamente recomendacións literarias, recursos dixitais de interese para as familias ou a difusión de inicitaivas que naceron co motivo do confinamento.

Eventos del departamento

“Vexo-vexo, que ves?” é a proposta de maio de narrativa oral das bibliotecas de Ames para as crianzas de 3 a 8 anos. A actividade contará con tres sesións de contacontos, tanto no Milladoiro como en Bertamiráns, sempre ás 17:30 horas. No Milladoiro a actividade desenvolverase os días 4, 5 e 6 de maio, mentres que en Bertamiráns terá lugar os días 18, 19 e 20.

“Historias que non son o que parecen” é  a proposta da animación á lectura infantil de marzo das bibliotecas de Ames. A sesión de contacontos, orientada á rapazada dos 3 aos 8 anos, fará tres paradas en cada unha das dúas bibliotecas do concello. No Milladoiro estará os días 8, 9 e 10 de marzo, mentres que en Bertamiráns parará os días 22, 23 e 24, sempre a partir das 17:30 horas.

“1 ovelliña, 2 ovelliñas, 3 ovelliñas...” é a primeira proposta do ano de narrativa oral das bibliotecas de Ames. A sesión de contacontos, orientada á rapazada dos 3 aos 8 anos, fará tres paradas en cada unha das dúas bibliotecas do concello. No Milladoiro estará os días 8, 9 e 10 de febreiro, mentres que en Bertamiráns parará os días 22, 23 e 24, sempre a partir das 17:30 horas.

Continúan no mes do libro as actividades de animación á lectura para a rapazada de 3º a 6º de primaria. Nesta ocasión, terá lugar un “escape room” literario, na que os nenos e nenas terán que abrir todos os cadeados agochados nas bibliotecas. Os talleres desenvolveranse no Milladoiro o venres 22 de abril, ás 17:30 horas, mentres que en Bertamiráns a sesión será o sábado 23 ás 11:30 horas.

Continúan no mes do libro as actividades de animación á lectura para a rapazada de 3º a 6º de primaria. Nesta ocasión, terá lugar un “escape room” literario, na que os nenos e nenas terán que abrir todos os cadeados agochados nas bibliotecas. Os talleres desenvolveranse no Milladoiro o venres 22 de abril, ás 17:30 horas, mentres que en Bertamiráns a sesión será o sábado 23 ás 11:30 horas.

Obradoiro creativo para nenos e nenas de 3º a 6º de primaria que se impartirá na Biblioteca de Bertamiráns ás 11.00 horas. O número de prazas é de 15 previa inscrición do 4 ao 18 de novembro, a través do enderezo electrónico biblioteca@concellodeames.gal, de maneira presencial na biblioteca ou a través do teléfono 881 884 829.

Contacontos destinado a todos os públicos que terá lugar na Biblioteca de Bertamiráns. A actividade forma parte de "Boomerang. Espectáculos artístico musicais dende a universidade á comunidade", recoñecido como proxecto e innovación educativa en Aprendizaxe-Servizo (ApS) pola USC. Para inscribirse é necesario enviar un correo a biblioteca@concellodeames.gal.

A vixencia da obra e da persoa de Rosalía de Castro na actualidade, con Dolores Vilavedra e Daniel Asorey. A charla terá lugar na Biblioteca do Milladoiro, ás 20.00 horas.

Este venres, 18 de outubro, desenvólvese un obradoiro creativo para nenos e nenas de 3º e 6º de Primaria na biblioteca do Milladoiro.

Este sábado, 19 de outubro, desenvólvese un obradoiro creativo para nenos e nenas de 3º e 6º de Primaria na biblioteca de Bertamiráns.