Axenda

Ex., 16-07-2019
Sábado, 15 de xuño de 2019

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xoves, 13 de xuño de 2019

Este xoves, a partir das 17.30 horas, celebrase unha nova andaina saudable con saída e chegada ao centro de saúde do Milladoiro. Esta actividade, ao igual que o resto de andainas encadradas dentro do programa, trátase dunha ruta de dificultade media–baixa, que terá unha duración aproximada dunha hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, ditas andainas terán lugar en ambas localidades en semanas alternas.

Venres, 07 de xuño de 2019

O venres, 7 de xuño, ás 21.00 horas, o grupo municipal de teatro de Ames estrea, na Casa da Cultura do Milladoiro, a obra Criaturas, de Roberto Vidal Bolaño. A peza, dirixida por María Ordóñez, é unha comedia ácida que nos fará plantexarnos quen é máis criatura, se Frankenstein ou a xente coa que se atopa. As entradas, que son de balde, están dispoñibles na billeteira electrónica municipal. Ademais, as persoas interesadas en acudir á función poden tentar conseguir a súa entrada, de xeito presencial na Casa da Cultura do Milladoiro, desde unha hora antes do comezo do espectáculo. A peza está dirixida a un público adulto.

Xoves, 06 de xuño de 2019

Este xoves, a partir das 17.30 horas, celebrase unha nova andaina saudable con saída e chegada ao centro de saúde de Bertamiráns. Esta actividade, ao igual que o resto de andainas encadradas dentro do programa, trátase dunha ruta de dificultade media–baixa, que terá unha duración aproximada dunha hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, ditas andainas terán lugar en ambas localidades en semanas alternas.

Venres, 31 de maio de 2019

A celebración das Letras Galegas en Ames chega ao seu fin este venres, 31 de maio, na Casa da Cultura de Bertamiráns co show Canta, miña pedra, canta. Un espectáculo musical con elementos teatrais e de participación activa durante o que Xoán Curiel porá música a algunhas das cantigas recollidas por Antón Fraguas na súa obra compilación “Cantigueiro de Cotobade”, ademais da interpretación de varias cancións propias inspiradas na obra e vida do autor pontevedrés. Charo Pita, pola súa banda, enriquecerá a actuación cunha mostra de distintos contos populares galegos, extraídos do libro O fillo do rei e outros contos populares galegos, co obxectivo de achegarlle aos rapaces este ámbito da cultura galaica. O espectáculo, dirixido a un público infantil e familiar, será de entrada libre e gratuíta ata completar aforo.

Mércores, 29 de maio de 2019

A Concellaría de Servizos Sociais e Igualdade de Ames organiza este mércores, ás 18.00 horas, na Casa da Cultura de Bertamiráns, un novo taller dirixido ás mulleres amesás que estará centrado na xestión de conflitos. Este taller enmárcase dentro dun programa de obradoiros de competencias socioemocionais enfocados no empoderamento feminino, para a adquisición de capacidades e habilidades socioemocionais que favorezan o seu crecemento persoal. Para participar nas actividades deste ciclo non é necesaria inscrición previa.

Xoves, 23 de maio de 2019

A Concellaría de Servizos Sociais e Igualdade de Ames organiza este xoves, ás 17.00 horas, no Pazo da peregrina, en Bertamiráns, un novo taller dirixido ás mulleres amesás que estará centrado no coaching e a toma de decisións. Este taller enmárcase dentro dun programa de obradoiros de competencias socioemocionais enfocados no empoderamento feminino, para a adquisición de capacidades e habilidades socioemocionais que favorezan o seu crecemento persoal. Para participar nas actividades deste ciclo non é necesaria inscrición previa.

Xoves, 23 de maio de 2019

Este xoves, a partir das 17.30 horas, celebrase unha nova andaina saudable con saída e chegada ao centro de saúde de Bertamiráns. Esta actividade, ao igual que o resto de andainas encadradas dentro do programa, trátase dunha ruta de dificultade media–baixa, que terá unha duración aproximada dunha hora ou hora e media. Organizadas pola Concellaría de Sanidade de Ames e os centros de saúde de Bertamiráns e Milladoiro, ditas andainas terán lugar en ambas localidades en semanas alternas.

mércores, 22 de Maio de 2019 a xoves, 23 de Maio de 2019

Sesión de contacontos gratuíta na biblioteca de Bertamiráns para nenos e nenas de tres a oito anos.

Xoves, 16 de maio de 2019

O 17 de maio, terá lugar a conmemoración do Día das Letras Galegas que este ano está dedicado ao autor Antón Fraguas. O Concello de Ames celebra a efeméride cun acto festivo o xoves 16, no que se entregan os premios do XVI Certame Literario Concello de Ames e do Certame Artístico-Literario Intercentros. O acto ten lugar na Casa da Cultura do Milladoiro, ás 20:00 horas.