Por oitavo ano consecutivo, o Concello de Ames acollerá a Semana Europea da Mobilidade, unha iniciativa que busca a mobilidade urbana sostible nas cidades e vilas europeas. O programa dará comezo o vindeiro venres, 25 de setembro, coa xa tradicional marcha ciclista nocturna, que dará comezo a partir das 21.30 horas.

Nos meses de setembro, outubro, novembro e decembro as familias poderán gozar dun feixe de actividades lúdicas e participativas que lles achegarán recursos para unha crianza positiva, natural e creativa. Neste programa inclúense propostas do departamento de Normalización Lingüística e dos departamentos de Cultura e Bibliotecas. O programa comeza o mércores, 2 de setembro, na Carballeira dos Trasnos de Ventín, coas “Brincadeiras miúdas”, de Miudiño e Cé Orquestra Pantasma.

O Concello de Ames, en colaboración coa Xunta de Galicia e o Xacobeo 2027, celebrará o vindeiro 1 de outubro o Día do Maior co espectáculo humorístico “Aínda estamos de festa!”, dirixido polos cómicos Pepo Suevos e Dani Dopazo. A Casa da Cultura do Milladoiro, a partir das 19.00 horas, será a sede dun show para gozar, recordar e rir xuntos. O espectáculo, que está producido por GRUPADO, reúne música, humor e boas lembranzas. A entrada é de balde ata completar aforo. Trátase da primeira actividade deste curso 2026-2027 do programa de envellecemento activo Amessán.

O outono chega cunha ampla programación cultural a Ames, dirixida para todos os públicos. Ao longo dos vindeiros meses de outubro, novembro e decembro, a veciñanza poderá gozar de diferentes propostas de teatro, danza, cine ou música que se desenvolverán nas localidades de Bertamiráns e no Milladoiro.