[15-11-2017] Xa non quedan prazas dispoñibles, en ningunha das sesións, para o obradoiro "Prende no Colo, que será impartido polo músico Luis Prego, o vindeiro 24 de novembro. Neste obradoiro, practicaranse diferentes cantigas, cantos de berce, xogos de dedos e recitados. Do mesmo xeito, iniciarase ás crianzas no ritmo e na melodía. Dirixido a familias con nenas e nenos, entre os 0 e os 3 anos, o obradoiro desenvolverase na Casa da Cultura do Milladoiro, en dúas sesións: unha ás 18:00 horas e outra ás 19:00h.