Actualidade

Ex., 25-06-2025
Ex., 25-06-2025
Luns, 13 de novembro de 2017
Aberto o prazo de inscrición para o obradoiro Prende no Colo de xogos, recitados e cancións infantís dirixido polo músico Luis Prego

[13-11-2017] O vindeiro 24 de novembro, o programa Apego acollerá un novo obradoiro, esta vez da man do recoñecido músico Luís Prego. No obradoiro Prende no colo, as familias e as crianzas aprenderán e practicarán diferentes cantigas, cantos de berce, xogos de dedos e recitados, ademais de iniciárense no ritmo e na melodía. Dirixido a familias con nenas e nenos entre os 0 e os 3 anos, o obradoiro contará con dúas sesións: unha ás 18:00 horas e outra ás 19:00h. Ambas as dúas celebraranse na Casa da Cultura do Milladoiro. Para participar, é preciso inscribirse a través do enderezo de correo electrónico normalizacion@concellodeames.gal, indicando o nome, apelidos e idade das persoas asistentes, un teléfono de contacto e a sesión escollida. O prazo de inscrición remata o próximo 23 de novembro.

Luns, 13 de novembro de 2017
A Policía Local de Ames fai balance das súas actuacións durante o mes de outubro

[13-11-2017] A detección de persoas circulando polas estradas baixo os efectos do alcohol volveu centrar as actuacións da Policía Local de Ames. O roubo dunha motocicleta e máis de gasóleo, así como o incumprimento dunha orde de afastamento foron outras das actuacións abordadas pola Policía Local do concello, no mes de outubro. O día 22, data na que se celebrou a Carreira Pedestre Popular de Ames, a Policía Local despregou un importante dispositivo con medidas especiais de seguridade, para o control e regulación do tráfico e para a asistencia ás persoas participantes.

Luns, 13 de novembro de 2017
Anuncio co resultado final do proceso selectivo para a selección e contratación de dous postos de peón e a creación dunha bolsa de traballo de peóns das brigadas de xestión e repoboación do Concello de Ames

[13-11-2017] O departamento de Persoal achega, para a súa publicación, o anuncio co resultado final do proceso selectivo para a selección, e contratación, de dous postos de peóns e a creación dunha bolsa de traballo de peóns das brigadas de xestión e repoboación, do Concello de Ames.

Luns, 13 de novembro de 2017
Abre o prazo de inscrición para os cursos de inglés básico e de nivel intermedio

[13-11-2017] A Concellaría de Mocidade organiza unha nova edición dos cursos de inglés. Este ano como novidade impartiranse dous cursos formativos de distinto nivel: un curso básico (correspondente cos niveis A1/A2) e un curso intermedio PET (equivalente co nivel B1). O prazo de inscrición estará aberto do 13 ao 20 de novembro. As prazas son limitadas ata un máximo de 30 (15 para Bertamiráns e 15 para Milladoiro). O curso terá un custe de 158 euros (suxeito a bonificacións e exencións). Os cursos, dirixido a persoas de 16 anos en diante, empadroadas no concello de Ames e con coñecementos mínimos de inglés (ESO/BUP ou equivalente), celebrarase de novembro a xuño nas casas da cultura de Bertamiráns e do Milladoiro. Premendo no enlace que está a túa dereita, baixo o apartado de descargas, poderás obter as bases e o impreso de inscrición para participar no curso de inglés.

Luns, 13 de novembro de 2017
Anuncio co resultado final do proceso selectivo para a selección e contratación dun responsable e a creación dunha bolsa de traballo de responsable das brigadas de xestión e repoboación do Concello de Ames

[13-11-2017] O departamento de Persoal achega, para a súa publicación, o anuncio co resultado final do proceso selectivo para a selección e contratación dun responsable e a creación dunha bolsa de traballo de responsable das brigadas de xestión e repoboación do Concello de Ames.

Luns, 13 de novembro de 2017
Abre o prazo de inscrición para os cursos de inglés básico e de nivel intermedio

[13-11-2017] A Concellaría de Mocidade organiza unha nova edición dos cursos de inglés. Este ano como novidade impartiranse dous cursos formativos de distinto nivel: un curso básico (correspondente cos niveis A1/A2) e un curso intermedio PET (equivalente co nivel B1). O prazo de inscrición estará aberto do 13 ao 20 de novembro. As prazas son limitadas ata un máximo de 30 (15 para Bertamiráns e 15 para Milladoiro). O curso terá un custe de 158 euros (suxeito a bonificacións e exencións). Os cursos, dirixido a persoas de 16 anos en diante, empadroadas no concello de Ames e con coñecementos mínimos de inglés (ESO/BUP ou equivalente), celebrarase de novembro a xuño nas casas da cultura de Bertamiráns e do Milladoiro. Premendo no enlace que está a túa dereita, baixo o apartado de descargas, poderás obter as bases e o impreso de inscrición para participar no curso de inglés.

Luns, 13 de novembro de 2017
Proxecto técnico de arranxo da urbanización do PM5-03 situada no Milladoiro

[13-11-2017] O goberno municipal presentou no local social de JUPEMI, ante un grupo de 40 veciños/as, o proxecto técnico de arranxo da urbanización do PM5-03 do Milladoiro. Deste xeito, trátase de regularizar a situación irregular dunhas 200 vivendas que se atopan entre as rúas Figueiras e da Moa e entre a avenida de Rosalía de Castro e a a rúa Costa Grande. A arquitecta municipal, Marta Bellas, e mailo arquitecto que redactou o proxecto de obras que se van a executar, David Fernández, explicáronlle aos veciños/as afectados/as os traballos que se fan a realizar. Premendo nas ligazóns que están ao final deste aviso poderás obter a documentación explicativa de dito proxecto.

Sábado, 11 de novembro de 2017
O goberno municipal inviste preto de 100.000 euros na construción dun ximnasio e dunha pista de squash cuberta no pavillón de Bertamiráns

[11-11-2017] A Xunta de Goberno Local vén de adxudicar de forma definitiva o proxecto que recolle a construción dun novo ximnasio e dunha pista de squash cuberta no pavillón de Bertamiráns. Esta obra foi adxudicada á empresa Eulogio Viñal Obras y Construcciones SA por un importe de 97.795,32 euros (IVE incluído). Asemade, estase ampliando o pavillón municipal do Milladoiro coa construción dunha nova sala-ximnasio que ten un custo 58.145,80 euros. Estas actuacións enmárcanse dentro do plan de mellora e ampliación das instalacións municipais deportivas que está executando o goberno municipal.

Sábado, 11 de novembro de 2017
A asociación Solidariedade Galega co Pobo Saharauí organiza unha andaina solidaria pola ruta de Riamonte

[11-11-2017] A Ruta de Riamonte é o recorrido escollido para a realización da andaina solidaria en apoio ao pobo saharauí, que terá lugar o próximo domingo, 19 de novembro. Organizada pola asociación Solidariedade Galega co Pobo Saharauí (SOGAPS), a andaina terá un prezo simbólico para as e os participantes: as persoas adultas deberán abonar 5 euros pola súa participación, as crianzas 3€ e os cans 1€. Para asistir ou para obter máis información, pódese chamar aos números de teléfono 646 320 660 e 609 764 945 ou enviar un correo electrónico ao enderezo eybarra.sogaps@gmail.com. A ruta comezará ás 10:00 horas no lugar de Vilar.

Sábado, 11 de novembro de 2017
O Concello solicita unha solución ante as retencións de vehículos producidas na SC-20, entre O Milladoiro e Santiago de Compostela

[11-11-2017] O goberno municipal vén de enviarlle un carta á Demarcación de Estradas do Estado en Galicia e ao alcalde de Santiago de Compostela, para tratar de solucionar o problema de retencións que se leva producindo na SC-20 (avenida de Antón Fraguas) do Milladoiro a Santiago de Compostela. De luns a venres, en horario de 08:30 a 09:30 horas, hai retencións de vehículos de ata dous quilómetros. O goberno municipal de Ames solicita a colaboración do Concello de Santiago, para buscar solucións co obxectivo de solicitarlle ao Ministerio de Fomento algunha medida que minore a incidencia que se está producindo en dita zona.